Zɛnɛse 3:17 - Yálá laawoo hɛɓɛ (dc)

¹⁷ Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.

Yálá laawoo hɛɓɛ

¹⁷ Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.

Bible

¹⁷ È mò nalôŋ ma ǹyɛɛ, “Náɣaŋ káa ǹɔii ma ílaai su, kpɛ́ni fêi, ƃa íwoli tɔ́ɔ ínɛnîi wóo ma ƃa ŋ̀úru-ƃai mii, nyii ŋa mò yâ a gɛɛ ífe mìi. Ƃa pâi íkɔnɔŋ sɔlɔ ƃôi ǹɔii su a mɛni-soli káa ífulu-laai su.

Zɛnɛse 3:17 Referans Kwoze

Zɛnɛse 5:29

ə naa hee a Noe. Ə giliŋąhiɛ, yɛ diɛ: «Nui ŋɛ̨i ɓə pai hvįįtɔɔ tɛɛi ku pɔ, ku kɛ kólóɠaa mąą mɛ̨nį ɓa, lɔi nɛ̨ŋɛ̨n naai ŋɛ̨i Yai-Laa ə mo, mąą mɛ̨ni ɓa.»

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Mąątɛ̨nɛ̨ 127:2

Kpɛli ɓaa nu ə humo a muhəɠɛɛ, yɛ lɛɛ ɲɛ̨i ɓa kpinį hu yɛ kwɛa, yɛ́ mɔ̨nɔ̨ kɔ̨nɔ̨n mį́i lɔ! Yai-Laa a nwɛlikɛmąą nuą lɛɛ yíi, Ə di kɔ́ a kɔ̨nɔ̨n.

Ikilisiati 5:17

Yii lɔ kɛa ŋą́ gaa a ŋąąkpɛɛi, ya ka: Yii viɛlaɓoɔi nu lonnii mąą mɛ̨nį ɓa, ya ɓaa: Nu nwɔ kɛ yɛnɛ̨ɛ̨ hu, ə naa mįi, ə gbələ, ə gɛ kóló ɲąąnɛ̨ɛ̨ kulɔ ɲɛnɛ̨ɛ̨ ŋɛ̨i Yálá ə dɛɛ bɔ ɉu; yili lɔ ɓə gaa a nu nwɔɔ nąą.

Zôo 14:1

Lon lɔpee nɛ̨ɛ̨nu a gaa, Nwɔ yɛnɛ̨ɛ̨ kaa lɔ a gbuɔ, kɛlaa naahvɛɛ a mɔ̨nɔ̨.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Zôo 21:17

A kɛ ti, yələ kəlee ɓə mɛ̨nį ɲɔ̨n gɛ nuą di wɔ kpalan a luwun na? Di wɔ mɛ̨nį ɲɔ̨n gɛɛ a too di mɛ̨i? Yálá nwɔ liiholii a di yəi hɛn gəlee hukala?

Lukə 19:22

«Tɔɔmun yɛ mą: ‹Kóló kɛmun ɲɔ̨nwɔ̨ɔ̨ ɓaa yɛ; ə́ woo tii ə́ mo ya lɔ ɓə gáá ə́ kiti teei mɛ̨i. Ə́ gɔlɔn gbɔ kɛ yɛ́, gáá a nui nwɔ mɛ̨nį walawala, ɓɛi və́ hɛn nąą li laa, nąą ɓə ŋą ɉəɠə laa; ɓɛi və́ tíi kɛ li laa nąą ɓə ŋą mɔ̨nun dee laa.

Maafîu 25:45

«Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›

Ikilisiati 2:17

Yili ɓə gɛ, Yɛnɛ̨ɛ̨ wɛli yɛ kpɛɛ mą́ą́. Yaan, ŋą́ą́ gaa kpɔ, yii kpɔ nuą da gɛ lɔi mɛ̨i, da lɔpee wɛli hva ɉón, gəlee kaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 2:11

Yili pulu, ŋą́ą́ gaa, kólóɠaa da mɔ̨nɔ̨ɠaai kpɔ ŋą́ mįi, yii lɔ ŋą́ gɔlɔn, ya ɓaa: Gəlee kaa lɔ a kpɛli-kpɛli mɛ̨nį, yɛ nu aa kɛi hvaŋą tənən dɔɔ. Nuą kɛ mɛ̨nį yɛnɛ̨ɛ̨, dɔlɔ leelee hvo mą.

Zɛnɛse 3:11

Yai-Laa yɛ mą: «Gbɛɛ ɓə kɛ yɛ́, ə́ kaa a ə́ kpuwulu? Akɛtii, nwului ŋɛ̨i ŋį́ kɛ yɛ́: ‹Hvó ma ta mį́i›, yáá da mį́i?»

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Maafîu 22:12

Ə mo yili ɓa yɛ mą: ‹Náwɛi, ə́ gɛ pələ kɛ ləi yɛ́ lɔ ɓɛ yaan ɉɛli həɠə ta hvo ə́ kwaną?› Kɛlaa, nui tii hvo hvaa.

Hebreu 6:8

Kɛlaa, akɛi, ŋąąlən gbɔlɔ da kala ɲɔ̨nwɔ̨ɔ̨ɠaa kulɔ mą, mąą lɔi, mɛlɛ hva kɛ mą, da nɛ̨ŋɛ̨n naa, ɛlɛɛ, di gələn.

Zɛnɛse 3:18

Lɔi kaa pai ɲąąlən da ɲąąlən nwuluɠaa kulɔi ə́ mąą mɛ̨nį ɓa. Tíi kɛɛ ɓə, ə́ kɔ̨nɔ̨n a kulɔ ɉu.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.