Zɛnɛse 3:24 - Yálá laawoo hɛɓɛ (dc)

²⁴ Ɓɛlɔwai kɛa Yálá ə nu kpɛ la Edɛn ɲɛa, Ə nɛɛ mą ə, mąąkpɛ malakaɠaa tɔɔ bələ nwun na, ɓɔwa kwɛa yɛ ɓo di yəi, yɛ nwɔ̨n, diɛ ɲɛnɛ̨ɛ̨ kɛ wului tii mąąkpɛ la.

Yálá laawoo hɛɓɛ

²⁴ Ɓɛlɔwai kɛa Yálá ə nu kpɛ la Edɛn ɲɛa, Ə nɛɛ mą ə, mąąkpɛ malakaɠaa tɔɔ bələ nwun na, ɓɔwa kwɛa yɛ ɓo di yəi, yɛ nwɔ̨n, diɛ ɲɛnɛ̨ɛ̨ kɛ wului tii mąąkpɛ la.

Bible

²⁴ È nalôŋ kpɛ̀ zûai su, é ŋâla-taa kooŋ-sãai pú Idɛŋ suai vóloi ƃelai-pere da ƃóa-sɔ̂kpɔ fóloɔɔ a gɛɛ dí vúlu-laa wurii maa-perei mɛi káa.

Zɛnɛse 3:24 Referans Kwoze

Hebreu 1:7

Yii ɓaa malakaɠaa di wɛi, nwoo ka, yɛ mą: «Yaa ɓə a ŋą malakaɠaa kɛ a hvaŋą, ə ŋą kɛlaɠaai kɛ a nwɔ̨n nən.»

Mąątɛ̨nɛ̨ 104:4

Yɛ hvaŋąɠaa kɛ a nwɔ tí nuą, nwɔ̨n nənŋaa di ɓo a nwɔ kɛlaɠaa.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Samuɛlə dɔlɔɔ 4:4

Nɔi lonnii di nuą tɔɔ Silo də li di pa a Yai-Laa Mɛ̨nį Kəlee ŋą Hééɓomun nwɔ mįnɛ̨ kəhi, ə ɓo heeni, mąąkpɛ malakaɠaa nwun mɛ̨i, nwɔ mįnɛ̨ kəhii kwɛlɛ, Eli lonnii hveelɛi: Hɔfni da Pinasə di kɛ Yálá nwɔ mįnɛ̨ kəhii kwɛlɛ.

Zasua 5:13

Nąąlɔwai, yii kɛa Ɉosue ə kɛ Ɉeriko daa kwɛlɛ, ə nwun mu həɠə lɔ, yɛ gaa ɲɛ̨i kɛi, hulɔnu ta ə ɓo tɔɔni nií la, ɓɔwa kwɛaa ɲąąliɛ ə ɓo ɲəi, Ɉosue ə lɛɠɛ ɉulɔnui tii ɓa, yɛ mą: «Gwa kaani ɓə gu tɔɔ, ɓaa ə́ kaa a ku yówó?»

Lonon mo 22:23

Ɉoohvaalən ɉaai tii, ə Yái-Laa nwɔ malaka kaa tɔɔni bələi, ɓɔwa kwɛa ə ɓo ɲəi, gulaa daa hu. Ə həɠə bələ mɛ̨i, ə ɉon a gbomoi pələ. Balaamə ə ɉoohvaalən gɛlɛ, yɛ kɛ yili ə pənə ə pa bələ mɛ̨i.

Lɛɛ gbɔwɔ ɓa 25:2

«'Mo Israɛlə lonnii diɛ, di di yee ɲąąkpɔn di mą́ą́ mɛ̨nį kɛ la. Nuąi kpɔ yili mąą lii kaa di kwəi, ɉɛn da paa la, ka ɉon di yəi.

Zɛnɛse 3:23

Yai-Laa ə nu kpɛ Edɛn ɲɛai tii hu, əgɛ, ə li, ə tíi kɛ lɔi ɓa, ɓɛi di kulɔ laa.

Zɛnɛse 4:1

Adamə da nɛ̨ą Ɛvə di too di kee ɓa, Ɛvə ə koo həɠə. Ə naayɛɛ a lon ɉulɔnu, ə naa hee a: Kain; nąąlɔwai, Ɛvə yɛ diɛ: «Ŋą́ą́ nu pɛli Yai-Laa nwɔ lúwɔ́ haalai.»

Zɛnɛse 4:14

Háákələi, ə́ kaa gbɛ́i, yɛ́ ɉə́ɠə tíi kɛ lɔi lɛlɛɛ ɓa, ɛlɛɛ, hvo kɛa pai mɛ̨́i kaai, gáá pai kɛi a nu kpoloon, gɛ́ gilɛ həɠə lɔi mɛ̨i. Gbəli hu, nu ta a kwiɛn a ɲą́ą́, gaa pai báái.»

Izikiɛ 10:1

Dulɔ kpinįn tii kɛ mąąkpɛ malakaɠaa nwun mɛ̨i, ŋą́ nąą kaa, hɛn da ə kɛ laa yɛ Kúwɔ́-kwɛni kɛ pələ; hɛn da ə ɓo yɛ tɔɔkpəlin gɛ pələ.

Izikiɛ 31:11

gáá dɛɛi lɔiɠaa nwun nąmu pɔ, yɛ ɉon yɛ bələi nwɔ lii ɲɔ̨n gwəi laa kaa la. Ŋą́ą́ ə́ kpɛ.