Zɛnɛse 32:5 - Yálá laawoo hɛɓɛ (dc)

⁵ Yɛ nwɛlɛɛ ɓo nuą diɛ: «Ka li, ka ŋį́ mɛ̨nį nąmu Esau kaa, kaa mą: ‹Ə́ wɔ tímun Ɉakɔbə yɛ: Gaa wɔlɔ Laban pɔɔli, aa lɛɛ ɉu yiihu aa ɉəli.

Yálá laawoo hɛɓɛ

⁵ Yɛ nwɛlɛɛ ɓo nuą diɛ: «Ka li, ka ŋį́ mɛ̨nį nąmu Esau kaa, kaa mą: ‹Ə́ wɔ tímun Ɉakɔbə yɛ: Gaa wɔlɔ Laban pɔɔli, aa lɛɛ ɉu yiihu aa ɉəli.

Bible

⁵ Niŋa káa ńyêei, soo-fáleŋ-ŋa, ƃála-ŋa, tíi kɛ́-sinaa da tíi-kɛ-nɛyaa. Nya ƃe ŋá ŋ́oo tɛɛ̂i ípɔ naa yái íkaa a ŋámɛi-nuui a gɛɛ ŋá gáa à kɛ̀ ílii lâai ḿɛni ma.’ ”

Zɛnɛse 32:5 Referans Kwoze

Zɛnɛse 33:8

Esau yɛ Ɉakɔbə ɓa: «Lə kpɔ ɓə yɛ́ ə́ pa gɛ a daatɛlɛɛ kpulu kɛnɛ̨i ŋɛ̨i kwa diɛni ku kɛi kwiɛn?» Ɉakɔbə yɛ mą: «Yili ɓə ŋį́ kɛ bɔ ŋį́ ɲɛ̨́i lɛlɛ la nwɔ́ mɛ̨nį nąmu yəi.»

Zɛnɛse 33:15

Esau yɛ Ɉakɔbə ɓa: «Nuąi ŋɛ̨i bɔ́, gáá bələ tɔ̨nɔ̨ lɛɛi ɓɛ, ka diɛni ka pa.» Ɉakɔbə yɛ mą: «Ə gɛ di lə kɛ, yáá nwalawalaamun gɛ a ə́ ɲɛ̨i lɛlɛɛ heɛ mą́ą́.»

Zôo 6:22

Və́ ta kɛ li kaa ka mɛ̨inɛ̨ɛ̨ kɛ mą́ą́, və́ ta kɛ li kaa, ka hɛn da həɠə ka yəi hɛn gɔw hu, mą́ą́ mɛ̨nį ɓa,

Samia Veerɛi 16:4

Tɔɔmun yɛ Siva ɓa: «Mefibosɛtə yəi hɛnŋaa kəlee daa lɛɛ a ə́ wɔɔ.» Siva yɛ tɔɔmun ma: «Ɲą́ą́ ka, ŋą́ą́ pɛlɛ, Yálá ə hvaa mą, ŋą́ kɛ a nui ya ə́ ɲɛ̨i lɛlɛɛ hee mą́ą́, tɔɔmun nwɔ́ mɛ̨nį Nąmu.»

Samuɛlə dɔlɔɔ 1:18

Anə yɛ mą: «Yálá ə hvaa mą, ə́ nwɔ luwɔ nɛ̨ą ə́ ə́ lii hon.» Anə ə li, ə kɔ̨nɔ̨n mįi, ɲɛ̨ilai kɛ pələ ə ɓo a dee.

Rutə 2:2

Hvoló ta, Rutə yai a Moabə nɛ̨ɛ̨non ə mo Naomi ɓa, yɛ mą: «Gɛ́ ə́ hvaamą, ŋą́ li kpai kpan ɉu ta ɓa, nąmu a ɲɛ̨́i mąąwɛli kaa, ŋą́ gban ɉu kwɛli.» Naomi yɛ mą: «Nón! Ŋą́ą́ hvaa mą, li.»

Zɛnɛse 47:25

Diɛ Ɉosɛfə ɓa: «Ku wɔ mɛ̨nį nąmu, yɛ́mun, yáá ku ɓalo, mąąhɔlɔɓo, yáá ə́ ɲɛ̨i lɛlɛɛ hee kuɔ, ku yee kaa mu, kwaa lɛɛ a tɔɔmun ŋą luwɔɠaa.»

Zɛnɛse 33:11

Mɛ̨inɛ̨ɛ̨ ŋɛ̨i ŋį́ paa la, ə́ yee hee mu. Mąąhɔlɔɓo, Yálá ə ɲɛ̨i lɛlɛɛ hee mą́ą́, yii kpɔ ŋį́ kɛ bɔ, gəlee kaa ɲə́i.» Ɉakɔbə ə kpala kpɔ Esau la, yili ə ɲee hee mu.

Zɛnɛse 31:16

Yili ɓa, ɉɛnŋąąi kpɔ Yálá ə gulɔ ku nąn Laban yəi, ə dɛɛ ə́ pɔ, gaa a kwa ku lonnii ku wɔɔ. 'Gɛ yɛ bələi Yálá ə mo la yɛ.»

Zɛnɛse 30:43

Ɓələ ɓə Ɉakɔbə ə taatɛlɛɛ kpulu kɛnɛ̨ hɔlɔɓo la, ɓɛlaaɠaa diɛ ɓo ɲəi, ɓoluɠaa, ɲɔ̨nwɔ̨mɛ̨ɛ̨ɠaa, hoohvaalənŋąą, ɛlɛɛ luwɔ hinąą da luwɔ nɛ̨ąą.

Lukə 12:45

Kɛlaa, akɛ, góló kɛmun tii a giliŋąhiɛ, yɛ kɛ mą: ‹Námu hvo pai pai ɉa.› Ə pɛlɛ kɛa mɛlaa koló kɛ nuą diɛ, yɛ di kɛlɛ, yɛ nąą mį́į́ yɛ pilɛ, yɛ gbələ yɛ ɓo a lɔɔ hon.

Zɛnɛse 31:3

Nąąlɔwai, Yai-Laa ə mo Ɉakɔbə ɓa yɛ mą: «Pənə ə́ li ə́ kaa nuą pɔ, ka pɔ lɔi, gáá pai kɛi ə́ pɔ.»