Zɛnɛse 30:43 - Yálá laawoo hɛɓɛ (dc)

⁴³ Ɓələ ɓə Ɉakɔbə ə taatɛlɛɛ kpulu kɛnɛ̨ hɔlɔɓo la, ɓɛlaaɠaa diɛ ɓo ɲəi, ɓoluɠaa, ɲɔ̨nwɔ̨mɛ̨ɛ̨ɠaa, hoohvaalənŋąą, ɛlɛɛ luwɔ hinąą da luwɔ nɛ̨ąą.

Yálá laawoo hɛɓɛ

⁴³ Ɓələ ɓə Ɉakɔbə ə taatɛlɛɛ kpulu kɛnɛ̨ hɔlɔɓo la, ɓɛlaaɠaa diɛ ɓo ɲəi, ɓoluɠaa, ɲɔ̨nwɔ̨mɛ̨ɛ̨ɠaa, hoohvaalənŋąą, ɛlɛɛ luwɔ hinąą da luwɔ nɛ̨ąą.

Bible

⁴³ Zeeka è tɔ̀ɔ a ŋánaa. Taa-tulɛ támaa è kɛ̀ ǹyêei da luɛ-ŋa, soo-fáleŋ-ŋa da wɛlɛ-sôo-ŋa.

Zɛnɛse 30:43 Referans Kwoze

Zɛnɛse 30:30

Gɛɛ kɛ və́ pa, gbulu hu hvo kɛ kɛnɛ̨ li. Yii hu kɛa, ɉu aa kɛnɛ̨, Yai-Laa aa lúwɔ́ too yɛ́, mąąhɔlɔɓo, gáá ə́ yəi bɛlɛ́n. Yili ɓa, mąąnɛ̨ɛ̨ kɛa ɲą́ą́ gbɛli ŋį́ li ŋį́ kóló kɛ nwɔ́ pɛ́lɛ́i ɓa.»

Zɛnɛse 24:35

Yai-Laa aa lúwɔ́ too nwɔ́ mɛ̨nį nąmu Abrahamə ɓa, aa gɛ a nu walawala, aa hɛn gɔw kɛnɛ̨ tɛɛ bɔ. Aa taatɛlɛ kpulu kɛnɛ̨ tɛɛ bɔ, gbɛa-kpɛaa da bɛlɛɛ pɛlɛɛ, wali da hɛni, ə mą kɛ, luwɔ hinąą da luwɔ nɛ̨ąą; Ɲɔ̨nwɔ̨mɛ̨ɛ̨ɠaa da hoohvaalənŋąą.

Zɛnɛse 13:2

Hɛn gɔw kɛnɛ̨ ə kɛ Abramə yəi, taatɛlɛɛ kpulu kɛnɛ̨ yɛ ɓo ɲəi, da wali, ə mą kɛ hɛni.

Ikilisiati 2:7

Ŋą́ luwɔ hinąą da luwɔ nɛ̨ąą yá, ŋą́ bɛlɛ bɔlɔɠaai kɛ ɲə́i diɛ. Daatɛlɛɛɠaa kɛ ɲə́i, nįŋɛ̨ɠaa, ɓɛlaaɠaa da ɓooliɠaa, gbulu kɛnɛ̨i kɛ ə tɛɛ nuą wɔlɔ kɛ dɔ́wɔ́ Ɉerusalɛmə di wɛi ɓa.

Zɛnɛse 33:11

Mɛ̨inɛ̨ɛ̨ ŋɛ̨i ŋį́ paa la, ə́ yee hee mu. Mąąhɔlɔɓo, Yálá ə ɲɛ̨i lɛlɛɛ hee mą́ą́, yii kpɔ ŋį́ kɛ bɔ, gəlee kaa ɲə́i.» Ɉakɔbə ə kpala kpɔ Esau la, yili ə ɲee hee mu.

Zɛnɛse 32:10

Gɛɛ tii, Ɉakɔbə ə tómą, yɛ mą: «Ee! Ną́n Abrahamə nwɔ Yálá! Ną́n Isaakə nwɔ Yálá! Yɛ́i a Yai-Laa! Yɛ́ ɓə kɛ mą́ą́: ‹Pənə ə́ li ə́ pɔ lɔi, ə́ nąn ɲəi bɛlɛ́n, gáá pai ɲɛ̨́i lɛlɛɛ heei yɛ́.›

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Zɛnɛse 12:16

Nɛ̨ɛ̨nui tii mąą mɛ̨nį ɓa, tɔɔmun ə ɲɛ̨i lɛlɛɛ hee Abramə ɓa. Ə taatɛlɛɛɠaa tɛɛ bɔ: ɓɛlaa, ɓolu da nįŋɛ̨, ə mą kɛ luwɔ hinąą da luwɔ nɛ̨ąą, ə bɛlɛ nwɔ̨nɔ̨ hoohvaalən ɉilɛɠaa da ɉaaɠaa diɛ, da ɲɔ̨nwɔ̨mɛ̨ɛ̨ɠaa.

Izikiɛ 39:10

Di hvo pai kwɛi kwɛlii yɛɛ kɔ́wɔ ta hu, di hvo pai wulu pɔn ɉii lɔwɔi; mąąhɔlɔɓo, gɔ́ kɔ́ hɛnŋąąi tii ɓə di kaa pai kɛi nwɔ̨n ɉeei la. Nuąi di yəi hɛnŋąą kulɔ di yəii, da diɛ kpɛlimąn di wɛiɠaai kulɔ di yəi, nuąi too di mɛ̨́i, da too diɛ kpɛlimąn di mɛ̨i. Yai-Laa woo li.

Zɛnɛse 31:42

Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Zɛnɛse 36:7

Mąąhɔlɔɓo, ɉɛn gɔw kɛ di nu hveelɛi di yəi, gɛnɛ̨i kɛ, di hva pɛli kɛ heei di kee kwɛlɛ. Nɔi tii di kɛ ɉu, di wɔ taatɛlɛɛɠaai di hva pɛli kɛ di kɔ̨nɔ̨n ɉɔlɔɓoi laa.

Lukə 12:45

Kɛlaa, akɛ, góló kɛmun tii a giliŋąhiɛ, yɛ kɛ mą: ‹Námu hvo pai pai ɉa.› Ə pɛlɛ kɛa mɛlaa koló kɛ nuą diɛ, yɛ di kɛlɛ, yɛ nąą mį́į́ yɛ pilɛ, yɛ gbələ yɛ ɓo a lɔɔ hon.

Zɛnɛse 30:42

Kɛlaa, akɛ a daatɛlɛɛ yiiɠaai di kpin ɉu hvo kɛnɛ̨ li, da kɛi tɛ, Ɉakɔbə hva nwulu kpiɛ too ɲai. Yiliɠaai ɓə kɛi di kaa, yɛ lɛɛ ɲee tɔ̨nɔ̨ mɛ̨i a Laban nwɛi, gbin ɉu kɛnɛ̨ɠaa diɛ lɛɛ a Ɉakɔbə nwɛi.

Zɛnɛse 31:1

Ɉakɔbə ə bələ mɛ̨n Laban lon ɉinąą diɛ kɛ diɛ: «Ɉakɔbə aa ku nąn nwɔ hɛn gɔw kəlee həɠə a gbanalaa, yaamun, aa kɛ a hɛn gɔw nąmu.»

Zɛnɛse 32:5

Yɛ nwɛlɛɛ ɓo nuą diɛ: «Ka li, ka ŋį́ mɛ̨nį nąmu Esau kaa, kaa mą: ‹Ə́ wɔ tímun Ɉakɔbə yɛ: Gaa wɔlɔ Laban pɔɔli, aa lɛɛ ɉu yiihu aa ɉəli.

Zɛnɛse 32:14

Ɉakɔbə ə yii gɛɛnąąi tii. Daatɛlɛɛɠaai kɛ ɲəi, ə niɛ Esau hąmą a da.