Zɛnɛse 32:6 - Yálá laawoo hɛɓɛ (dc)

⁶ Ɉɛnŋąąi ɲəi, diɛ ɓaa: Nįŋɛ̨ɠaa, hoohvaalənŋąą, ɓɛlaaɠaa, ɓoluɠaa, luwɔ hinąą da nɛ̨ąą. Nwɔ́ mɛ̨nį nąmu, nwɛlɛɛi ŋɛ̨i tɔɔ mɛ̨nį nwun maa, ə́ wɔ tímun Ɉakɔbə a pa, ə́ ə́ yee hee mu a nɛlɛɛ.›»

Yálá laawoo hɛɓɛ

⁶ Ɉɛnŋąąi ɲəi, diɛ ɓaa: Nįŋɛ̨ɠaa, hoohvaalənŋąą, ɓɛlaaɠaa, ɓoluɠaa, luwɔ hinąą da nɛ̨ąą. Nwɔ́ mɛ̨nį nąmu, nwɛlɛɛi ŋɛ̨i tɔɔ mɛ̨nį nwun maa, ə́ wɔ tímun Ɉakɔbə a pa, ə́ ə́ yee hee mu a nɛlɛɛ.›»

Bible

⁶ Nya ƃe géla-ŋai dí pà pôlu Zeeka pɔ́ díyɛɛ mai, “Kú lì ílîa Isɔɔ pɔ́ naa, ǹyaŋ gáa pâi ílaa koyânii. Kɛ́lɛ da núu ŋuŋ náaŋ (400) ƃé pâi.”

Zɛnɛse 32:6 Referans Kwoze

Zɛnɛse 33:1

Ɉakɔbə ə Esau kaa yɛ pa nąąkwiɛn ɉi, da hinąą nwun nąąn. Ɉakɔbə ə nonnii ŋąąkwɛlɛ Lea da Rasɛlə di lɔwai, ə mą kɛ, nwɔ tínɛ̨ą hveelɛi.

Amɔsə 5:19

Volói tii kaa yɛ: nu aa kɛi gilɛ həɠə Yala tɔwɔ, ə li ə kwiɛn a Kwɛ́li. Gaa yɛ: nu a lɔ pɛlɛ́n, aa kɛi kɛ ə ɲee pɛlɛ bɛlɛ ɓa, kaalə ə ɲin.

Zɛnɛse 32:11

Mą́ą́ hvo nɛ̨ɛ̨li kɛ a mɛ̨inɛ̨ɛ̨ kɛnɛ̨ɛ̨ ŋɛ̨i nąmu. Hvo gaai, gɛ́ɛ́ Ɉurdɛn teen ɉii, gbɔn nɔ ɓə kɛ ɲə́i. Ya ka ŋɛ̨i Yáá ɲéé laahvɛɛ a mɛ̨inɛ̨ɛ̨ kpɛa-kpɛa hveelɛ, gɛ́ pənə gɛ́ paa la ną́n ɲəi bɛlɛ́n.

Zɛnɛse 32:8

Ɉakɔbə ə ɲɔw kpɔ kɛnɛ̨, liihɛn ə too mą, ə nɛɛmą ə nwɔ nuą ɲąąkwɛlɛ ɉu hveelɛ, ə mą kɛ mɛlaaɠaa, moluɠaa, nįŋɛ̨ɠaa.

Zɛnɛse 32:7

Nwɛlɛɛ ɓo nuąi di pa, diɛ Ɉakɔbə ɓa: «Kwə li ku ə́ liɛ Esau kaa, gaa pai ə́ laakwiɛn ɉii, da hinąą nwun-nąąn.»

Zɛnɛse 31:18

Taatɛlɛɛɠaa kpɔ ə ɉɔlɔɓo Aramə, da hɛn gɔw, ə gəlee həɠə yɛ li la nąn Isaakə pɔ, Kanaan lɔi hu.

Zɛnɛse 33:8

Esau yɛ Ɉakɔbə ɓa: «Lə kpɔ ɓə yɛ́ ə́ pa gɛ a daatɛlɛɛ kpulu kɛnɛ̨i ŋɛ̨i kwa diɛni ku kɛi kwiɛn?» Ɉakɔbə yɛ mą: «Yili ɓə ŋį́ kɛ bɔ ŋį́ ɲɛ̨́i lɛlɛ la nwɔ́ mɛ̨nį nąmu yəi.»

Zɛnɛse 33:15

Esau yɛ Ɉakɔbə ɓa: «Nuąi ŋɛ̨i bɔ́, gáá bələ tɔ̨nɔ̨ lɛɛi ɓɛ, ka diɛni ka pa.» Ɉakɔbə yɛ mą: «Ə gɛ di lə kɛ, yáá nwalawalaamun gɛ a ə́ ɲɛ̨i lɛlɛɛ heɛ mą́ą́.»

Zɛnɛse 34:11

Sisɛmə kpinįi yɛ nɛ̨ɛ̨nu nąn da mąąhinąą diɛ: «Ka ɲɛ̨́imąąwɛli kaa, ka hvaa nwóó ɓa; yii lɔpee ka mo, ka lon mąą mɛ̨nį hu, ŋį́ gɛ.

Zɛnɛse 47:25

Diɛ Ɉosɛfə ɓa: «Ku wɔ mɛ̨nį nąmu, yɛ́mun, yáá ku ɓalo, mąąhɔlɔɓo, yáá ə́ ɲɛ̨i lɛlɛɛ hee kuɔ, ku yee kaa mu, kwaa lɛɛ a tɔɔmun ŋą luwɔɠaa.»

Rutə 2:2

Hvoló ta, Rutə yai a Moabə nɛ̨ɛ̨non ə mo Naomi ɓa, yɛ mą: «Gɛ́ ə́ hvaamą, ŋą́ li kpai kpan ɉu ta ɓa, nąmu a ɲɛ̨́i mąąwɛli kaa, ŋą́ gban ɉu kwɛli.» Naomi yɛ mą: «Nón! Ŋą́ą́ hvaa mą, li.»

Rutə 2:13

Rutə ə mo kɛa Boozə ɓa nąąlɔwai, yɛ mą: «Nwɔ́ mɛ̨nį nąmu, nwɔ́ nu lɛlɛɛ kpɔkpɔɔ ɓaa a yɛ́. Mąąhɔlɔɓo, nwɛlikɛmąą woo ŋɛ̨i yáá mo mą́ą́, yili aa váŋąlɔ; ɲą́ą́ ŋɛ́i kwa ə́ wɔ tínɛ̨ąąi ta ku hvo kpɛli pɛli li.»

Samuɛlə dɔlɔɔ 1:18

Anə yɛ mą: «Yálá ə hvaa mą, ə́ nwɔ luwɔ nɛ̨ą ə́ ə́ lii hon.» Anə ə li, ə kɔ̨nɔ̨n mįi, ɲɛ̨ilai kɛ pələ ə ɓo a dee.