Zɛnɛse 34:27 - Yálá laawoo hɛɓɛ (dc)

²⁷ Ɉakɔbə lon ɉinąą yiiɠaai tii, di li di too nu lɛɠɛɠaa mɛ̨i, di di mąą kpoloon, di daai hɛnŋąą kəlee həɠə. Mąąhɔlɔɓo, daa kɛ wolo di mąąhala ɓa daa gɛ a di nɛ̨ą.

Yálá laawoo hɛɓɛ

²⁷ Ɉakɔbə lon ɉinąą yiiɠaai tii, di li di too nu lɛɠɛɠaa mɛ̨i, di di mąą kpoloon, di daai hɛnŋąą kəlee həɠə. Mąąhɔlɔɓo, daa kɛ wolo di mąąhala ɓa daa gɛ a di nɛ̨ą.

Bible

²⁷ Zeeka ǹônii-sinaai kpéli-ŋai dí pà dí daai su sãai síɣe. Kpɛ́ni fêi, dí dísâaƃɔlɔ ƃɛlɛ tôo.

Zɛnɛse 34:27 Referans Kwoze

Timote dɔlɔɔ 6:10

Mɛ̨nį ɲɔ̨n gəlee ɉamu ɓaa a, wali lii. Gɛ mɛ̨nį nuą diɛ di kpɔwɔ kwɛlɛ mą, daa lan, daa di mąą kwɛa laa na pələ ɓa, ɛlɛɛ, daa di kpɔwɔ liikələn di kwəi, a kiliŋąhiɛ huwu tamąą.

Zasua 7:21

Gɔ pulu hɛnŋąąi tii lɔwai, ŋį́ lɔ́həɠə lɛlɛɛ ta kaa laa, yii da həɠə la Sinearə; wali kwələ nwun veelɛ, da hɛni kpuwulu kɛnɛ̨ yii kɛ mu wia kpɔ kɛnɛ̨. Ɲɛ̨́i ə kulɔ bɔ, ŋį́ ɉəɠə, ŋį́ li la, ŋą́ di loo nwɔ́ həɠə pɛ́lɛ́i ɉąąi, nwɔ̨n dinįi; nwali tii kaa laani ɉɛnəŋąą mu nɔi mu.»

Zasua 7:13

Ə́ muhəɠə, ə́ nuą mąąhəɠə, mo diɛ, yɛ diɛ: Nu kəlee ə gbɔwɔ mąąhəɠə tinąą mąą mɛ̨nį ɓa; mąąhɔlɔɓo, Yai-Laa Israɛlə nwɔ Yálá yɛ: Hɛn tɔ́n dɔɔ mą, da kaa Israɛlə nuą lɔwai ɉɛn tii a lɛɛ ka lɔwai, ka hva pɛli tɔɔi ka yowo lííla, akɛ ka hvo ɉɛn tii kulɔ li ka lɔwai.

Zasua 7:1

Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Lɛɛ gbɔwɔ ɓa 2:14

Yili yɛ Moisə ɓa: «Gbɛɛ ɓə ə́ kɛ a ku lɔwai mɛ̨nįɠaa hutɔɔmun? Gaa ə́ kwəi bələi ti wɛi ə́ Eziptə mun ti paa la, ə́ kaa pai báái ti?» Yii kɛa Moisə ə gaa yɛ nuą kili aa pu mɛ̨nįi ti hu, ə ɲɔw.

Zɛnɛse 34:31

Diɛ mą: «Ɉulɔnui tii hvo túwɔ́ li a ku mąąhala a dənən, mąą hvo nɛ̨ɛ̨li hvo ku mąąhala hon yɛ wɛlikɛnɛ̨ɛ̨nu.»

Zɛnɛse 34:2

Hivi mun Hamɔrə yai a nɔi nąmu, non Sisɛmə ə Dina kaa, ə wolo mą, ə gɛ, a nɛ̨ą.

Zɛnɛse 34:26

Di Hamɔrə da non Sisɛmə di hu hɛɠɛ a ɓɔwa kwɛaa. Di di mąąhala Dina həɠə di li la.

Zɛnɛse 34:28

Di mɛlaaɠaa, moluɠaa, nįŋɛ̨ɠaa da ɉoohvaalənŋąą kəlee həɠə, da hɛn kpɔ kɛ laa daai, da ɲɛɛ kɔ́wɔ hu.

Izikiɛ 39:10

Di hvo pai kwɛi kwɛlii yɛɛ kɔ́wɔ ta hu, di hvo pai wulu pɔn ɉii lɔwɔi; mąąhɔlɔɓo, gɔ́ kɔ́ hɛnŋąąi tii ɓə di kaa pai kɛi nwɔ̨n ɉeei la. Nuąi di yəi hɛnŋąą kulɔ di yəii, da diɛ kpɛlimąn di wɛiɠaai kulɔ di yəi, nuąi too di mɛ̨́i, da too diɛ kpɛlimąn di mɛ̨i. Yai-Laa woo li.

Amɔsə 3:11

Yili ɓə gaa mą, Ną́mu Yai-Laa yɛ diɛ: «Ka yowoɠaa kaa pai ka wɔ lɔi mąątínɛ̨n ɉii, di tɛɛ ka yee ɉįi la, di ka kɛlɛ, di too ka wɔ tɔɔ pɛlɛ́ɠaai mɛ̨i.»