Zɛnɛse 29:25 - Yálá laawoo hɛɓɛ (dc)

²⁵ Yələɓoɔ, Ɉakɔbə ə Lea kaa, gwəi ə pili mą; yɛ Laban ba: «Lə ɓə ŋɛ̨i ə́ gɛ a ɲą́ą́i? Rasɛlə ɓə ŋį́ mąą kóló ɓo, ya ɓə ə́ mówo, ə́ Lea həɠə ə́ dɛɛ bɔ́?»

Yálá laawoo hɛɓɛ

²⁵ Yələɓoɔ, Ɉakɔbə ə Lea kaa, gwəi ə pili mą; yɛ Laban ba: «Lə ɓə ŋɛ̨i ə́ gɛ a ɲą́ą́i? Rasɛlə ɓə ŋį́ mąą kóló ɓo, ya ɓə ə́ mówo, ə́ Lea həɠə ə́ dɛɛ bɔ́?»

Bible

²⁵ Ɣele ƃɔ́i, Zeeka è gàa a gɛɛ Liɛ ƃé ǹâŋ Laƃaŋ è pà la bɔ́. Nya ƃe Zeeka è mò Laƃaŋ ma ǹyɛɛi, “Lé ƃé ŋí í gɛ̀ a ńyãai? Leesɛ ƃé ŋá maa tîi kɛ̀ yɛ̂. Vé tí? Í ḿvìli lé mɛni ma?”

Zɛnɛse 29:25 Referans Kwoze

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

Hanwon 11:31

Tələnmomun a lɛɛ lɔi mɛ̨i ə dɔlɔ ta hɔlɔɓo, gu hvomun kɛ nwąnąlɔ nuą da nɛ̨ŋɛ̨n ɉəɠə nuą!

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!

Korɛntə dɔlɔɔ 3:13

nu kəlee kɛ kólo kaa pai tooi pono ɲą. Giti tee hvóló ɓə pai gbaɠala lɛ, gaa pai nɛi a nwɔ̨n, ɛlɛɛ, nwɔ̨n mə pai nu tɛitɛi kɛ kolo hutɔɔi.

Nwun mąąɓo 1:7

Adoni-Bɛzɛkə yɛ diɛ: «Tɔɔɓɛlaa pow mɛ̨ihveelɛ, diɛi kɛ daa di yee kpuɔ da di kɔ́wɔ kpuɔ tee diɛ, di kɛi kɔ̨nɔ̨n bɛnɛ̨ yɛɠɛ ɲə́i daɓali mu. Mɛ́nii ŋį́ gɛ a nuą, Yálá aa gwələ kulɔ mą́ą́.» Də li a Adoni-Bɛzɛkə Ɉerusalɛmə daai, nąą ɓə ə haa laa.

Zɛnɛse 12:18

Tɔɔmun ə Abramə təli, ə mąąnikɛ, yɛ mą: «Lə mɛ̨nį ɓə ɲɛ̨i ə́ gɛ a ɲą́ą́i? Lə mɛ̨nį ɓa hvo kɛ gílaa pɔ̨nɔ̨ li yɛ́ kɛ mą́ą́ ə́ nɛ̨ą ɓaa Sarai?

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Maafîu 7:12

«Mɛ̨nįi ə́ kaa bɔ nuą di gɛ yɛ́, mąąnɛ̨ɛ̨ ə́ yili ɲɔ̨nwɔ̨mą gɛ diɛ. Yili ɓə gaa Yálá laawoo hu, yii Moisə ə bɛ̨ɛ̨ da Yálá kwəi mɛ̨nį hukulɔ nuą.»

Zɛnɛse 20:9

Abimelɛkə ə Abrahamə təli, ə mąąnikɛ, yɛ mą: «Túwɔ́ ləi ɓə ŋɛ̨i ə́ mo a kuɔi? Lə mɛ̨nį ɓə ŋį́ gɛ a yɛ́ a ɲɔ̨nwɔ̨ɔ̨, yaai ə́ kɛ bɔ, ə́ ɲą́ą́ kwa nwɔ́ lɔi hu nuą kəlee, ku kɛ a mɛ̨nį ɲɔ̨n gɛnɛ̨ kɛ nuą? Pələi tii ə́ gɛ la a ɲą́ą́, nu hva túwɔ́ tii.

Zɛnɛse 26:10

Abimelɛkə ə pənə yɛ mą: «Lə ɓə ŋɛ̨i ə́ gɛ a kuɔi? Nąą wolo ə lɛɛ kpɔlɔ tiikpə, nu ta yɛ kɛ ə hvilɛn ə́ nɛ̨ą pulu. Yili a kɛ tii kɛa kɛ, yá ku kɛ a hɔn mąą nuą Yálá ɲɛ̨i ɓa.»

Zɛnɛse 29:24

Laban ə nwɔ tí nɛ̨ɛ̨non Zilpa həɠə ə dɛɛ Lea pɔ a nwɔ tímun.

Zɛnɛse 29:26

Laban yɛ Ɉakɔbə ɓa: «Ɓɛ nɔi, di hva nɛ̨ɛ̨non dɛɛ hilɛtai niɛ tɔwɔ.

Zɛnɛse 31:7

Kɛlaa, aa mówo, yii kɛ mąąnɛ̨ɛ̨ ə dɛɛ bɔ́ a ɉálá, aa mąąhvalin geemɛ̨i pow, ə mą kɛ tii, Yálá hvo hvaa li mą hvo mɛ̨nį ɲɔ̨n gɛ a ɲą́ą́.

Rutə 4:11

Galanɉonŋaa da nuąi kpɔ kɛ laa, gəlee diɛ mą: «Kwaa kɛ a gɛla. Di lúwɔ́ too Boozə ɓa diɛ mą: Nɛ̨ɛ̨nui ŋɛ̨i háákələi pai lɔi ə́ yəi bɛlɛ́n, Yai-Laa ə lúwɔ́ too mą; gɛ́ pələ ə kɛ yɛ Ɉakɔbə nɛ̨ąni hveelɛi: Rasɛlə da Lea. Diɛ ɓə Israɛlə nu huwu hɔlɔɓo. Yai-Laa ə ə́ yee laholoon Ɛfrata lonnii lɔwai, ə ə́ laa tɛ Bɛtleɛmə.

Samuɛlə dɔlɔɔ 28:12

Nɛ̨ɛ̨nui tii ə Samuɛlə kaa, ə tomą kpɔ kɛnɛ̨. Nɛ̨ɛ̨nui tii yɛ Saulə ɓa: «Ə́ mówo lə mɛ̨nį ɓa: Saulə ɓaa yɛ́!»

Zɛnɛse 29:16

Yaan, Laban lonnii nɛ̨ąą di kɛ hveelɛ, nu pɔlɔlaamun nąą ɓaa: Lea, nəɠə laa ɓaa: Rasɛlə.

Zɛnɛse 31:26

Laban ə Ɉakɔbə təli, yɛ mą: «Lə ɓə ŋɛ̨i ə́ gɛ a ɲą́ą́i? Ə́ mówo, ə́ nonnii nɛ̨ąą həɠə yɛ́ pa a diɛ yɛ kɔluwɔɠaa.