Zɛnɛse 33:11 - Yálá laawoo hɛɓɛ (dc)

¹¹ Mɛ̨inɛ̨ɛ̨ ŋɛ̨i ŋį́ paa la, ə́ yee hee mu. Mąąhɔlɔɓo, Yálá ə ɲɛ̨i lɛlɛɛ hee mą́ą́, yii kpɔ ŋį́ kɛ bɔ, gəlee kaa ɲə́i.» Ɉakɔbə ə kpala kpɔ Esau la, yili ə ɲee hee mu.

Yálá laawoo hɛɓɛ

¹¹ Mɛ̨inɛ̨ɛ̨ ŋɛ̨i ŋį́ paa la, ə́ yee hee mu. Mąąhɔlɔɓo, Yálá ə ɲɛ̨i lɛlɛɛ hee mą́ą́, yii kpɔ ŋį́ kɛ bɔ, gəlee kaa ɲə́i.» Ɉakɔbə ə kpala kpɔ Esau la, yili ə ɲee hee mu.

Bible

¹¹ Kpera yɛ̂, íyee sée ŋásama-sãai mu nyii-ŋai ŋa pá la ípɔi, kpɛ́ni fêi, Ɣâla a ƃɛlɛ-see kɛ́ mî, kpɛ́ni fêi, ŋɔ́nɔ sɛŋ támaa káa ńyêei.” Nya ƃe è lɛ̀ɛ lônoi bɔ́ é ǹyée sée zãâi mu.

Zɛnɛse 33:11 Referans Kwoze

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa

Samuɛlə dɔlɔɔ 25:27

Ə́ hąmąi ŋɛ̨i ə́ wɔ luwɔnɛ̨ąi ə paa la nwɔ mɛ̨nį nąmu pɔ, ə́ yee hee mu, ə́ dɛɛ ə́ nwɔ hilɛlɛai ə́ bulu, di pɔ.

Tɔɔɓɛlaa veelɛ 5:23

Naaman yɛ mą: «Əi! Wali kwələ pow mɛ̨ida ka.» Naaman ə nwali da ɉəɠəɠaa tii pu ɓíi hveelɛ hu, ə dɛɛ nu hveelɛ pɔ, ə kpala Gehazi la, yɛ mą: «'Lí la», nu hveelɛi tii di ɉəɠə, da diɛni diɛ li.

Zɛnɛse 33:9

Esau yɛ Ɉakɔbə ɓa: «Nə́ɠə, yii ɲə́i bɛliɛi mą́ą́, ə́ yee kɛ ə́ wɛi tii ɓa.»

Zɛnɛse 30:43

Ɓələ ɓə Ɉakɔbə ə taatɛlɛɛ kpulu kɛnɛ̨ hɔlɔɓo la, ɓɛlaaɠaa diɛ ɓo ɲəi, ɓoluɠaa, ɲɔ̨nwɔ̨mɛ̨ɛ̨ɠaa, hoohvaalənŋąą, ɛlɛɛ luwɔ hinąą da luwɔ nɛ̨ąą.

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Korɛntə dɔlɔɔ 3:21

Yili ɓa, nu ta hvo ŋą huɲąŋąkɛnɛ̨ kɔwɔ hvilɛn nu kanŋaa mɛ̨i, gbala ə tɔɔ, gəlee kaa a ká wɔɔ:

Lukə 14:23

«Ɉulɔnui tii ə mo nwɔ̨nɔ̨ nwɔ tímun ma, yɛ mą: ‹'Li daa pulu, ɲɛa pələɠaa pɔ, galaɠaa koo ɓa, nui lɔpee yá gaa laa, ə́ mo mą kpɔ a ə́ nwąnąąi ə pa, əgɛ, nwɔ́ɔ́ pɛlɛi laa ə hvɛɛ.

Tɔɔɓɛlaa veelɛ 2:17

Kɛlaa, di kpala pələi tii na, ə lɛɛ ɉu yɛ diɛ: «Ee! Ka di tɔɔ kani.» Di nɛɛ mą di nu pow lɔɔlii tii tɔɔ, di li di Eli kwɛli hvóló haaɓa yee mu, di hvo gaa.

Samuɛlə dɔlɔɔ 30:26

Həlii Davidə ə mo Siklagə, ə Ɉuda kalanɉonŋaa kɔ́ a ɉɛnŋaai di ə ɉɔlɔɓo, ə di wɛi tɛɛ di pɔ. Yɛ diɛ: «Ka hąmą ka, hɛn ku ɉon kɔ́ hu Yai-Laa ɲowoɠaa yəi, da li.»

Nwun mąąɓo 1:15

Aksa yɛ nąn ma: «Mɛ̨inɛ̨ɛ̨ kɛ mą́ą́, mąąhɔlɔɓo, nɔi ŋɛ̨i ə́ dɛɛ bɔ́ ɉɛɠɛɛ lɔi hu pələ, yá nwun gulɔi hvo ɉu. Yá nwun gulɔiɠaa tɛɛ bɔ́.» Kalɛbə ə nɛɛmą, ɲá kwɛlɛ lɔiɠaa kɛ ɲələi pələ, da yiiɠaai kɛ ɉɛɠɛɛ pələ, ə di tɛɛ bɔ.

Zasua 15:19

Nɛ̨ɛ̨non yɛ nąn ma: «Mɛ̨inɛ̨ɛ̨ kɛ mą́ą́! Yɛ bələi yáá lɔi tɛɛ la bɔ́ ɉɛɠɛɛ pələ, yá kɛɛnąą tɛɛ bɔ́!» Kalɛbə ə yá kɛɛnąą tɛɛ bɔ ɲələi pələ da ɉɛɠɛɛ pələ.

Zɛnɛse 33:10

Ɉakɔbə yɛ Esau ɓa: «Ną́n, hvó gɛ tii! Akɛ yaa ɲɛ̨́imąąwɛli kaa, ə́ yee hee mu; hvo gaai, ə́ yee heei ŋɛ̨i yáá mo mú, gaa ɲɛ̨́i ɓa yɛ, kwa Yálá kwa ku kee kaa.

Zɛnɛse 33:12

Esau yɛ Ɉakɔbə ɓa: «Gwəli, ŋį́ ə́ tɔɔ bələi.»

Zɛnɛse 32:21

Kaa nwɔ̨nɔ̨ mą ə́ wɔ tímun Ɉakɔbə kaa ku pulu yɛ pa.» Ɉakɔbə ə kɛi kɛ diɛ: «Gbəli hu, ŋą́ gɛ tii, gaa pai ɲee heei mú a nɛlɛɛ.»