Zɛnɛse 34:20 - Yálá laawoo hɛɓɛ (dc)

²⁰ Hamɔrə da non Sisɛmə di daa nuą ɲąąkpɔn ɉįi la, diɛ diɛ:

Yálá laawoo hɛɓɛ

²⁰ Hamɔrə da non Sisɛmə di daa nuą ɲąąkpɔn ɉįi la, diɛ diɛ:

Bible

²⁰ Nya ƃe Amɔ da ǹóŋ Sɛkɛŋ dí pà dítaa-leei ŋɔsiɣãŋ lá dí lóno daa-leei su-ƃelai kélee pɔ́ dîyɛɛi,

Zɛnɛse 34:20 Referans Kwoze

Rutə 4:1

Nąąlɔwai, Boozə ə li ə hee ɉįi la, ɓɛi da kɛ mɛ̨nį ɓo kɛi laa, ə lɛɛ laa heeni, nui ŋɛ̨i ə mąą mɛ̨nį ɓo Rutə ɓa, yɛ kɛ mą: «Yaa ɓə mąąnɛ̨ɛ̨ ə ə́ mąą mɛ̨nį ɲɛ̨i kulɔ,» yili yɛ pa tɛɛi. Boozə ə dəli, yɛ mą: «Mɛ̨i yɛ́ ɓə! 'Lɛɠɛ ɓɛ, ə́ heei kaa laa.» Yili ə pa, ə hee.

Zakari 8:16

Dɔnŋaai mąąnɛ̨ɛ̨ ka di kɛ, diɛ ka: 'Ka tɛ̨ą ɓo ka kee ɓa, ka kɛi kiti tee, 'ka dee a ɉąŋąą, ə́ gɛ, diɛ pɛli pənəi diɛ pa a liilaa.

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Amɔsə 5:12

Mąąhɔlɔɓo, ɲą́ą́ Yálá, ka wɔ nwąnąlɔ túwɔ́ɠaa tii, ŋį́ gəlee kɔ́lɔn. Ka kɛ nɛ̨ŋɛ̨n damąą tii, gíli kaa gəlee hu. Nui hɔn və mą, ka káá a mąą nu ɲowo, nɔgwəi hɛn mə ka ka yee hee mu. Ka wɔ kiti tee pɛlɛ́ɠaai mu, ka hva tɛ̨ą tɛɛ yee hvowolo mun bɔ.

Amɔsə 5:10

Ka kɛ kiti tee pɛlɛ mu, nuąi da kɛ mɛ̨nį haŋąą nąą kili tooi ka ɲą, kaa di wɛli kpɛɛ kaa. Nui a kɛla hvaa ɓo a tɛ̨ą, kaa mɛlɛkpɛɛ ka kwəi.

Hanwon 31:23

Mąąwiɛ kaa ɉilɛ ɓa, galanɉonŋaa di wɔ ɲąąkpɔn ɉu, a kɛ heeni nɔi nąmįną lɔwai, nwoo mąąwiai.

Zôo 29:7

Nąąlɔwai, ŋą́ kɛi kɛ kulɔ bələ nwun na, gɛ́ nwɔ́ kpəlin vilɛn gwəli hąąi,

Samia Veerɛi 15:2

Absalɔn ə humo, ə li ə tɔɔ bələ kwɛlɛ ɉįi la, nu ta aa kɛi tɛɛ yɛ li tɔɔmun bɔɔli mąą mɛ̨nį ta ɓo mɛ̨nį ɓa, Absalɔn a dəli yɛ mą: «Ə́ həɠə daa nɛlɛ hu?» Yili akɛ ma: «Ə́ wɔɔ luwɔi ə həɠə Israɛlə huwuhu nuą lɔwai, gaa a nu huwu ŋɛ̨i hu mun da.»

Dutɛrɔnome 17:5

ɉulɔnui tii, a wala kɛ tii, nɛ̨ɛ̨nui tii dúwɔ́ pələ ɲɔ̨n tii kulɔ, ka kulɔ la ɉįi pulu. Ə kɛ a hulɔnu-o, ə kɛ a nɛ̨ɛ̨nu-o, ka ɉɔɔ a kwɛni ə haa.

Zɛnɛse 23:10

Ɛfrɔn ŋɛ̨i kɛ a Hɛtə mun, yɛ ɓo Hɛtə huwuhu nuą lɔwai heeni, ə Abrahamə woo ŋąąpənə, Hɛtə nuą ŋɛ̨i kɛ heeni ɉįi la di ɲɛ̨i ɓa, yɛ diɛ:

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 34:19

Ɉulɔnon tii hvo kpɛli kuu hee gɛ́nɛ̨ kɛ mɛ̨nį ɓa, mąąhɔlɔɓo, Ɉakɔbə lon nwɛli ə kɛ mą kpɔ kɛnɛ̨. Sisɛmə woo mąąwia kɛ nąn ɲəi bɛlɛ́n, nąn nonnii lɔwai.

Zɛnɛse 34:21

«Kanąlaa kaa pai kɛi gwa Ɉakɔbə nwɔ pɛ́lɛ́i gu lɔwai. Kuɔ di hee ɓɛ gu pɔɔli, nɔi ə kɛ a gwa diɛni kəlee gu wɔɔ. Guɔ nɛ̨ą həɠə gu kee ɓa.

Mąątɛ̨nɛ̨ 127:5

Nwun na nɛ̨ɛ̨mun maa, nui a nwɔ tonwą taɠai laahvɛɛ a tonwą tíɛ! Nwumɛ̨ hva ɲɛ̨i paa a yələ ta, ə mą kɛ ɲowo aa tɔɔ ɉįila.