Zɛnɛse 31:19 - Yálá laawoo hɛɓɛ (dc)

¹⁹ Laban ə həɠə yɛ li nwɔ ɓɛlaaɠaai ləɠa mɛ̨i teei. Nąąlɔwai Rasɛlə ə nąn ɲəi bɛlɛ́n ɉalə ta həɠə bulu.

Yálá laawoo hɛɓɛ

¹⁹ Laban ə həɠə yɛ li nwɔ ɓɛlaaɠaai ləɠa mɛ̨i teei. Nąąlɔwai Rasɛlə ə nąn ɲəi bɛlɛ́n ɉalə ta həɠə bulu.

Bible

¹⁹ Tãi Laƃaŋ è lì la ŋɔƃála-ŋai léɣa teêi, ǹóŋ Leesɛ è ŋɔɣâla pɔkɔɔŋ-ŋai ŋûma.

Zɛnɛse 31:19 Referans Kwoze

Samuɛlə dɔlɔɔ 19:13

Mikalə ə bɛlɛ́n ɉali həɠə ə naa gbin ŋą, ə ɓooli ləɠa ɓɔlɔ lɔ nwuɔ̨, ə həɠə pɛlɛ mɛ̨i.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Zɛnɛse 31:30

Ə́ həɠə mɛ̨nį ɉa, yɛ́ ə́ pulu pənə, ə́ gɛ tii, mąąhɔlɔɓo, ə́ wɔ nuą wɛli aa ə́ hon, mɛ̨nį ɲɔ̨nwɔ̨ɔ̨ hvaa a yili. Kɛlaa, lə mɛ̨nį ɓa ə́ nwɔ́ haliɠaai nwuɔ̨?»

Izikiɛ 21:21

Ɓa-mįi-yee hu pələ, kɛɓɛyee hu pələ, ɓɛi lɔ pəə ya ə́ ɲɛ̨́i tinɛ̨n naa nąą ə lɛɛ a ɓɔwa kwɛaa laa lowo.

Zɛnɛse 35:2

Ɉakɔbə ə mo ɲəi bɛlɛ́n nuą diɛ da bɔ nuą, yɛ diɛ: «Ɉaliɠaai ka yəi, ka ka yee kulɔ gəlee hu, ka ka mąąhəɠə, ka ka mąą həɠəɠaa mąąhvalin.

Zɛnɛse 31:34

A mɛ̨nį gɛ, Rasɛlə ɓə ɉaliɠaai tii həɠə, ə nɔ ɉoo pulu kpəlin mu, ə hee mɛ̨i. Laban ə bɛlɛ́n gəlee kaa, hvo hɛn da kaa.

Zɛnɛse 31:32

Kɛlaa, nui ya ə́ wɔ haliɠaai kaa ɲəi, mąą nu nwun ə lɛɛ ɉu. Nwɔ́ nuąi kəlee ka, nu kəlee tiɛ̨ hu kaa, yii yá gaa a ə́ wɔɔ, ə́ ɉəɠə.» Ɉakɔbə kili hvo kɛ ɉu yɛ kɛ, Rasɛlə ɓə nąn nwɔ haliɠaai həɠə.

Nwun mąąɓo 18:31

Ɉalii tii Mika ə bɛli, ya ɓə di ɉee laa diɛ gɔ́, ə lamun lɔ laa, yɛ bələi Yálá nwɔ pɛ́lɛ́i ə lamun la Silo.

Zasua 24:2

Ɉosue yɛ Israɛlə lonnii diɛ: «Mɛ̨nįi Yai-Laa Israɛlə nwɔ Yálái kaa moi, ya ka: Ɲá lee kɛnɛ̨i tii pulu pələ ɓə wɔlɔ ka nąnnii di kɛ la heeni; Abrahamə da Nahɔrə di nąn Tɛra, diɛ haliɠaa kɔ́.

Zɛnɛse 31:20

Ɉakɔbə kɛɛ lii, hvo vɛli Aramə mun Laban ɓa, ə li dɛɠi.

Zɛnɛse 31:35

Rasɛlə yɛ nąn ma: «Ną́n, ya gaa və́ muhəɠə li və́ tɔɔ, ŋą́ lɛɛ heeni, mąąhɔlɔɓo, nɛ̨ą ɲɔ̨n gaa mą́ą́.» Laban ə ɲɛ̨i laa, hvo nwɔ haliɠaai kaa.

Samuɛlə dɔlɔɔ 15:23

Kɛlaa, nu kulaa Yálá woo mu nɛ̨ŋɛ̨n gaa lɔ yɛ, kwɛli hvilɛn ŋąą hali ɓa nwɔ nɛ̨ŋɛ̨n, da wəli kpɔlɔ nɛ̨ŋɛ̨n, ə mą kɛ tɔlu kpɛ nɛ̨ŋɛ̨n. Yii kpɔ yáá lənə Yai-Laa woo ɓa, yaa kpɛli aa lənə yɛ́, hvó kɛa a tɔɔmun.»

Tɔɔɓɛlaa veelɛ 23:24

Dɔ́n ɉɛɓɛ́i ŋɛ̨i jalaa laa həli mun Hilkiyahu ə gaa Yai-Laa hee pɛlɛ́ mun, ə gɛ tɔɔmun Ɉosiasə ə ɉɛɓɛ́i tii hu mɛ̨nįɠaa hon; nuą kɛi ɲąmuątaa tɔlukpɛ, da tɔlukpɛ nuą takpɛliɠaa, ə mą kɛ mąąnįnįn ɉaɠaa da hali takpɛliɠaa yii mɛlɛ kpɛɛ mą, gɔhɔɓoɔ. Ɉosiasə ə nuą tii pa ə ɉaliɠaa hu kala Ɉerusalɛmə daai. Da Ɉuda lɔi hu na kəlee.

Zɛnɛse 24:38

Yɛ nwɔnɔ̨ mą́ą́: ‹'Ə́ kwɛla, yɛ́ diɛ, ə́ kaa li ku pɔ lɔi, ną́n ɲəi bɛlɛ́n, ə́ nɛ̨ɛ̨nu həɠə laa, a nón nɛ̨ą.›

Zɛnɛse 38:13

Yələ ta Tamarə ə bələ mɛ̨n diɛ mą: «Ə́ hilɛ nąn gaa lii Timna daai nwɔ ɓɛlaaɠaai ləɠa mɛ̨i teei.»

Samuɛlə dɔlɔɔ 25:2

Hulɔnu ta ə kɛ Maɔn daai, ɲəi hɛnŋaa di kɛ Karmɛlə. Ɉulɔnui tii ə kɛ a hɛn gɔw ną́mu kɛnɛ̨. Ɓɛlaa waa haaɓa da Ɓɔɔli waa tɔ̨nɔ̨ ɓə kɛ ɲəi. Nąąlɔwai ɉulɔnui tii ə tɛ Karmɛlə yee ɓa nwɔɔ taatɛlɛɛɠaa ləɠa tee mɛ̨nį ɓa.

Samia Veerɛi 13:23

Kwɛlan veelɛ tɛɛ pulu, di kɛi Absalɔn nwɔ ɓɛlaɠaai ləɠa mɛ̨i tee, Baalə-Hasɔrə daai, yii kɛ Ɛfraimə kwɛlɛ. Absalɔn ə tɔɔmun non ɉinąą kəlee təli ɉɛli ɓa.