Zɛnɛse 29:30 - Yálá laawoo hɛɓɛ (dc)

³⁰ Ɉakɔbə da Rasɛlə di lɔ pɛlɛ́n, Rasɛlə wɛli ə too Ɉakɔbə ɓa ə tɛɛ la Lea ɓa. Ɉakɔbə ə pənə ə kwɛlan mɛ̨ihveelɛ kɛ Laban pɔɔli, yɛ Rasɛlə mąą kóló ɓo.

Yálá laawoo hɛɓɛ

³⁰ Ɉakɔbə da Rasɛlə di lɔ pɛlɛ́n, Rasɛlə wɛli ə too Ɉakɔbə ɓa ə tɛɛ la Lea ɓa. Ɉakɔbə ə pənə ə kwɛlan mɛ̨ihveelɛ kɛ Laban pɔɔli, yɛ Rasɛlə mąą kóló ɓo.

Bible

³⁰ Nya ƃe Zeeka è lɔ̀ a Leesɛ pɔ̂rɔŋ máŋ. È Leesɛ wɛ̀li é tɛ́ɛ Liɛ ma. È tíi kɛ̀ ŋɔ́nɔ Laƃaŋ mì a kóraŋ lɔ́ɔlu mɛi feerɛ.

Zɛnɛse 29:30 Referans Kwoze

Zɛnɛse 31:41

Ŋą́ kwɛlan bow hveelɛ kɛ ə́ pɔɔli, ŋį́ kwɛlan bow kɔ́w nąąn gɛ, gɛ́ ə́ lonnii nɛ̨ąą mąą kóló ɓo, ŋį́ kwɛlan mɛ̨ida kɛ, gɛ́ ə́ wɔ taatɛlɛɛɠaa mɛ̨i kaa; kɛlaa, ə́ ɉála mąąhvalin ɉii kɛ gee mɛ̨i pow.

Maafîu 10:37

Nui a nąn da nee di wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta. Nui a non ɉulɔnu a wala kɛ tii non nɛ̨ɛ̨nu wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta.

Zɛnɛse 44:27

Ku nąn ə ku woo ŋąąpənə, yɛ kuɔ: ‹Ka kili kaa ɉu, kaa diɛ, lon veelɛ ɓə kwa nɛ̨́ą Rasɛlə ku ɉɔlɔɓo,

Zɛnɛse 29:20

Ɉakɔbə ə Rasɛlə mąą kóló ɓo Laban pɔ, a kwɛlan mɛ̨ihveelɛ. Kɛlaa gwɛlan mɛ̨ihveelɛi tii ə kɛ Ɉakɔbə ɲɛ̨i ɓa a ɉu kpua, yɛ hvóló hveelɛ, mąąhɔlɔɓo, nɛ̨ɛ̨nu wɛli ə kɛ mą.

Zɛnɛse 29:18

Rasɛlə ɓə nwɛli ə too Ɉakɔbə ɓa. Ɉakɔbə yɛ Laban ɓa: «Gáá kóló kɛi yɛ́ kwɛlan mɛ̨ihveelɛ, ə́ ə́ lon nogololaamun Rasɛlə tɛɛ bɔ́ a nɛ̨́ą.»

Ɉaan 12:25

Nui a nwɔ yɛnɛ̨ɛ̨ wɛli la kɛ, yɛ viɛlaɓo Yálá ɓa; a kulɔ ɲəi. Kɛlaa, nui a gili kulɔ ɲɛnɛ̨ɛ̨ ŋɛ̨i hu Yálá mąą mɛ̨nį ɓa; a ɉɔlɔɓo ɲɛnɛ̨ɛ̨i kpɛɛ hvo mą ɉu.

Osia 12:12

Galaadə nwɛi, lɛɛ taa li, daa kɛ lɔ kpɛli kpɛli, di hvo kpɛlai nįŋɛ̨ haláá kulaa ɓa Gilgalə, di wɔ hali kɔ́iɠaa kaa yɛ kwɛni tiąą gee mɛ̨i kɛɛ hin ŋąą hu.

Dutɛrɔnome 21:15

Hulɔnu nɛ̨ani da kɛ hveelɛ, dɔ̨nɔ̨ wɛli ə ɓo mą, dɔ̨nɔ̨ wɛli hvo mą; nɛ̨ąą hveelɛi da lon ɉinąą kaa; ɛlɛɛ, nonŋąą tii nu pɔlɔ laamun ə ɓo a nɛ̨ɛ̨nu yii nwɛli hvo mą non,

Zɛnɛse 44:20

Ku kɛ yɛ́: ‹Ku nąn ɉulɔgolo kaa laa, da ku ləɠə logolo ta, yii ku nąn ə ɉɔlɔɓo bɔlɔɔ kɔ́lɔ hu; nokoloi tii nwɛli kaa ku nąn ma kpɔ kɛnɛ̨, mąąhɔlɔɓo, nee lon gbəlii lɔ lɛɛ ya li. Yili nwɔɔ liɛ ə wɔlɔ háá.›

Zɛnɛse 31:15

Ku nąn a ku kaa kɛa yɛ nwɛ̨ąa, mąąhɔlɔɓo, aa ku lɔwɔ́tɔɔ, ɛlɛɛ, hɛn gɔw kɛ mąąnɛ̨ɛ̨ ə dɛɛ ku pɔ, aa mį́i.

Zɛnɛse 29:31

Yii kɛa Yai-Laa ə gaa yɛ Ɉakɔbə aa Rasɛlə wɛli la kɛ aa dɛɛ Lea ɓa, ə Lea kwəi nwun, ə Rasɛlə kɛ a kpomąnɛ̨ą.

Lukə 14:26

«Nui gaa bɔ ə hvilɛn búlú, mąąnɛ̨ɛ̨ ə mą́ą́ mɛ̨nį hviɛlaɓo ə dɛɛ gaa nuą diɛ, ə dɛɛ nɛ̨ą ɓa da lonnii, ə dɛɛ gaayɔɠaa diɛ, ə mą kɛ gbɔwɔ kpinįi mąą mɛ̨nį. Nui a wala yili kɛ tii, a kɛ tii hva pɛli kɛi a nwɔ́ kalan non ta.

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Zɛnɛse 29:17

Lea ɲɛ̨ilaa hvo kɛ lɛlɛ li, kɛlaa, Rasɛlə nwɛi, mąą kələn deɛi kɛ a nɛlɛɛ.

Zɛnɛse 29:29

Yili pulu, Laban ə Rasɛlə tɛɛ Ɉakɔbə pɔ, ə bɛlɛ nwɔ tí nɛ̨ɛ̨nu Bilha ɓa.