Zɛnɛse 33:14 - Yálá laawoo hɛɓɛ (dc)

¹⁴ Yili ɓa, gɛ́ nwɔ́ mɛ̨nį nąmu ə tɛɛ dɔ́wɔ, gáá pulu gɛ́ pa kwa nɛapɛlɛɛɠaa da daatɛlɛɛɠaa, ku kaa pai ku həli nwɔ́ mɛ̨nu nąmu ɓa Seirə.»

Yálá laawoo hɛɓɛ

¹⁴ Yili ɓa, gɛ́ nwɔ́ mɛ̨nį nąmu ə tɛɛ dɔ́wɔ, gáá pulu gɛ́ pa kwa nɛapɛlɛɛɠaa da daatɛlɛɛɠaa, ku kaa pai ku həli nwɔ́ mɛ̨nu nąmu ɓa Seirə.»

Bible

¹⁴ Tɔɔ ŋánuu-namui, é lí tuɛ, ńyãai a íyee-mu-nuui ŋá lɛ́ɛ pôlu. Ŋa pâi siâi yɛ̂ɛ berei daa-tulɛ-ŋai da nîa-pɛlɛɛi da siâi lai é lɛ́ɛ la zu ŋá seri ŋánuu-namui mâ Idɔŋ.”

Zɛnɛse 33:14 Referans Kwoze

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Zɛnɛse 32:3

Ɉakɔbə ə di kaa lɔ, ə tómą kpɔ kɛnɛ̨, yɛ diɛ: «Yálá nwɔ kɔ́ ɓuwu la ka» ə gɛɛnąąi tii laa hee a Mahanaimə.

Lomaŋ 15:1

Guɔi ŋɛ̨i huwalawala kaa gu yəi laa na pələ mɛ̨i, manɛɛ gu kpɔnmąą tɛɛ hviikpɛɛ nuą pɔ; gu di hvaŋą lɔ, gu hvo gu kpɔɔ liiɓa kɛ!

Markə 4:33

Pələ ɓə Jesus ə kɛi nuą kalan na hanwon ɉu, yɛ pələi yii ŋɛ̨i kaa la. Ə kɛi ɉanwonŋąą tii hɔɔ yɛ bɛli nwoo mɛ̨n nuą di wɔ mɛ̨nį kpaɠala kaa kɛ pələ kaa la.

Izikiɛ 25:8

«Mɛ̨ni kəlee ŋą Hééɓomun Yálá woo ka, yɛ: Moabə da Seirə di kɛ diɛ, Ɉuda nwɔ pɛlɛ́i aa kɛ yɛ lɔi takpɛliɠaa.

Kɔlɔnikɔ Veerɛi 20:10

Yii hu, Amɔn nuą, Moabə nuą, da Seirə yee hu nuą kaa lə kɛa, diɛ kɔ́ pɛlɛ kuɔ. Ɓɛlɔwai Israɛlə nuą di kulɔ la Eziptə lɔi hu, hvó kɛ hvaa li mą, Israɛlə hvo tɛɛ di wɔɔ lɔi hu, hvo di hu kala.

Nwun mąąɓo 5:4

Ee, Yai-Laa! Ɓɛlɔwai ə́ həɠə la Seirə lɔi hu, yɛ́ pa, ɓɛlɔwai ə həɠə la Edɔmə ɲɛɛ kɔwɔɠaa hu, lɔi ə kpɛlin, yələkɔlɔn ə tumo, tulɔ kpinįn ɲá ə tee mą, ə pu a tulɔ kɛnɛ̨.

Dutɛrɔnome 2:1

Yili pulu, gu ɉon a veen gbɔ̨nɔ̨ gboloyá pɔ pələ, bələi Yai-Laa ə dí la; guɔ Seirə yee mąą laa.

Korɛntə dɔlɔɔ 3:2

Ɲįnįyá ɓə ŋą́ dɔɔ ka la, və́ kɔ̨nɔ̨n nwalawala lɔ li ka la, mąąhɔlɔɓo, ka hvəli pɛli mįi. Ká hvo li pa nwɔ̨nɔ̨ kɛ pɛli mą háákələi.

Zɛnɛse 33:13

Ɉakɔbə yɛ Esau ɓa: «Nwɔ́ mɛ̨nį nąmu, ə́ kili kaa ɉu yɛ́ lɛapɛlɛɛ hiɛ kɛ laa walaai, ɛlɛɛ, ɓɛlaa kɔ̨nwɔ̨leeɠaa da nįŋɛ̨ kɔ̨nwɔ̨leeɠaa kaa ɲə́i, nuą ka kpɔlu di la a mɔlɔ, ə mą kɛ a hvóló tɔ̨nɔ̨ hiɛ, daatɛlɛɛ pɛlɛɛɠaa da haa.

Zɛnɛse 32:4

Ɉakɔbə ə wɛlɛɛ tɔɔ niɛ Esau pɔɔli, Seirə lɔi hu, Edɔmə ɲɛɛ kɔ́wɔ hu.