Bib sou entènèt

Zɛnɛse 31:42 - Yálá laawoo hɛɓɛ (dc)

⁴² Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Gade chapit la Kopi

Yálá laawoo hɛɓɛ

⁴² Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Gade chapit la Kopi

Bible

⁴² Èî kɛ̀ ńâŋ Aise Ŋɔɣâlai nyii è vɛ̀lii da Eberaɣɛ̃ɛ Ŋɔɣâlai èî wàla kɛ́ ḿbôlu, tɔ̃yâ ma íi ńdɛ̂ɛ pôlu a ńyee fólo. Kɛ́lɛ Ɣâla è ŋámɛni-solii kâa da díi-ŋai ŋá gɛ̀i, mɛni ƃé è lòno la ípɔ sâa gbínii su.”

Gade chapit la Kopi

tounen moute ⬆

Zɛnɛse 31:42
22 Referans Kwoze

Mąątɛ̨nɛ̨ 31:7

Yiiɠaa da hvilɛn kpɛli kpɛli hɛnŋąą pulu, di wɛli hvo mą́ą́, nwɛ́i, ŋą́ gílitɔɔ Yai-Laa ɓa.

Zɛnɛse 31:29

Ɉə kaa mą́ą́ ŋį́ mɛ̨nį ɲąąnwąnąą laa kaa, kɛlaa, ə́ nąn nwɔ Yálá ə háá mɛ̨nį ɓo mą́ą́ kpinįi, yɛ mą́ą́: ‹Hvó kɛ ə́ kaa mɛ̨nį ta kɛi a Ɉakɔbə.›

Zɛnɛse 31:53

Gɛ́ Abrahamə da Nahɔrə di wɔ Yálá ə kɛ a gu lɔwai mɛ̨nį hutɔɔ mun.» Nąąlɔwai, Ɉakɔbə ə gwɛla a Yálái ŋɛ̨i nąn Isaakə a ɲɔw mą, naa.

Zɛnɛse 29:32

Lea ə koo həɠə, ə lon ɉulɔnu kaa, ə naa hee a: Rubɛn. Lea yɛ mą: «Yai-Laa aa ɲɛ̨́i mąąwɛli kaa. Nwɛ́li kaa kɛa pai tooi ɉílɛ ɓa.»

Azaya 8:13

Mɛ̨nį Kəlee ŋą Hééɓomun Yai-Laa lɔ ɓə mąąnɛ̨ɛ̨ ka gaa a mąąhəɠɛɛ, ya ɓə mąąnɛ̨ɛ̨ ka mąąwiɛ, ya ɓə mąąnɛ̨ɛ̨ ka ɲɔw mą.

Zɛnɛse 31:24

Kɛlaa, kpinįi, Yálá ə gbɔwɔ lɛ Aramə mun Laban ɓa hįį pələ, yɛ mą: «Hvo kɛ ə́ kaa mɛ̨nį ɲɔ̨n gɛi a Ɉakɔbə.»

Zûu 1:9

Bələi mąn kpɛli malakaɠaa nwun nąmu Mikaɛlə kaa la, hvo kɛ woo ɲɔ̨n mo li nąnį ɓa, ɓɛlɔwai da yaa di kɛi hɛa too la Moisə powa mɛ̨i. Hvo kɛ nalan ni, kɛlaa, ə kɛ mą: «Námu Yálá ɓə pai ə́ hutɔɔi.»

Kɔlɔnikɔ Maa-ŋuŋ 12:17

Bɛnɉamɛn da Ɉuda lonnii taɠaa, di pa Davidə pɔ, ɓɛi ə kɛ laa now pələi.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Zɛnɛse 31:12

Yɛ nwɔ̨nɔ̨ mą́ą́: ‹Ə́ ɲɛ̨i hee daatɛlɛɛ hilɛɠaai tii tɛi diɛ, di pɛ̨ɛ̨, ɲɛ̨i pɛlɛɛ kaa ɉu, ɲɛ̨i kpɛa kpɛa ə ɓo ɉu. Ɲą́ą́ Yálá, ŋį́ yili kɛ tii, mąąhɔlɔɓo, pələi Laban kaa ə́ hon ɉii la, ŋą́ą́ nąą kaa.

Zɛnɛse 31:5

Pai di mo ɲɛa, yɛ diɛ: «Ŋą́ą́ gaa gɛ́ diɛ, ka nąn hvo kɛa ɲɛ̨i lɛlɛɛ heei ɲɛ̨́i, yɛ bələi tɔlɔɔ ə kɛ la, kɛlaa, ną́n nwɔ Yálái kaa bɔ́.

Zɛnɛse 27:33

Isaakə kwəi ə pili mą kpɔ kɛnɛ̨, nąą kəlee yɛ kpɛlin, ə pənə ə mąąnikɛ, yɛ mą: «Kɛtii, gbɛɛ ɓə kan paa a gɔ́nɔ̨n, yai ŋį́ mįi kpɔlɔ yɛ́ lɔ? Núwɔ́i kɛ ná, ŋą́ą́ gbɛa doo mą, nwɔɔ li kɛa.»

Zɛnɛse 16:13

Hagarə ə gbɔɠɔ mąąnikɛ, yɛ mą: «Akɛtii nui ŋɛ̨i mɛ̨́i kaai, ɲɛ̨́i ə tɔɔ mą ɓə ti?» Naai tii ɓə Hagarə ə ɉee Yai-Laa ɓa, di lawoo hu, yɛ kɛ mą: «Ə́ kaa a Ɛlə-Roi Yálá yii ɲɛ̨i kaa mą́ą́.»

Zɛnɛse 16:11

Ə́ kaa pai lon ɉulɔnu hɔlɔɓoi, ə́ naa hee a Ismaɛlə. Mąąhɔlɔɓo, Yai-Laa aa ə́ wɔ laanɔ̨nwɔ̨ kaa.

Zɛnɛse 11:5

Yaan, Yai-Laa ə yɛɛ, ə gɛ, ə daai tii mąąkpɛɛ, ɛlɛɛ bɛlɛ́i ŋɛ̨i nuą kaa dɔɔi, ə gaa.

Zɛnɛse 32:9

Ə kɛi kɛ diɛ: «Esau a pɛlɛ bələ tɔ̨nɔ̨ ɓa a kɔ́, dɔ̨nɔ̨ a pɛli ə pu.»

Zɛnɛse 35:3

Ka ka muhəɠə ka gwə li Betɛlə, Yálái a gúlɔi gánąn mɛ̨nįɠaa hu, ŋį́ haláá kulɔi bɛli laa mą. Ya ɓə gaa bɔ́ nwɔ́ hiɛɠaa kəlee hu.»

Zɛnɛse 46:1

Hɛn kpɔ kɛ Israɛlə yəi, ə gəlee həɠə, ə hvilɛn na bələ ɓa. Həli ə mo Beɛrə-Seva ə haláá kulɔ laa nąn Isaakə nwɔ Yálái ɓa.

Danîa 2:23

Gáláɓɔlɔni di wɔ Yálá! Gáá ə́ laa mąątɛ̨nɛ̨i, gɛ́ ə́ laa mąąwiɛ; Gilii ŋɛ̨i ə́ dɛɛ bɔ́ da huwalawala, mąą mɛ̨nį ɓa. Mąąhɔlɔɓo, yii ku vɛli yɛ́, yaa nɛ mą́ą́, ə lɛɛ, mɛ̨nįi ŋɛ̨i vilɛn ŋąą tɔɔmun ma, yaa nɛ kuɔ.»

Dutɛrɔnome 15:13

Ka ɓo mą, mąąnɛ̨ɛ̨ ə həɠə ka pɔɔli, kɛlaa, ka hvo nɛɛ laa hvo li a ɲeehowolo.

Swiv nou:

Lyen patwone

Piblisite

Piblisite