Zɛnɛse 3:16 - Yálá laawoo hɛɓɛ (dc)

¹⁶ Yai-Laa yɛ nwɔ̨nɔ̨ nɛ̨ɛ̨nu ɓa: «Ya mɔ̨nɔ̨ mį́i koonɛ̨ą lɔwai, ə́ ə́ laanɔ̨nwɔ̨ ɓo ə́ wɔ kwəinwąną kɛi lɔwai, ə́ liiɓa mɛ̨nį kəlee nwun maa pai kɛi a ə́ hilɛ, ɛlɛɛ, yili kaa pai heei ə́ mɛ̨i.»

Yálá laawoo hɛɓɛ

¹⁶ Yai-Laa yɛ nwɔ̨nɔ̨ nɛ̨ɛ̨nu ɓa: «Ya mɔ̨nɔ̨ mį́i koonɛ̨ą lɔwai, ə́ ə́ laanɔ̨nwɔ̨ ɓo ə́ wɔ kwəinwąną kɛi lɔwai, ə́ liiɓa mɛ̨nį kəlee nwun maa pai kɛi a ə́ hilɛ, ɛlɛɛ, yili kaa pai heei ə́ mɛ̨i.»

Bible

¹⁶ È mò nɛnîi ma ǹyɛɛ, “Ŋa pâi ímɛni-solii su kɛ̀tɛi lóŋ káa-mɛni su. Ƃa pâi nîa-pɛlɛɛ maa sɔlɔ ƃôi mɛni-soli su. É máŋ kɛ́ tí, ímaa mɛni kélee a pâi kɛ̂i ísurɔ̂ŋ ma, ǹyaŋ a pâi kɛ̂i ímɛi.”

Zɛnɛse 3:16 Referans Kwoze

Taitɔ 2:5

Di kɛ a tɛ̨ą kɔ́lɔn nuą mąąhəɠə laa hu, diɛ pɛlɛ́n góló kɛ a nɛlɛɛ, di ɲɛ̨i ponoɔ di yəi bɛlɛ́n, di liinɛ̨ɛ̨ di kwəi, diɛ ɓo di hilɛni woo mu; əgɛ, ɓɛlɛ hvo pa kpɛɛ Yálá laa woo ɓa.

Kolosə 3:18

Nɛ̨ąą, 'ká lɛɛ ká hilɛni woo mu yɛ bələi mąąnɛ̨ɛ̨ la gu Ną́mu.

Korɛntə dɔlɔɔ 11:3

Kɛlaa, gɛ́ ká mɛ̨nįi ŋɛ̨i kpaɠala kaa: Hinąą kəlee di nwun nąmu ɓaa a Kristə. Nɛ̨ɛ̨nu nwun nąmu ɓaa a hulɔnu. Kristə nwun nąmu ɓaa a Yálá.

Timote dɔlɔɔ 2:15

Ə mą kɛ ti, gaa pai ɓaloi ŋą lon ɉɔlɔɓoɔ pɔ, a kɛ lɔ a kąnąn laa na laa ɓa, wɛlikɛmąą laa hu, da mąąhəɠə laa lɛlɛɛ.

Korɛntə dɔlɔɔ 14:34

nɛ̨ąą da kɛ ɲąąkpɔn ɉu, di di laa pilɛ, pələ ɓoɔ mąą laa hvo di yəi, mąąnɛ̨ɛ̨ di lɛɛ nwoo mulaa kɛ, yɛ bələi dɔ́n nwoo ə mo la.

Korɛntə dɔlɔɔ 7:4

Nɛ̨ɛ̨nu pɔɔ hvaa gbinį, ɉilɛ pɔɔ li, hulɔnu yaan, bɔɔ hvaa gbinį, nɛ̨ą nwɔ li.

Ɉaan 16:21

Ɓɛlɔwai nɛ̨ɛ̨nu a kɛ kwəinwąną kɛi la, nii a kɛ a gələn ŋąą gwəi, mąąhɔlɔɓo, nwɔ mɔ̨nɔ̨ mį́i lɔwai aa ɉəli. Kɛlaa, a naayɛɛ kɛa, nwɔ mɔ̨nɔ̨i tii kili a kpɛɛ ŋą́; mąąhɔlɔɓo, aa nu kan ɉɔlɔɓo.

Zɛnɛse 4:7

Akɛ ya túwɔ́ a nɛlɛɛ, ə́ ɲɛ̨i a pɔ̨nɔ̨, kɛlaa, ya túwɔ́ a ɲɔ̨nwɔ̨ɔ̨, ə́ kɛ nɛ̨ŋɛ̨n a kɛ laani ə́ yəi bɛlɛ́ laaləi yɛ haɠa kɛnɛ̨. Nɛ̨ŋɛ̨n tii a kɛ bɔ, ə tɔɔlaa kɛ ə́ mɛ̨i, kɛlaa, mąąnɛ̨ɛ̨ ə́ yee ə tɛɛ mą.»

Ɉeremi 6:24

Bələ aa too ku wəlii, ku yee kɔ̨nwɔ̨nŋaa hu aa haa, liihɛlɛn aa too kuɔ, kuɔ mɔ̨nɔ̨ mį́i la, yɛ kwəi nwąną a naa tɛ Nɛ̨ɛ̨nu mu.

Lonon mo 30:13

Kɛlaa, ɉilɛ a naa gwəi yɛ kɛ ə gəlee lɛɛ a kpɛli a ɲələi lɔ a gbaɠala kaa la, mɛ̨nįi lɔpee nɛ̨ɛ̨nui tii ə mo a nwoo kwɛlɛ pələ, a wala kɛ tii a gwɛla pələ, gəlee da lɛɛ a kpɛli; mąąhɔlɔɓo ɉilɛ hvo gɛ li hvo hvaa mą. Yai-Laa a nɛ̨ɛ̨nui tii kaa yɛ nui mɛ̨nį hvo mą.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Ɉeremi 22:23

Yɛ́i kɛ heeni Liɓan, yáá ə́ taa tɔɔ Liban kpitiliɠaa hu. Ə́ ɲiŋɛ hiɛ ka tii, mɔ̨nɔ̨ɠaai pai laai yɛ́ di yəi, yɛ kwəi nwąną kɛ nɛ̨ɛ̨nu nwɔ mɔ̨nɔ̨.

Ɉeremi 13:21

Ə́ kaa pai kɛi lə! Nuą tii ə́ nɛ̨ɛ̨laa kɛnɛ̨ laa, ka diɛni ka lɔwai, Ɓɛlɔwai, di kaa pai heei la ə́ hu, diɛ hee ə́ mɛ̨i, Yɛ́ mɔ̨nɔ̨ mį́i yɛ kwəi nwąną kɛ Nɛ̨ɛ̨nu, yá kɛ lə?

Azaya 21:3

Ya ka ŋɛ̨i níí kəlee kaa kpɛlin ɉii ɉú, mɔ̨nɔ̨ aa wolo mą́ą́, yɛ́ kwəinwąną a wolo nɛ̨ɛ̨nu ɓa, yɛ mɔ̨nɔ̨ mįi, mɛ̨nįi gáá mɛ̨n ɉii, aa ɉú pu mą́ą́, gɛɛi gáá gaai, aa vínnaton.

Azaya 13:8

Ɲɔw aa too di hu, di mąą yɛ kpɛlin, diɛ mɔ̨nɔ̨ mįi, diɛ kpɛlaan gbɛlaan yɛ nɛ̨ɛ̨nu a kɛi kwəinwąną kɛ, diɛ di kee kaa a kwəi pili, di ɲɛ̨i kɔ́w aa kpɔlu yɛ nwɔ̨n dəŋą.

Ɉeremi 49:24

Damasə aa too, aa bulu tinɛ̨n yɛ pu. Maa yɛ kpɛlin nɔ ya ya mɔ̨nɔ̨ da liikələn gwəi daa həli mą, yɛ Nɛ̨ɛ̨nui kwəi nwąną kɛi.

Ɉeremi 4:31

Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Mąątɛ̨nɛ̨ 48:6

Di gaa lɔ, di hu ə pu diɛ, di ɲɔw, di nɛɛmą di tɛɛ a gilɛ.

Timote dɔlɔɔ 2:13

Adamə ɓə di gbɛa bɛli tɔwɔ, yili pulu, Ɛvə ə lɛɛ nąą pulu.

Kɔlɔnikɔ Maa-ŋuŋ 4:9

Yaebɛsə ɓə ɓɛlɛ ə kɛ mą nąn nonnii lɔwai, ya ɓə gɛ, nee ə naa hee a Yaebɛsə. Nee ə mo yɛ diɛ: «Ŋą́ą́ non ŋɛ̨i hɔlɔɓo mɔ̨nɔ̨ hu.»