Zɛnɛse 35:2 - Yálá laawoo hɛɓɛ (dc)

² Ɉakɔbə ə mo ɲəi bɛlɛ́n nuą diɛ da bɔ nuą, yɛ diɛ: «Ɉaliɠaai ka yəi, ka ka yee kulɔ gəlee hu, ka ka mąąhəɠə, ka ka mąą həɠəɠaa mąąhvalin.

Yálá laawoo hɛɓɛ

² Ɉakɔbə ə mo ɲəi bɛlɛ́n nuą diɛ da bɔ nuą, yɛ diɛ: «Ɉaliɠaai ka yəi, ka ka yee kulɔ gəlee hu, ka ka mąąhəɠə, ka ka mąą həɠəɠaa mąąhvalin.

Bible

² Nya ƃe Zeeka è mò ŋɔpɛ́rɛi mu-ƃelai dîa da diai kélee kɛ̀ gɔlɛ ǹyɛɛi, “Ka ŋɔ̃ya-ɣala-ŋai píli ká kákpîŋ maa wáa, ká káseɣe-ŋai maa fáleŋ.

Zɛnɛse 35:2 Referans Kwoze

Lɛɛ gbɔwɔ ɓa 19:14

Moisə ə ɲee yɛɛ, ə pa nuą pɔ. Ə nuą mąąhəɠə, di di mąą həɠəɠaa waa.

Lɛɛ gbɔwɔ ɓa 19:10

Yai-Laa yɛ Moisə ɓa: «Li ə́ mo Israɛlə lonnii diɛ, di di mąąhəɠə háákələi da tinąą; di di mąą həɠəɠaa waa.

Zĩi 4:8

'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Izikiɛ 18:31

'Ka ká yee kulɔ ka wɔ kulɔ nwoo mu laa kəlee hu, 'ka kiliŋąhiɛ nįnɛ̨ həɠə, 'ka too ka nįnɛ̨ kɔ́lɔi, lə mɛ̨nį ɓa ka káá bɔ ka haa, Israɛlə nwɔ pɛlɛ́i mu nuą?

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Zasua 24:23

Ɉosue ə mo kɛa diɛ, yɛ diɛ: «Yii hui ŋɛ̨i, ɉaliɠaa tii gaa ka yəi, ka ka yee kulɔ ɉu, ka gulɔ ka lɔwai, ɛlɛɛ, ka ka lii tínɛ̨n Yai-Laa Israɛlə nwɔ Yálá pɔ pələ.»

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»

Dutɛrɔnome 32:16

Di Yai-Laa liikələn gwəi a ɓɛlɛkpɛɛ mąą túwɔ́ yii di kɛi mo. Di nwɔ liiholi muhəɠə a kwɛli hvilɛn ŋąą haliɠaa diɛ.

Zɛnɛse 31:34

A mɛ̨nį gɛ, Rasɛlə ɓə ɉaliɠaai tii həɠə, ə nɔ ɉoo pulu kpəlin mu, ə hee mɛ̨i. Laban ə bɛlɛ́n gəlee kaa, hvo hɛn da kaa.

Zɛnɛse 31:19

Laban ə həɠə yɛ li nwɔ ɓɛlaaɠaai ləɠa mɛ̨i teei. Nąąlɔwai Rasɛlə ə nąn ɲəi bɛlɛ́n ɉalə ta həɠə bulu.

Zûu 1:23

'Ka di kulɔ nwɔ̨n ɉu, di ɓalo. 'Ka ɲɔw daɠaa diɛ, ka di ɲɛ̨imąąwɛli kaa; di kwaną həɠəɠaai di kɔ́lɔ a mąąliɓi ka nwɛli kpɛɛ kaa.

Galatə 4:8

Tɔlɔɔ tɔlɔɔ, ká hvo ni kɛ Yálá kɔ́lɔn, ká kɛ a haliɠaa di wɔɔ luwɔ, a diɛi tii di hvo kpɛli a Yálái.

Korɛntə dɔlɔɔ 10:7

'Ká hvo kɛ a hali kɔ nuą yɛ di taɠaa, yɛ bələi bɛ̨ɛ̨i la: «Nuą di hee di di laa mįi, di di kpələ, yili pulu di di muhəɠə diɛ pə́lə́ kɛ.»

Gɛlaɠaa 19:26

ɛlɛɛ yaan, ya ka tii ka káá nąą kaai, awala kɛ tii, káá bələ mɛ̨n, hvo lɔ a Efɛsə yaa tɔ̨nɔ̨, kɛlaa Asi lɔi nąą kəlee, Polə aa pili nu kpulu kɛnɛ̨ɛ̨ wəlii a nwɔ kalan nwooi, yai a kɛ la diɛ: ‹Ɲáláɠaai gwa kɛ di pɛlii a gu yee, di hvo a yáláɠaa.›

Danîa 5:4

Ɓɛlɔwai kɛa di pilɛ la nɔɔ hu, di wɔ yáláɠaai ŋɛ̨i kɛ a hɛni, wali kwɛli, ɓala kwɛli, wulu da kwɛni maa haɠaa, diɛ di mąąwiɛ.

Izikiɛ 20:7

Ŋą́ kɛ diɛ; mowo mɛ̨nɠaai tii ka káá ka ɲɛ̨i kulɔi di pɔi, ka ka kili həɠə laa, ká kəlee. 'Ka hvo ka kɔ́hɔɓo a Eziptə haliɠaa, ɲą́ą́ ɓə gaa a Yai-Laa ka wɔ Yálá.

Ɉeremi 16:20

Akɛti nu a mɔ̨ɔ̨ pɛli yáláɠaa pɛlii a gbɔwɔ nwɔɔ? Ya pa, ɉɛnŋaa tii di hvo ɓaa yáláɠaa.»

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Ɉeremi 5:7

Ɉerusalɛmə taa! Mɛ̨nį kɛ pələ a kɛ tii, ŋį́ pɛli ə́ mąą hvaalɛɛi ləi? Ə́ lonni daa nɛ́ɛ́ laa, diɛ di kwɛla hali ɓa. Ŋą́ di yee laholon, diɛ di kpɔɔ kɛ a wɛlii kɛ nuą, di pulu tɔɔ wɛli kɛ Nɛ̨ɛ̨nu yee bɛlɛ́ laaləi, diɛ nąą mąąkɔ̨nwɔ̨.

Azaya 52:11

'Ka li, 'ka li, 'ka kulɔ laa, 'ka hvo tunwɔ̨ hɛn gɔhɔɓoɔ ta ɓa. 'Ka kulɔ di lɔwai, 'ka ka mąąhəɠə, kaai Yai-Laa mąąwiɛ hɛn ɲąŋąɠaa kaa ka yəi.

Azaya 1:16

'Ka ka waa, ka ka mąąhəɠə, 'ka ka wɔ nwąnąlɔ túwɔ́ɠaa mąą kwɛa mą́ą́, 'ka kpəla mɛ̨nį ɲɔ̨n ma

Ikilisiati 5:1

'Hvó hvaa ɉą, 'hvó ə́ laa mąąhulɔ ə́ woo kwɛlɛi Yálá ɓa; Mąąhɔlɔɓo, Yálá kaa yələi, ɛlɛɛ, yɛ́n ə́ ɓo ɓɛ lɔi mɛ̨i. Yili mąą mɛ̨nį ɓa, Mąąnɛ̨ɛ̨ ə́ hvaa a bɛliɛ mą.

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Mąątɛ̨nɛ̨ 51:2

Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Zôo 1:5

Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Kɔlɔnikɔ Maa-ŋuŋ 16:26

Hɛn kpɔ nu kanŋaa da kwɛlihvilɛn mą, gəlee kaa a kpɛli-kpɛli. Yai-Laa ɓə yələkɔlɔn bɛli.

Tɔɔɓɛlaa veelɛ 17:29

Kɛlaa, ɉaláá kulɔiɠaa Samari nuą di bɛli, nu huwuɠaa ŋɛ̨i pa heei laa, nu kəlee ə nwɔ haliɠaa hee ɉaláá kulɔiɠaa tii ɓa. Bələ ɓə nu huwu tii kəlee di gɛ la daaɠaa di hee ɉu nąą kəlee.

Tɔɔɓɛlaa veelɛ 5:10

Elise ə wɛlɛɛ tɔɔ, yɛ Naaman ɓa: «'Lí ə́ ə́ waa Ɉurdɛn hu gee mɛ̨i mɛ̨ihveelɛ, ə́ kɔ́lɔ a lɛlɛ, ə́ mąą ə həɠə.»

Samia Veerɛi 7:23

Nu huwu ta kaa mɔ̨ɔ̨ ɓɛ yɛnɛ̨ɛ̨ ə ɓo yɛ Ə́ wɔ nu huwui Israɛlə, a nu huwui ŋɛ̨i Yálá ə nwun mąąɓo yɛ gɛ a gwɛlin, yɛ naa hee mą, yɛ mɛ̨nį kɛnɛ̨i ŋɛ̨i kɛ mąą mɛ̨nį ɓa da mɛ̨nį kpɛa-kpɛa mąą ɲɔwɔɠaai, ə́ gɛ di wɔ lɔi mąą mɛ̨nį ɓa. Lɔi ta kaa mɔ̨ɔ̨ laa diɛ pɛli gɔwɔn ɉii ə́ wɔ nu huwui ɓa, yai ə́ nwun mąąɓo Eziptə nuą yəi di wɔ lɔi da wɔ haligaai.

Rutə 1:15

Nąąlɔwai, Naomi ə mo Rutə ɓa yɛ mą: «Ə́ ɓɛlan ga tii aa pənə yɛ li, nwɔ nuą pɔ da di wɔ haliɠaai; 'hvilɛn bulu ka yáá ka li.»

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.

Zasua 24:20

Ɲələi ka káá pai lənəi la Yai-Laa ɓa, kaa haliɠaa kɔ́, gaa pai heei ka hu, yɛ mɛ̨nį nwąnąąɠaa laa kaa, yɛ ka nwun na pili, ya pa ə gbɛa mɛ̨inɛ̨ɛ̨ kɛ kaa.»

Zasua 24:2

Ɉosue yɛ Israɛlə lonnii diɛ: «Mɛ̨nįi Yai-Laa Israɛlə nwɔ Yálái kaa moi, ya ka: Ɲá lee kɛnɛ̨i tii pulu pələ ɓə wɔlɔ ka nąnnii di kɛ la heeni; Abrahamə da Nahɔrə di nąn Tɛra, diɛ haliɠaa kɔ́.

Zasua 23:7

Nu huwuɠaa ŋɛ̨i daa lɛɛ ka kwɛlɛ, 'ka hvo humun a di túwɔ́ pələ, 'ka hvo di wɔ haliɠaa hvɛli; 'ka hvo ka kwɛla a di wɔ haliɠaa ta laa, 'ka hvo mąąwiɛ tɛɛ di pɔ, 'ka hvo pɛlɛ di kɔ́wɔ mu.

Dutɛrɔnome 11:28

Ka ka nwun gulɔ Yai-Laa ka wɔ Yálái nwɔ tɔ́nŋąąi mu, bələi ŋɛ̨i gáá nɛi kaa háákələi, ka həɠə mɛ̨i, kaa hvilɛn haliɠaa pulu, diɛi di kaa a hɛnŋąąi ka hvo di kɔ́lɔn yiihu; nɛ̨ŋɛ̨n naa ɓə ka ɉɔlɔɓo.

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.

Dutɛrɔnome 6:14

Ka hvo hvilɛn haliɠaa pulu, ə mą kɛ ka kwɛlɛ lɔiɠaa ŋɛ̨i di wɔ hali ta lɔpee;

Dutɛrɔnome 5:7

«Hali ta hvo kɛ Ɲą́ą́ gwa kaani gu lɔwai.

Lonon mo 31:24

Ka ka mąą həɠəɠaa waa a voló mɛ̨ihveelɛ yələ, tɔ́n a kulɔ kaa, yili pulu kaa kɛa tɛ taai.»

Levetekɔ 17:16

A wala nii mąą həɠə waa, hvo gbinį waa, nɛ̨ŋɛ̨n gaa mą.»

Levetekɔ 15:5

Nui a tunwɔ̨n gbin tii ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a yá, ɛlɛɛ, Dɔ́n a lɛɛ mąą nu ɓa ə lɛɛ ɉu yələ ə wulu.

Lɛɛ gbɔwɔ ɓa 23:13

«‹Mɛ̨niɠaa kpɔ ŋą́ mo kaa, ka gəlee hon a nɛlɛɛ, ka hvo kwɛli hvilɛn haliɠaa diɛ, nu ta hvo kpɛli di laa mɛ̨n ka la.

Zɛnɛse 35:22

Ɓɛlɔwai di kɛ la laa, Rubɛn ə laa a nąn nɛ̨ą Bilha. Israɛlə kili ə pu ɉu. Israɛlə lonnii di kɛ a nu pow kɔ́w hveelɛ.

Zɛnɛse 34:2

Hivi mun Hamɔrə yai a nɔi nąmu, non Sisɛmə ə Dina kaa, ə wolo mą, ə gɛ, a nɛ̨ą.

Zɛnɛse 31:30

Ə́ həɠə mɛ̨nį ɉa, yɛ́ ə́ pulu pənə, ə́ gɛ tii, mąąhɔlɔɓo, ə́ wɔ nuą wɛli aa ə́ hon, mɛ̨nį ɲɔ̨nwɔ̨ɔ̨ hvaa a yili. Kɛlaa, lə mɛ̨nį ɓa ə́ nwɔ́ haliɠaai nwuɔ̨?»

Samuɛlə dɔlɔɔ 16:5

Ə di woo ŋąąpənə, yɛ diɛ: «Liilaa ə tɛɛ ka pɔ, nɛlɛɛ ɓə ŋą́ paa la. Ŋą́ pa haláá kulɔi Yai-Laa ɓa. 'Ka ká mąąhəɠə, ka pa gu ɉaláá kulɔ.» Samuɛlə ə Ɉɛse da nonnii di mąąhəɠə, ə di tə li ɉaláá kulɔi.

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.