Zɛnɛse 32:29 - Yálá laawoo hɛɓɛ (dc)

²⁹ Yɛ mą: «Ə́ laa hvaa kɛa a Ɉakɔbə, ə́ laa ɓaa pai kɛi a Israɛlə, mąąhɔlɔɓo, ka Yálá kaa lamu kɔ́, ka nuą kaa lamu kɔ́, ə́ yee aa tɛɛ diɛ.»

Yálá laawoo hɛɓɛ

²⁹ Yɛ mą: «Ə́ laa hvaa kɛa a Ɉakɔbə, ə́ laa ɓaa pai kɛi a Israɛlə, mąąhɔlɔɓo, ka Yálá kaa lamu kɔ́, ka nuą kaa lamu kɔ́, ə́ yee aa tɛɛ diɛ.»

Bible

²⁹ Nya ƃe Zeeka è marê kɛ̀ ǹyɛɛ mai, “Kpera yɛ̂ ílaa lɛ́ mâ.” Kɛ́lɛ è mò ǹyɛɛi, “Ƃa ńaa mare-kɛɛ kɛ̂i lé mɛni ma?” Nya ƃe è lûwa tòo ma nàa.

Zɛnɛse 32:29 Referans Kwoze

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Zôo 11:7

Gaa ə́ kwəi ə́ Yálá kwəi kili kɛnɛ̨ pələ kɔ́lɔn, yɛ́ kɛ ə́ Huwalawala Kəlee Nąmu, nwɔ kiliŋąhiɛɠaa kɔ́lɔn?

Lukə 1:19

Yálá nwɔ malaka ə nwoo pulu pənə yɛ mą: «Ɲą́ą́ ɓə da kɛ mą́ą́ Gabriɛlə. Gáá Yálá yəi a nwɔ kɛla. Yaa ɓə dɔ́ɔ́, əgɛ, ŋį́ nwɛlɛɛ nɛɛ ŋɛ̨i ɓo yɛ́.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Zɛnɛse 35:9

Ɉakɔbə həɠɛɛ Aramə Yálá ə gbɔwɔ lɛ nwɔ̨nɔ̨ mą, ə lúwɔ́ too mą.

Zɛnɛse 17:5

Ə́ laa hva kɛa: Abramə, ə́ laa baa kɛa Abrahamə mąąhɔlɔɓo, gáá pai ə́ kɛi a hį́i tamąą di nąn.

Zɛnɛse 35:10

Yɛ mą: Ə́ laa ɓaa a Ɉakɔbə, di hvo kɛa pai kɛi yɛ́ Ɉakɔbə, ə́ laa ɓaa kɛa Israɛlə. Bələ ɓə Yálá ə Ɉakɔbə laa hee la a Israɛlə.

Lonon mo 20:14

Di lɛɛ Kadɛsə, Moisə ə nuą tɔɔ Edɔmə tɔɔmun bɔ, yɛ mą: «Ə́ nąn non Israɛlə woo li, mɔ̨nɔ̨ɠaai kpɔ laa kuɔ, gbaɠala kaa yɛ́.

Tɔɔɓɛlaa dɔlɔɔ 18:31

Ə kwɛni pow kɔ́w hveelɛ laa laa, yɛ bələi Israɛlə nu huwu hee kpəlin na kaa la a Ɉakɔbə lonnii, yai Yai-Laa ə kɛ mą: «Di kaa pai kɛi ə́ laa ɓaa Israɛlə.»

Tɔɔɓɛlaa veelɛ 17:34

Ə mą kɛ háákələi, bələ lɔ ɓə da kɛ túwɔ́i la, di hvo kɛi ɲɔw Yai-Laa ɓa. Di hvo nwɔ̨nɔ̨ hvilɛn díɓoɠaa da ɉaláá kulɔ pələɠaa pulu, ə mą kɛ, dɔ́n nwoo da mɛ̨nįɠaai Yai-Laa ə naa Ɉakɔbə lonnii nwuɔ̨, yaai ə Israɛlə laa hee Ɉakɔbə mą.

Kɔlɔnikɔ Maa-ŋuŋ 1:34

Abrahamə ə Isaakə kaa. Isaakə lonnii ɓaa: Esau da Israɛlə.