Zɛnɛse 32:4 - Yálá laawoo hɛɓɛ (dc)

⁴ Ɉakɔbə ə wɛlɛɛ tɔɔ niɛ Esau pɔɔli, Seirə lɔi hu, Edɔmə ɲɛɛ kɔ́wɔ hu.

Yálá laawoo hɛɓɛ

⁴ Ɉakɔbə ə wɛlɛɛ tɔɔ niɛ Esau pɔɔli, Seirə lɔi hu, Edɔmə ɲɛɛ kɔ́wɔ hu.

Bible

⁴ È mò dîa ǹyɛɛi, “Ka lí ká mó ḿɛi-nuui Isɔɔ ma, íyee mu-nuui Zeeka ǹyɛɛi, ‘Ŋa lɛɛ Laƃaŋ pɔ́ naa a ŋɔ̃ya a lɛɛ la zu tãi ŋí a seri.

Zɛnɛse 32:4 Referans Kwoze

Piɛrə dɔlɔɔ 3:6

Yɛ bələi Sara kaa la, yai kɛ Abrahamə woo mu, ə kɛli lɔ dəli yɛ kɛ mą: nwɔ mɛ̨nį nąmu. Yaa tii ɓə ká káá a nonnii nɛ̨ąą mɛ̨nį lɛlɛɛ kɛɛ hu, 'ká hvo nɛɛlaa, mɛ̨nį ta ŋą ɲɔw hvo ká hupu káá.

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Ikilisiati 10:4

Ə́ nwun nąmu a niiɲąnwąną ə́ pɔ, hvo həɠə ə́ tɔɔi, hvo ə́ kɛ kóló lɛɛ. Mąąhɔlɔɓo, líilaamun mə ŋą mə́nə́n a mɔ̨.

Hanwon 15:1

Woo ɲąąpənə lɛlɛɛ, a líi holi kpɛla bələi. Kɛlaa, woo ɲɔ̨n moɔ nu ɓa, a líi holi ta pɛlɛ mą.

Hanwon 6:3

akɛ ɉɛn a wala hɔlɔɓo hvó dɛɛ nąmu pɔ, a kɛ tii yáá too ɲəi ŋą, nón bələi yá gɛ la bələ ka: Li, ə́ pɛlɛ ɉɛn nąmui tii kɔ́wɔ mun ə́ nɛ̨ɛ̨mąą hvə mą.

Tɔɔɓɛlaa dɔlɔɔ 20:32

Di míi haɠaɠaa yili diɛ, di di yeeɠaa yili, di naa di nwuɔ̨, di li Israɛlə tɔɔmun nííla; diɛ mą: «Ə́ wɔ luwɔ Bɛn-Hadadə gaa nɛ̨ɛ̨mąą hvəi yɛ́, yɛ, ə́ nɛɛ a vulú.» Akabə yɛ diɛ: «Nán non Bɛn-Hadadə tii kaa ni yɛnɛ̨ɛ̨?»

Samuɛlə dɔlɔɔ 26:17

Saulə ə Davidə woo kɔ́lɔn, yɛ mą: «Ə́ woo li, nón Davidə!» Davidə yɛ mą: «Nwóó li tɔɔmun nwɔ́ mɛ̨nį Nąmu.»

Lɛɛ gbɔwɔ ɓa 32:22

Aarɔn yɛ Moisə ɓa: «Nwɔ́ mɛ̨nį nąmu, hvó ə́ líiholi! Yɛ́ kpinįi gbaɠala kaa yɛ́, nuą ŋɛ̨i di wɔ kiliŋąhiɛ a li lɔ mɛ̨nį ɲɔ̨n bɔ pələ.

Zɛnɛse 33:8

Esau yɛ Ɉakɔbə ɓa: «Lə kpɔ ɓə yɛ́ ə́ pa gɛ a daatɛlɛɛ kpulu kɛnɛ̨i ŋɛ̨i kwa diɛni ku kɛi kwiɛn?» Ɉakɔbə yɛ mą: «Yili ɓə ŋį́ kɛ bɔ ŋį́ ɲɛ̨́i lɛlɛ la nwɔ́ mɛ̨nį nąmu yəi.»

Zɛnɛse 32:18

Ɉakɔbə yɛ nwɔ tímun dɔlɔɔ ɓa: «Ka níɛ Esau ka kwiɛn, a kɛ yɛ́: ‹Gbɛɛ ŋą nu ɓaa yɛ́? Ə́ kaa lii mį? Gbɛɛ nwɔɔ ɓaa daatɛlɛɛ kpului ŋɛ̨i ə́ tɔ́wɔ́i?›

Zɛnɛse 32:5

Yɛ nwɛlɛɛ ɓo nuą diɛ: «Ka li, ka ŋį́ mɛ̨nį nąmu Esau kaa, kaa mą: ‹Ə́ wɔ tímun Ɉakɔbə yɛ: Gaa wɔlɔ Laban pɔɔli, aa lɛɛ ɉu yiihu aa ɉəli.

Zɛnɛse 27:37

Isaakə yɛ mą: «Ŋą́ą́ gbɛa gɛ a ə́ wɔ mɛ̨nį nąmu, ŋą́ą́ gaayɔwɔɠaa kəlee lɔ ɲee mu, mɔ̨nun da lɔɔ di kaa pai kɛi ɲəi kɛnɛ̨. Hɛn da hvo laa və́ gɛ yɛ́, nón.»

Zɛnɛse 27:29

Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Zɛnɛse 23:6

«Kuɔ mɛ̨nį nąmu, ə́ wəli tɔɔ ku woo ɓa! Ə́ kaa ku lɔwai ɓɛ yɛ Yálá lon yii lúwɔ́ kaa mą; gwɛni woloɠaai ŋɛ̨i gaa ku yəi, kuɔ kuɔ nuą loo ɉu, yii ya gaa a nɛlɛɛ, yili həɠə, ə́ ə́ nɛ̨ą loo ɉu. Kwɛni wolo lɔpee ya ə́ yee lɛ mą, nąmu hva pɛli lənəi mą, hvo gulɔ ə́ yəi.»

Zɛnɛse 4:7

Akɛ ya túwɔ́ a nɛlɛɛ, ə́ ɲɛ̨i a pɔ̨nɔ̨, kɛlaa, ya túwɔ́ a ɲɔ̨nwɔ̨ɔ̨, ə́ kɛ nɛ̨ŋɛ̨n a kɛ laani ə́ yəi bɛlɛ́ laaləi yɛ haɠa kɛnɛ̨. Nɛ̨ŋɛ̨n tii a kɛ bɔ, ə tɔɔlaa kɛ ə́ mɛ̨i, kɛlaa, mąąnɛ̨ɛ̨ ə́ yee ə tɛɛ mą.»

Zɛnɛse 31:41

Ŋą́ kwɛlan bow hveelɛ kɛ ə́ pɔɔli, ŋį́ kwɛlan bow kɔ́w nąąn gɛ, gɛ́ ə́ lonnii nɛ̨ąą mąą kóló ɓo, ŋį́ kwɛlan mɛ̨ida kɛ, gɛ́ ə́ wɔ taatɛlɛɛɠaa mɛ̨i kaa; kɛlaa, ə́ ɉála mąąhvalin ɉii kɛ gee mɛ̨i pow.

Hanwon 25:15

Liikpələ ɓə ɲee tɛɛ kiti teemun ma, yɛ bələi woo nɛ̨ɛ̨-nɛ̨ɛ̨ a liikələn gwəi hu haa la.

Zɛnɛse 25:30

Esau yɛ Ɉakɔbə ɓa: «Ną́n nɛ̨ɛ̨ yɛ́, dɔwɔi ŋɛ̨i ta hvə ŋį́ mį́i, mąąhɔlɔɓo, pulu aa ɓɔ ɉú.» Mɛ̨nįi gɛ diɛ Esau laa hee a Edɔmə yaa li, Edɔmə mukulaa ɓaa: «Mukpɔluɔ.»

Zɛnɛse 33:14

Yili ɓa, gɛ́ nwɔ́ mɛ̨nį nąmu ə tɛɛ dɔ́wɔ, gáá pulu gɛ́ pa kwa nɛapɛlɛɛɠaa da daatɛlɛɛɠaa, ku kaa pai ku həli nwɔ́ mɛ̨nu nąmu ɓa Seirə.»

Zɛnɛse 36:8

Esau ə hee Seirə ɲee hu. Esau ɓaa a Edɔmə.

Zɛnɛse 36:9

Esau nu huwu laa ka, yai a Edɔmə nąn di kalaɓɔlɔ, ə pa ə hee Seirə ɲee hu.

Nwun mąąɓo 5:4

Ee, Yai-Laa! Ɓɛlɔwai ə́ həɠə la Seirə lɔi hu, yɛ́ pa, ɓɛlɔwai ə həɠə la Edɔmə ɲɛɛ kɔwɔɠaa hu, lɔi ə kpɛlin, yələkɔlɔn ə tumo, tulɔ kpinįn ɲá ə tee mą, ə pu a tulɔ kɛnɛ̨.

Azaya 21:11

Mɛ̨nįi kponąąi di mo a Duma laa, Woo kɛnɛ̨ ta kaa tɔɔi nwə́lii, yɛ həɠə Seirə pələ, yɛ kɛ mą: «Taa mąąkpɛmun! Kpini aa həli mį? Taa mąąkpɛmun! Kpini aa həli mį?»