Zɛnɛse 31:5 - Yálá laawoo hɛɓɛ (dc)

⁵ Pai di mo ɲɛa, yɛ diɛ: «Ŋą́ą́ gaa gɛ́ diɛ, ka nąn hvo kɛa ɲɛ̨i lɛlɛɛ heei ɲɛ̨́i, yɛ bələi tɔlɔɔ ə kɛ la, kɛlaa, ną́n nwɔ Yálái kaa bɔ́.

Yálá laawoo hɛɓɛ

⁵ Pai di mo ɲɛa, yɛ diɛ: «Ŋą́ą́ gaa gɛ́ diɛ, ka nąn hvo kɛa ɲɛ̨i lɛlɛɛ heei ɲɛ̨́i, yɛ bələi tɔlɔɔ ə kɛ la, kɛlaa, ną́n nwɔ Yálái kaa bɔ́.

Bible

⁵ È mò dîa ǹyɛɛi, “Ŋa gáai a gɛɛ kánâŋ fé ŋɔ́nɔ ƃaa-kɛ-maa tɛɛ̂i ḿbɔ yɛ̂ɛ berei è kɛ̀ gɛ̂i lai. Kɛ́lɛ ńâŋ Ŋɔɣâlai káa ŋ́gɔlɛ.

Zɛnɛse 31:5 Referans Kwoze

Zɛnɛse 48:15

Ə Lúwɔ́ too Ɉosɛfə ɓa, yɛ mą: «Yálái ŋɛ̨i ną́nni Abrahamə da Isaakə di di wɔ yɛnɛ̨ɛ̨ kɛ nííɓa hu, a Yálái kɛi mɛ̨́i kaa a yələ kəlee,

Zɛnɛse 31:53

Gɛ́ Abrahamə da Nahɔrə di wɔ Yálá ə kɛ a gu lɔwai mɛ̨nį hutɔɔ mun.» Nąąlɔwai, Ɉakɔbə ə gwɛla a Yálái ŋɛ̨i nąn Isaakə a ɲɔw mą, naa.

Zɛnɛse 31:42

Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Zɛnɛse 50:17

‹Ka nwóó ŋɛ̨i laa həli Ɉosɛfə ɓa, kaa mą, Ɉakɔbə yɛ: Mɛ̨ni nwąnąąi ə́ liɛni di naa yɛ́, yii kpɔ di gɛ a yɛ́ a ɲɔ̨nwɔ̨ɔ̨, di mąąhvaalɛɛ gəlee hu.› Yili ɓa, Ɉosɛfə, kuɔ: Ə́ ku mąąhvaalɛɛ, gu kəlee ɓə gwa kwɛli hvilɛn gu nąn nwɔ Yálái ɓa.» Nwɛlɛɛ tii ɓoi di mo Ɉosɛfə ɓa, ə hee yɛ wɔlɔ.

Zɛnɛse 32:9

Ə kɛi kɛ diɛ: «Esau a pɛlɛ bələ tɔ̨nɔ̨ ɓa a kɔ́, dɔ̨nɔ̨ a pɛli ə pu.»

Zɛnɛse 31:13

Ɲą́ą́ Yálá, ɲą́ą́ ka tii gbɔ́wɔ́ lɛ yɛ́ Betɛlə, ɓɛi tii ə́ ɉaláá kulɔi tɔɔ laa mą́ą́, ə́ ə́ wóó kwɛlɛ mą́ą́. Yii hu, 'pənə ə́ li ə́ pɔ lɔi, ɓɛi ə́ həɠə laa.›»

Zɛnɛse 21:22

Gwɛlan dɔ̨nɔ̨ tii hu, Abimelɛkə, da nwɔ kɔ́kuláá nwun nąmu Pikɔlə, di pa Abrahamə pɔ. Abimelɛkə yɛ Abrahamə ɓa: «Gílí kaa ɉu, gɛ́ diɛ: Mɛ̨nįɠaai ya ə́ yee too ɉu, Yálá kaa ə́ pɔ gəlee hu.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Zɛnɛse 31:4

Ɉakɔbə ə nɛɛmą, ə Rasɛlə da Lea di təli, yɛ di pa di gáá ɲɛa, ɓɛi tii nwɔ́ taatɛlɛɛɠaa kaa laai.

Zɛnɛse 31:29

Ɉə kaa mą́ą́ ŋį́ mɛ̨nį ɲąąnwąnąą laa kaa, kɛlaa, ə́ nąn nwɔ Yálá ə háá mɛ̨nį ɓo mą́ą́ kpinįi, yɛ mą́ą́: ‹Hvó kɛ ə́ kaa mɛ̨nį ta kɛi a Ɉakɔbə.›

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»