Zɛnɛse 29:33 - Yálá laawoo hɛɓɛ (dc)

³³ Lea ə pənə nwɔ̨nɔ̨ ə bulu ɓa koo həɠə, ə lon ɉulɔnu kaa, ə naa hee a Simeɔn. Lea yɛ nwɔ̨nɔ̨ mą: «Yai-Laa aa gaa yɛ nwɛ́li hvo too li ɉílɛ ɓa, ya ɓə gɛ yɛ gɔ́ a ɉulɔnu yii.»

Yálá laawoo hɛɓɛ

³³ Lea ə pənə nwɔ̨nɔ̨ ə bulu ɓa koo həɠə, ə lon ɉulɔnu kaa, ə naa hee a Simeɔn. Lea yɛ nwɔ̨nɔ̨ mą: «Yai-Laa aa gaa yɛ nwɛ́li hvo too li ɉílɛ ɓa, ya ɓə gɛ yɛ gɔ́ a ɉulɔnu yii.»

Bible

³³ È ŋɔ́nɔ koo sîɣe é lóŋ-surɔ̂ŋ maa sɔlɔ ƃó ǹyɛɛi, “Yâwɛɛ a lóŋ-surɔ̂ŋ tɛ́ɛ ḿbɔ ŋɔ́nɔ, kpɛ́ni fêi, a gáa a gɛɛ da ŋ́gbɔ̂ara.” Nya ƃe è ǹôloŋ láa sèe a Simiɔŋ.

Zɛnɛse 29:33 Referans Kwoze

Zɛnɛse 34:25

Voló haaɓa yələ, gɛ́nɛ̨ pala ə ɓo ni diɛ, Ɉakɔbə lon ɉinąą hveelɛ Simeɔn da Levi, diɛi a Dina mąąhinąą, di ɓɔwa kwɛaa həɠə, di lɔ daai nuą tɛɠii, di ɉinąą kəlee paa.

Zɛnɛse 42:24

Ɉosɛfə ə li dɔ̨nɔ̨ kɛɛnąą, ə hee laa yɛ wɔlɔ. Ɓɛlɔwai Ɉosɛfə ə pənə ə pa la, ə mo diɛ, yɛ diɛ: «Simeɔn ɓə lɛɛi gaho ŋą.» Ɉosɛfə ə mo, di Simeɔn hon, di ɲili mɛlaa ɲɛ̨i ɓa.

Zɛnɛse 35:23

Lea nwɔ lonnii laa ka: Rubɛn ɓə kɛ a Ɉakɔbə lonnii dɔlɔɔ, yili pulu Simeɔn, Levi, Ɉuda, Isakarə da Zabulɔn.

Zɛnɛse 34:30

Ɉakɔbə yɛ Simeɔn da Levi diɛ: «Kaa mɛ̨nį laa mą́ą́, kaa gɛ́ a hɛn ɲɔ̨n nɔi ŋɛ̨i hu nuą ɲɛ̨i ɓa. Diɛ ɓaa: Kanaan nuą da Perizi nuą. Di kaa pai kpɔn ɉii di kee ɓa, di kɔ́ pɛlɛ mą́ą́, ɲą́ą́ ka nu kpulu hvo ɲə́i, di yee kaa pai tɛɛi mą́ą́, di ku huwu pu kwa ɲə́i bɛlɛ́n nuą.»

Zɛnɛse 30:20

Lea yɛ diɛ: «Yii ŋɛ̨i nwɛi, Yálá aa mɛ̨inɛ̨ɛ̨ kɛnɛ̨ kɛ mą́ą́, kwa ɉílɛ ku kaa kɛa pai kɛi ku kee ɓa, mąąhɔlɔɓo, kwa ya kwaa lon ɉinąą mɛ̨ida kaa.» Lea ə nokoloi tii laa hee a Zabulɔn.

Zɛnɛse 30:18

Lea yɛ diɛ: «Yálá aa və́la kulɔ, nwɔ́ tínɛ̨ɛ̨nui tɛɛi ŋį́ mo ɉilɛ pɔ mąą mɛ̨nį ɓa.» Ə non tii laa hee a Isakarə.

Zɛnɛse 30:8

Rasɛlə ə naa hee a Nɛftali. Yɛ mą: «Ŋą́ą́ kɔ́ pɛlɛ níɛ ɓa, gɔ́ aa nɛ̨ɛ̨ mą́ą́.»

Zɛnɛse 30:6

Rasɛlə ə naa hee a Dan. Mąąhɔlɔɓo, Rasɛlə yɛ mą: «Yálá aa ɲɛ̨i lɛlɛɛ hee mą́ą́, aa nwóó mɛ̨n, aa lon dɛɛ ɲą́ą́ gbɛli bɔ́.»

Lonon mo 34:20

Simeɔn huwu hu, Amihudə lon Semuɛlə.

Dutɛrɔnome 21:15

Hulɔnu nɛ̨ani da kɛ hveelɛ, dɔ̨nɔ̨ wɛli ə ɓo mą, dɔ̨nɔ̨ wɛli hvo mą; nɛ̨ąą hveelɛi da lon ɉinąą kaa; ɛlɛɛ, nonŋąą tii nu pɔlɔ laamun ə ɓo a nɛ̨ɛ̨nu yii nwɛli hvo mą non,

Izikiɛ 48:24

Ə hvilɛn Bɛnɉamɛn nwɔ lɔi ɓa, ə həɠə voló kulɔi pələ, ə həli la gboloyá ɓa; Simeɔn nwɛi li.