Zɛnɛse 34:14 - Yálá laawoo hɛɓɛ (dc)

¹⁴ Di mo kɛa Sisɛmə da nąn diɛ, diɛ diɛ: «Mɛ̨nįi ŋɛ̨i ka mo, ku hvo hvaa li mą, ku hva ku mąąhala tɛɛi kɛ́nɛ̨ kpoloa pɔ; kwa yili kɛ ti, akɛ a ɓɛlɛkpɛɛmąąlaa kuɔ.

Yálá laawoo hɛɓɛ

¹⁴ Di mo kɛa Sisɛmə da nąn diɛ, diɛ diɛ: «Mɛ̨nįi ŋɛ̨i ka mo, ku hvo hvaa li mą, ku hva ku mąąhala tɛɛi kɛ́nɛ̨ kpoloa pɔ; kwa yili kɛ ti, akɛ a ɓɛlɛkpɛɛmąąlaa kuɔ.

Bible

¹⁴ Dí mò dîa dîyɛɛi, “Ǹúui vé see-ni kpono mɛi, va pɔ̂ri kúsâaƃɔlɔ kulâi a nɛnî. Kpɛ́ni fêi, gáa kûa a ƃɛlɛ-too.

Zɛnɛse 34:14 Referans Kwoze

Lomaŋ 4:11

Yili pulu ɓə di kɛnɛ̨ mɛ̨nį kɛ la, a nwɔ laa na laa kɔlɔn ɉɛn tələnmolaa hu, ɓɛlɔwai ə kɛ ni la a kɛnɛ̨ kpolowa. Yili ɓə gɛ a, laa na laa nuąi di hvo hee li kɛnɛ̨ ɓa, di kalaɓɔlɔ, əgɛ, di pɛli kɛi a tələnmo nuą.

Maafîu 2:13

Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»

Maafîu 2:8

Yili pulu, yɛ diɛ: «'Ka li Bɛtleɛmə daai, 'ka nokoloi tii mąą mɛ̨nį hukulaa lɛlɛɛ kaa, 'ka pa, ka mo mą́ą́; ə gɛ, ɲą́ą́ gbɛli ŋį́ li ŋį́ kwɛli hvilɛn mą.»

Tɔɔɓɛlaa dɔlɔɔ 21:9

Mɛ̨nįɠaa ə bɛ̨ɛ̨ ɉɛɓɛ́ hu, diɛ ka; yɛ diɛ: «Ka hin gɛnɛ̨ lɔ mɛ̨nį noloɓo, ka Nabɔtə hee nu kɛnɛ̨ haɠa ɓa nu kəlee ɲɛ̨i tɔwɔ.

Samia Veerɛi 15:7

Kwɛlan nąąn gulaa ɉu, Absalɔn yɛ tɔɔmun ma: «Nɛ́ɛ́ laa, ŋą́ li Hebrɔn, nwóó ŋɛ̨i ŋą́ gwɛlɛ Yai-Laa ɓa, ŋą́ bɔ mɛ̨nį kɛ.

Samia Veerɛi 1:20

Ka hvo bələ taɠa Gatə daai, Ka hvo ɉukulɔ Askelɔn bələɠaa pɔ. Ə gɛ, Filisti nɛ̨ąą di hvo pa ləi maa kwəinɛ̨ɛ̨ kulɔ, gɛ́nɛ kpolɔwaɠaa lonnii nɛ̨ąą di pa nee kɛ pili yələi a kwəinɛ̨ɛ̨.

Samuɛlə dɔlɔɔ 17:36

Ə́ wɔ luwɔi aa yala paa ə mą kɛ kwɛli. Filisti kɛ́nɛ̨ kpolɔwai ŋɛ̨i ɓaa lə! Gaa kpɔlɔ yɛ ɉuwoɠaai tii ta. Mąąhɔlɔɓo, aa Yálá hvulú kwɛlin baa pɔlɔn dɔɔ.

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»

Zɛnɛse 17:14

Hulɔnui lɔpee hvo hee li kɛ́nɛ̨ ɓa, da gulɔ nuą lɔwai, mąąhɔlɔɓo, hvo kɛ nwɔ́ mįnɛ̨i mąąwiɛ li.»

Zɛnɛse 17:11

Gɛ́nɛ̨ mɛ̨nįi tii ɓə pai kɛi gwa kaa ni gu lɔwai a nwɔ́ mįnɛ̨ mąą pɔɔ kɔ́ɔn.

Zɛnɛse 34:13

Ɉakɔbə lonnii di Sisɛmə da nąn Hamɔrə di woo ŋąąpənə a gbąnąlaa, mąąhɔlɔɓo, Sisɛmə hɔn ə kɛ di kwəi, di mąąhala Dina mąą mɛ̨nį ɓa.

Zɛnɛse 34:15

Kwa pɛli ku hvaa mą, akɛ, ɉinąą kpɔ di kaa ka pɔ taai da gəlee hee kɛ́nɛ̨ ɓa.

Nwun mąąɓo 14:3

Samsɔn kaa nuą diɛ mą: «A kɛ tii, hvo kɛ nɛ̨ɛ̨non da kaa li ə́ huwu lɔwai ɓɛ, yii yá pɛli ɉəɠəi a ə́ nɛ̨ą? Hvo kɛ li lɔ Filisti nɛ̨ɛ̨nu, a diɛi di huwu kaa a kɛ́nɛ̨ kpolɔwaɠaai?» Kɛlaa, Samsɔn yɛ nąn ma: «Nɛ̨ɛ̨nui tii ɓə gáá bɔ ŋą́ ɉəɠə a nɛ̨́ą, ka li ka mąą mɛ̨nį ɓo.»