Zɛnɛse 30:2 - Yálá laawoo hɛɓɛ (dc)

² Ɉakɔbə ə niiɲąnwąną kpɔ kɛnɛ̨, yɛ Rasɛlə ɓa: «Gáá ə́ kwɛi Yálá ɓa ɲą́ą́? Yálá ɓə ə́ kɛ a kpomąnɛ̨ą, ɲą́ą́ hvəi.»

Yálá laawoo hɛɓɛ

² Ɉakɔbə ə niiɲąnwąną kpɔ kɛnɛ̨, yɛ Rasɛlə ɓa: «Gáá ə́ kwɛi Yálá ɓa ɲą́ą́? Yálá ɓə ə́ kɛ a kpomąnɛ̨ą, ɲą́ą́ hvəi.»

Bible

² Zeeka è ǹíi ŋwàna Leesɛ ma ǹyɛɛ mai, “Ńyãa ƃa Ɣâla nyii íkpômai?”

Zɛnɛse 30:2 Referans Kwoze

Zɛnɛse 16:2

Sarai ə mo ɉilɛ ɓa, yɛ mą: «Ə́ ɲɛ̨i kaa mą, Yai-Laa hvo hvaa li mą və́ kɛ a lon gaa mun, yili ɓa, gbəli hu kiɛ, nuwɔ nɛ̨ɛ̨nui ŋɛ̨i, a lon ɉɔlɔɓo, a kɛ a nón. Ɉəɠə, ə́ gɛ a ə́ nɛ̨ą.» Abramə ə hva nɛ̨ą nwɔ kiliŋąhiɛ tii ɓa.

Mąątɛ̨nɛ̨ 127:3

A tɛ̨ą, lon gaa mɛ̨nį, gaa a Yai-Laa yəi mɛ̨inɛ̨ɛ̨, nu hvɛla ɓaa, gwəi lonnii.

Tɔɔɓɛlaa veelɛ 5:7

Yii lɔi Israɛlə tɔɔmun ə kpɛɛ a ɉɛɓɛ́ ɓoɔ, ə mąą həɠə hu ɓɛla, yɛ diɛ: «Akɛti Yálá ɓaa a ɲą́ą́, gɛ́ pɛli nu paai, a wala kɛ tii gɛ́ pɛli nu ɓaloi! Yai ɉulɔnui ŋɛ̨i kaa nwɔ tímun dɔɔi, yɛ kɛ ŋą́ hvólóɲɔ̨n ɉəɠə mą! Ka mɛ̨nį taaləi ŋɛ̨i kaa, ka gɔlɔn kaa diɛ, ɉulɔnui ŋɛ̨i kaa gwɛ́lii a hvaa.»

Samuɛlə dɔlɔɔ 1:5

Kɛlaa, ə kɛi Anə nwɛi kɛ a ɉeei tɔ̨nɔ̨, yɛ mɛlɛ lɔ ɉu, mąąhɔlɔɓo nwɛli ə kɛ mą. Bələi mąn, Yai-Laa aa kɛ Anə kɛ la a kpomąnɛ̨ą.

Zɛnɛse 50:19

Ɉosɛfə yɛ diɛ: «Ka hvə ɲɔw, vá pɛli tɔɔi Yálá tɔɔi.

Ifisiɛŋ 4:26

Ká líí a holi, 'ká hvo nɛ̨ŋɛ̨n ɉəɠə; hvóló hvo laa kpɔlɔ ɲą, ká wɔ lííholi ə ɓo ni ɉu.

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Mąątɛ̨nɛ̨ 113:9

A kpomąnɛ̨ą hee nwunɲą, Yɛ gwəi nɛ̨ɛ̨ a gɛi a mo a lon gaanɛ̨ą. Mąąwiɛ ə kɛ Yai-Laa ɓa! 'Kánikookwəi!

Lɛɛ gbɔwɔ ɓa 32:19

Di kɛɛ lɛɠɛi muwu la, di nįŋɛ̨ lon gaa, nuą daa wələ yɛli tinɛ̨n mą. Moisə lii ə holi kpɔ kɛnɛ̨, gwɛni ɓɛlaɠaa ti kɛ ɲəi, ə bili, gəlee hu ə yali ɲee kɔ́wɔ la.

Zɛnɛse 31:36

Ɉakɔbə ə niiɲąnwąną, ə haŋą Laban ɓa, yɛ mą: «Ɉɔ́n maa a lə? Kɛɛ lə kɛɛ kpɔ ɓə ŋį́ gala yɛ́, yai ə́ həɠə ə́ hvilɛn búlu yɛ́ gbɛ́?

Zɛnɛse 29:31

Yii kɛa Yai-Laa ə gaa yɛ Ɉakɔbə aa Rasɛlə wɛli la kɛ aa dɛɛ Lea ɓa, ə Lea kwəi nwun, ə Rasɛlə kɛ a kpomąnɛ̨ą.

Zɛnɛse 25:21

Kɛlaa, Rebeka hvo kɛi lon gaa, yili ɓə gɛ, Isaakə ə nwoo tɛ Yai-Laa ɓa nɛ̨ą mąą mɛ̨nį ɓa, Yai-Laa ə nwoo mɛ̨n, Rebeka ə koo həɠə.

Zɛnɛse 20:18

Mąąhɔlɔɓo, Yai-Laa ə Abimelɛkə nɛ̨ą kɛ a kpomąnɛ̨ą da ɲəi bɛlɛ́n nɛ̨ąąɠaa kəlee, Abrahamə nɛ̨ą Sara mąą mɛ̨nį ɓa.

Lukə 1:42

Ŋąąɓa, ə tómą kpɔ a nwoo kɛnɛ̨, yɛ mą: «Yálá aa lúwɔ́ too yɛ́ nɛaɠaa lɔwai, non ŋɛ̨i gaa ə́ kwəi, Yálá nwɔ lúwɔ́ kaa mɛ̨i!