Bib sou entènèt

Zɛnɛse 34:7 - Yálá laawoo hɛɓɛ (dc)

⁷ Ɉakɔbə lonnii di həɠə nɔwɔi di pa, mɛ̨nį tii kɛ, di mo diɛ. Yili ə nwąną diɛ, ə di liikələn di kwəi, mąąhɔlɔɓo, Sisɛmə aa ɓɛlɛkpɛɛmąą, túwɔ́ ɓo a Israɛlə, a laa ŋɛ̨i ə mo a Ɉakɔbə lon Dina. Yili mąą hvo nɛ̨ɛ̨li kɛ Israɛlə nuą lɔwai.

Gade chapit la Kopi

Yálá laawoo hɛɓɛ

⁷ Ɉakɔbə lonnii di həɠə nɔwɔi di pa, mɛ̨nį tii kɛ, di mo diɛ. Yili ə nwąną diɛ, ə di liikələn di kwəi, mąąhɔlɔɓo, Sisɛmə aa ɓɛlɛkpɛɛmąą, túwɔ́ ɓo a Israɛlə, a laa ŋɛ̨i ə mo a Ɉakɔbə lon Dina. Yili mąą hvo nɛ̨ɛ̨li kɛ Israɛlə nuą lɔwai.

Gade chapit la Kopi

Bible

⁷ Tãi Zeeka ǹônii-sinaai dí mɛnii ŋí mɛ̀ni lai, dí kùla gbâlaŋ ŋá dí pá. Dí kɛ̀ kpɔ́ a dílii ŋwánaa a ŋánaa. Kpɛ́ni fêi, Sɛkɛŋ è ŋumɛ mɛni kɛ̀ a Eezuɛ-ŋai a Zeeka ǹóŋ-nɛnii sòŋɔɔ mì a wála-wala a lɔ-pɔ̂rɔŋ kɛ́ la, nyii vêi pɔ̂ri kɛ̂i a kɛ́-mɛnii.

Gade chapit la Kopi

tounen moute ⬆

Zɛnɛse 34:7
27 Referans Kwoze

Nwun mąąɓo 20:6

Nąąlɔwai, ŋą́ nwɔ́ wɛlii powa həɠə, ŋą́ ɉu tee tee a gbuɔ pow kɔ́w hveelɛ, ŋą́ ɲąąkwɛlɛ Israɛlə huwu heei pow kɔ́w hveelɛi ɓa, mąąhɔlɔɓo, daa ɓɛlɛkpɛɛmąą túwɔ́ ɓo a ɲą́ą́ Israɛlə lɔi hu.

Zasua 7:15

Nui lɔpee mɛ̨nįi tii a lɛɛ nwuɔ̨, da mąą nu kələn, yaa da ɲəi hɛnŋąą kəlee; mąąhɔlɔɓo, aa Yai-Laa woo mąą kala, aa ɓɛlɛkpɛɛ mąą túwɔ́ ɓo a Israɛlə.»

Dutɛrɔnome 22:21

Mąąnɛ̨ɛ̨ də li a nɛ̨ɛ̨non tii nąn ɲəi bɛlɛ́ laaləi, daa hilɛlɛa di ɉɔɔ a kwɛni ə haa. Mąąhɔlɔɓo, aa ɓɛlɛkpɛɛmąą túwɔ́ ɓo Israɛlə lɔi hu, aa lɛɛ nąn ɲəi bɛlɛ́n aa wɛli kɛ. Ka mɛ̨nį ɲɔ̨n gulɔ ka lɔwai.

Hebreu 13:4

Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

Zɛnɛse 20:9

Abimelɛkə ə Abrahamə təli, ə mąąnikɛ, yɛ mą: «Túwɔ́ ləi ɓə ŋɛ̨i ə́ mo a kuɔi? Lə mɛ̨nį ɓə ŋį́ gɛ a yɛ́ a ɲɔ̨nwɔ̨ɔ̨, yaai ə́ kɛ bɔ, ə́ ɲą́ą́ kwa nwɔ́ lɔi hu nuą kəlee, ku kɛ a mɛ̨nį ɲɔ̨n gɛnɛ̨ kɛ nuą? Pələi tii ə́ gɛ la a ɲą́ą́, nu hva túwɔ́ tii.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Zĩi 3:10

Naaləi tanɔ̨n tii hu lɔ ɓə, lúwɔ́ da nɛ̨ŋɛ̨n naa da kulɔ laa. Nąn nonnii, bələ hvəə mąą nɛ̨ɛ̨i ə kɛ la.

Ifisiɛŋ 5:3

Túwɔ́ pələ ɲɔ̨n, mąąliɓi mɛ̨nį huwui lɔpee, hɛn nwɛli laa, di mąą hvo kpɛli nɛ̨ɛ̨li ká lɔwai, ka ka yee kulɔ yiliɠaai hu, ya ɓə a mąąhəɠə nuą mąą hon.

Korɛntə dɔlɔɔ 10:8

Gu hvo kɛ a túwɔ́ pələ ɲɔ̨n gulɔ nuą, yɛ bələi daɠaa di gɛ la, yili ɓə gɛ, nu waa pow hveelɛ kɔ́w haaɓa ə haa a hvoló tɔ̨nɔ̨.

Korɛntə dɔlɔɔ 6:18

Ka pu ka həɠə túwɔ́ pələ ɲɔ̨n dɔwɔ, nɛ̨ŋɛ̨n da kpɛliɠaa kaa laa, nu a ɉəɠə hva gɔlɔ mąą liɓi. Kɛlaa, túwɔ́ pələ ɲɔ̨n gulɔmun a nɛ̨ŋɛ̨n ɉəɠə gbɔwɔ kɔ́lɔ ɓa.

Hanwon 7:7

Ŋį́ kilikpɛɛgwəi mun ta kaa, ŋį́ ɲɛ̨i hee ɉilɛlɛa lɔwai, ŋį́ hulɔnon da kaa, yii hva mɛ̨nį ɲąą kaa.

Mąątɛ̨nɛ̨ 93:5

Ə́ wɔ tɔ́n nwooɠaai kaa a tɛ̨ą, hva ɉəɠə mą, mąą hva hvalin, Yai-Laa! Mąąhəɠəlaa kaa a yɛ́ bɛlɛ́i mąą hon ɉɛn, a yələ kəlee mɛ̨nį.

Samia Veerɛi 13:21

Tɔɔmun Davidə ə mɛ̨nįi tii bələ mɛ̨n, nii ə holi kpɔ kɛnɛ̨. Kɛlaa, hvo gɛ hvo haŋą non Amnɔn ɓa, mąąhɔlɔɓo, non ɉulɔnu dɔlɔɔ li kɛ, ə lɛɛ nwɛli ə ɓo mą.

Dutɛrɔnome 23:17

A lɛɛ kɛa ka pɔɔli ka wɔ nuą lɔwai, ɓɛi tii ə nąą həɠə ɉu ka wɔ taaɠaa lɔwai, mąąhɔlɔɓo, nąą a nɛɛ mą. Ka hvə ka yee pənə ɉu.

Levetekɔ 4:27

«Nɔi lon da a nɛ̨ŋɛ̨n ɉəɠə dɛɠii, yɛ Yai-Laa nwɔ tɔ́n nwoo ta mąąkala, yɛ kɛ la a hɔn mąą mun;

Levetekɔ 4:13

«Israɛlə lonnii kəlee da nɛ̨ŋɛ̨n ɉəɠə di tɛɠii, di mɛ̨nį ta kɛ yii Yai-Laa ə tɔ́n dɔɔ mą, diɛ gɛ di tɛɠii, diɛ di hɔn gɛ la tii,

Levetekɔ 4:2

«Mɛ̨nįi ŋɛ̨i ɓo Israɛlə lonnii diɛ, yɛ́ diɛ: «Nu ta a nɛ̨ŋɛ̨n ɉəɠə dɛɠii pələ, dɔ́nŋąąi Yai-Laa ə naa, mąą nu yɛ mąą kala, mɛ̨nįɠaai tɔ́n gaa mą, yɛ da kɛ,

Zɛnɛse 46:7

Bələ ɓə Ɉakɔbə da ŋį nu huwui kəlee di li la, di hee Eziptə, yaa, nonnii, ə mą kɛ mąnįn kəlee.

Timote dɔlɔɔ 5:13

Yɛ bələi kóló hvo la diɛ, di nwun yɛ ɓo la tii pɛlɛ́-hvŋąn gəlee mu, hvo lɔ lɛɛ la a tíi kpɛɛ mɛ̨nį diɛ, kɛlaa, di woo tamąą di la, di laa kpɔn və hee li, di laa hva kpɛ mɛ̨nįɠaa hu, mɛ̨nį hvo lɛɠɛ li diɛ ya ɓə da ɉukulɔ.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Zɛnɛse 34:6

Sisɛmə nąn Hamɔrə ə li Ɉakɔbə pɔ, ə non nwɔ wɛli mɛ̨nįi laa həli mą.

Zɛnɛse 34:8

Kɛlaa, Hamɔrə ə mo diɛ, yɛ diɛ: «Nɛ̨ɛ̨non ŋɛ̨i wɛli aa too nón Sisɛmə ɓa, ka dɛɛ bɔ́ ŋį́ dɛɛ nón bɔ a nɛ̨ą.

Dutɛrɔnome 22:20

Kɛlaa, mɛ̨nįi tii ɉulɔnui tii ə mo a nɛ̨ɛ̨non laa, akɛ a tɛ̨ąą, di hvo gbəlaa kaa li!

Ɉeremi 29:23

Di wɔ nɛ̨ŋɛ̨n kaa a mɛ̨nįi bələ hva ɓo Israɛlə lɔi hu; di kaa wɛli mɛ̨nį hu da di ɓɛlaa di nɛ̨ąni, diɛ mɛ̨nį ɓo a náá a lɛɛ; ya pa, və́ mɛ̨nį ta ɓo li diɛ. Gbaɠala kaa mą́ą́, ɛlɛɛ, gɛla ɓaa ɲą́ą́ gbinįi. Ɲą́ą́ Yai-Laa nwóó li!»

Swiv nou:

Lyen patwone

Piblisite

Piblisite