Zɛnɛse 28:16 - Yálá laawoo hɛɓɛ (dc)

¹⁶ Ɉakɔbə ə ɲɛ̨ilaa ɓo, yɛ diɛ: «É! A mɛ̨nįgɛ ɓɛ ɓə Yai-Laa kaa laa, gíli hvo kɛ ɉu!»

Yálá laawoo hɛɓɛ

¹⁶ Ɉakɔbə ə ɲɛ̨ilaa ɓo, yɛ diɛ: «É! A mɛ̨nįgɛ ɓɛ ɓə Yai-Laa kaa laa, gíli hvo kɛ ɉu!»

Bible

¹⁶ Nya ƃe Zeeka è ŋ̀ɛ́i lá ƃò ŋɔnyii su ǹyɛɛi, “Tɔ̃yâ ma, Yâwɛɛ káa ƃɛ́, ǹyaŋ fé kɛ́ ní a gɔ̂lɔŋɔɔ!”

Zɛnɛse 28:16 Referans Kwoze

Zasua 5:15

Yai-Laa nwɔ kɔlaɠa nwun nąmu yɛ Ɉosue ɓa: «Gɔlɔ kulɔ, mąąhɔlɔɓo, ɓɛi ŋɛ̨i ə́ kaa laa, nąą mąąhəɠɛɛi.» Ɉosue ə nɛ̨ɛ̨ mą ə gɔlɔ kulɔ.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Lɛɛ gbɔwɔ ɓa 3:5

Yálá yɛ mą: «'Hvó kɛ ə́ kaa lɛɠɛi ɓɛ. 'Gɔlɔ kulɔ ə́ kɔ́wɔ ŋą. Mąąhɔlɔɓo, ɓɛi tii ə́ kaa laa, lɔi mąąhəɠɛɛ li.

Zôo 33:14

Ya pa, Yálá a hvaa a pələ ta, a wala kɛ ti a da kpɛli, kɛlaa, nu hva gbaɠala kaa.

Zôo 9:11

A tɛɛ gwɛ́lɛ, kɛlaa vá gaa, a li vá nwɔ̨nɔ̨ gbaɠala kaa.

Azaya 8:13

Mɛ̨nį Kəlee ŋą Hééɓomun Yai-Laa lɔ ɓə mąąnɛ̨ɛ̨ ka gaa a mąąhəɠɛɛ, ya ɓə mąąnɛ̨ɛ̨ ka mąąwiɛ, ya ɓə mąąnɛ̨ɛ̨ ka ɲɔw mą.

Mąątɛ̨nɛ̨ 68:35

'Ka Yálá hvaŋą kɛnɛ̨ pələ lɛ. Nwɔ Heeɓolaa kaa Israɛlə mɛ̨i, vąŋą ə ɓo tulɔ kpinįŋaa mɛ̨i.

Lɛɛ gbɔwɔ ɓa 3:4

Yii kɛa Yai-Laa ə gaa, yɛ Moisə kaa pai gɛɛnąą tii, ə dəli nwɔ̨n nən ɉu, yɛ mą: «Moisə! Moisə!» Yili yɛ mą: «Ɲą́ą́ ka!»

Zasua 5:13

Nąąlɔwai, yii kɛa Ɉosue ə kɛ Ɉeriko daa kwɛlɛ, ə nwun mu həɠə lɔ, yɛ gaa ɲɛ̨i kɛi, hulɔnu ta ə ɓo tɔɔni nií la, ɓɔwa kwɛaa ɲąąliɛ ə ɓo ɲəi, Ɉosue ə lɛɠɛ ɉulɔnui tii ɓa, yɛ mą: «Gwa kaani ɓə gu tɔɔ, ɓaa ə́ kaa a ku yówó?»

Tɔɔɓɛlaa dɔlɔɔ 3:15

Salomɔn ə ɲɛ̨nąą ɓo, ə gaa yɛ Yai-Laa ka tii mɛ̨nį ɓo mą hįi pələ. Ə li Ɉerusalɛmə, ə gbɔwɔ lɛ Yai-Laa ɓa nwɔ mįnɛ̨ kəhii lííla, haláái da gəlee kələn, da pɔnaa kulɔ haláá, ə yiliɠaa kulɔ Yai-Laa ɓa, yili pulu, ə nwɔ ɲɛ̨itɔwɔ nuą ɓɛlɛ hee.

Mąątɛ̨nɛ̨ 139:7

Mį́ kpɔ ɓə ŋą́ pɛli lii laa, hvá gáá? Mį́ kpɔ ɓə ŋą́ pu, ŋą́ li laa, vá kɛ ə́ ɲɛ̨i mu?

Ɉeremi 31:26

Nąąlɔwai, ŋą́ nwun, ɛlɛɛ, ŋą́ gbaɠala kaa, gɛ́ kɛ ŋą́ą́ yíi ɲąąnɛ̨ɛ̨ ɓo.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.