Zɛnɛse 28:20 - Yálá laawoo hɛɓɛ (dc)

²⁰ Ɉakɔbə ə nwoo kwɛlɛ Yálá ɓa, yɛ mą: Yai-Laa a lɛɛ bɔ́ nwɔ́ hiɛ ŋɛ̨i hu, ə mą́ą́kpɛ, ə gɔ̨nɔ̨n gɛ, ə mąąhəɠə kɛ,

Yálá laawoo hɛɓɛ

²⁰ Ɉakɔbə ə nwoo kwɛlɛ Yálá ɓa, yɛ mą: Yai-Laa a lɛɛ bɔ́ nwɔ́ hiɛ ŋɛ̨i hu, ə mą́ą́kpɛ, ə gɔ̨nɔ̨n gɛ, ə mąąhəɠə kɛ,

Bible

²⁰ Nya ƃe Zeeka è góno tèe ǹyɛɛi, “À kɛ̀ Ɣâla a pâi kɛ̂i ŋ́gɔlɛ é mɛi káa ŋásiai su é mii-sɛŋ tɛ̀ɛ ḿbɔ ŋá mii é seɣe tɛ́ɛ ḿbɔ ŋá doo ḿâ,

Zɛnɛse 28:20 Referans Kwoze

Timote dɔlɔɔ 6:8

Akɛ kani, kɔ̨nɔ̨n da həɠə a kɛ gu yəi, yili ə gu kwəinɛ̨ɛ̨.

Samia Veerɛi 15:8

Mąąhɔlɔɓo, ɓɛlɔwai ə́ wɔɔ tímun ə kɛ la Gesurə daai Aramə lɔi hu, ŋą́ nwóó kwɛlɛ Yai-Laa ɓa, gɛ́ diɛ: ‹Akɛ Yai-Laa a pənə a li a ɲą́ą́ Ɉerusalɛmə daai, ŋą́ haláá kulɔ Yai-Laa ɓa.›»

Ɉaan 1:16

A tɛ̨ą nwɔ mɛ̨inɛ̨ɛ̨ kɛnɛ̨i tii, gu kəlee gu da hɔlɔɓo, lúwɔ́ ə laa lúwɔ́ mɛ̨i guɔ ɉɔlɔɓo.

Mąątɛ̨nɛ̨ 66:13

Gáá lɔi ə́ yəi bɛlɛ́n, haláái da gəlee kələn, gɛ́ kulɔ yɛ́ laa, mɛ̨nįɠaai ŋą́ di laakwɛlanmo yɛ́, gɛ́ gəlee pɔ mɛ̨nį kɛ.

Zɛnɛse 31:13

Ɲą́ą́ Yálá, ɲą́ą́ ka tii gbɔ́wɔ́ lɛ yɛ́ Betɛlə, ɓɛi tii ə́ ɉaláá kulɔi tɔɔ laa mą́ą́, ə́ ə́ wóó kwɛlɛ mą́ą́. Yii hu, 'pənə ə́ li ə́ pɔ lɔi, ɓɛi ə́ həɠə laa.›»

Gɛlaɠaa 18:18

Polə ə yíi kuu ta wolo kɛ nwɔ̨nɔ̨ Korɛntə daai, yili pulu, ə yələwala too galan nɛa diɛ, ə tɛ kələn da hu yɛ li Siri lɔi hu, yaa, Prisilə ə lɛɛ da Akilasə. Ə mo di nwun gɛlaan Sankre daai, gbala ə tɔɔ, aa ta kɛ yili laakwɛlanmo Yálá ɓa

Mąątɛ̨nɛ̨ 132:2

Ya ɓə gwəla Yai-Laa ɓa, ə nwoo kwɛlɛ Ɉakɔbə nwɔ kilɛn nąŋąlon ma, yɛ kɛ mą:

Mąątɛ̨nɛ̨ 119:106

Ŋą́ą́ gwɛ́la, ɛlɛɛ, nwóó lɔ ɓaa a nwóó, gɛ́ ŋą́ ə́ wɔ tɔn nwooɠaai pɔ yíiɓo, di haŋąąi.

Mąątɛ̨nɛ̨ 116:18

Mɛ̨nįɠaai kpɔ ŋį́ naakwɛlanmo Yai-Laa ɓa, ŋą́ gəlee kɛ, ŋą́ yili kɛ tii nwɔ nu huwui kəlee ɲɛ̨i ɓa.

Mąątɛ̨nɛ̨ 116:14

Mɛ̨nįɠaai ŋą́ naakwɛlan mo Yai-Laa ɓa, gɛ́ gəlee kɛ.

Mąątɛ̨nɛ̨ 76:11

Ə mą kɛ nu kanŋaa di wɔ líiholi, kaa a ə́ ɲɛ̨i pono hɛn, ɛlɛɛ, yiɠaai da kulɔ niiholii tii yəi, yá di kąnąn ɲɛ́.

Mąątɛ̨nɛ̨ 61:8

'Ə lɛɛ lɔ dɔɔlaa hu, kpɛɛ hvo kɛ mą, Yálá ɲɛ̨i ɓa! Wɛlikɛmąąlaa da tɛ̨ą, di tɔɔ gwɛlɛ, diɛ mąą kpɛ!

Mąątɛ̨nɛ̨ 61:5

Gáá kɛ bɔ ə́ ə́ yee hee mú, a kwɛlan gəlee mɛ̨nį, gɛ́ mą́ą́kilɛ laa, nɔ́ɔ́ ə́ koon mu.

Mąątɛ̨nɛ̨ 56:12

Yálá ɓə gílitɔɔi mą, və́ ɲɔwi lə ɓə nu kanŋaa da pɛli gɛi a ɲą́ą́?

Azaya 19:21

Yai-Laa kaa pai gbɔwɔ lɛi Eziptə nuą diɛ, Eziptə nuą diɛn, da Yai-Laa kɔ́lɔn a volói tii, diɛ gɔ́ a halááɠaa da mɛ̨inɛ̨ɛ̨ɠaa; diɛ mɛ̨nįɠaa laakwɛlanmo Yai-Laa ɓa, ɛlɛɛ, diɛ bɔ mɛ̨nį kɛ.

Mąątɛ̨nɛ̨ 22:25

Hvo gili kulɔ li mąą wɛlimun ɉu, nwɔ mąą wɛlilaa hu, hvo bulu tɔɔ li mą. Kɛlaa, wɔlɔi ə mo mą, ə nwoo mu hon

Samuɛlə dɔlɔɔ 14:24

Israɛlə nuą di mɔ̨nɔ̨ mįi a mąą yələ, mąąhɔlɔɓo, Saulə ə nuą kpaan a nwoo ŋɛ̨i, yɛ diɛ: «Nui lɔpee a kɔ̨nɔ̨n gɔwɔn ə lɛɛ la ɉu yələ ə wulu, Yai-Laa ə mąą nu nɛ̨ŋɛ̨n naa, hvo kɛ li ŋą́ gbɛa nwą́ną kulɔ ɲɔ́woɠaa diɛ. Nui lɔpee ta hvo lɛɠɛ kɔ̨nɔ̨n ma.»

Samuɛlə dɔlɔɔ 1:28

Ɲą́ą́n gáá pənəi ŋą́ dɛɛ Yai-Laa pɔ, ə lɛɛ Yai-Laa yəi a yələ kəlee mɛ̨nį.» Anə ə pɛlɛ niiɓa ə kwɛli hvilɛn Yai-Laa ɓa.

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Zɛnɛse 35:3

Ka ka muhəɠə ka gwə li Betɛlə, Yálái a gúlɔi gánąn mɛ̨nįɠaa hu, ŋį́ haláá kulɔi bɛli laa mą. Ya ɓə gaa bɔ́ nwɔ́ hiɛɠaa kəlee hu.»

Kɔlɔnikɔ Maa-ŋuŋ 4:10

Yaebɛsə ə Israɛlə ŋą Yálái hvɛli, yɛ kɛ mą: «Akɛ yá lúwɔ́ too mą́ą́, ə́ nwɔ́ lɔi hu kɛnɛ̨; yá tɔɔ búlú, ə́ mɛ̨nį ɲɔ̨n mąą kwɛa mą́ą́, mɔ̨nɔ̨ hvo laa mɛ̨́i!» Mɛ̨nįi tii ə ɉuhvɛli, Yálá ə gɛ mą.