Zɛnɛse 28:1 - Yálá laawoo hɛɓɛ (dc)

¹ Isaakə ə Ɉakɔbə təli, ə lúwɔ́ too mą, da yaa di yələ wala too, yɛ mą: «Və́ kɛ li yɛ́ Kanaan nɔi ɓɛ nɛ̨ɛ̨nu ta həɠə a ə́ nɛ̨ą.

Yálá laawoo hɛɓɛ

¹ Isaakə ə Ɉakɔbə təli, ə lúwɔ́ too mą, da yaa di yələ wala too, yɛ mą: «Və́ kɛ li yɛ́ Kanaan nɔi ɓɛ nɛ̨ɛ̨nu ta həɠə a ə́ nɛ̨ą.

Bible

¹ Nya ƃe Aise è Zeeka tòli é lûwa lá ma é mó ma ǹyɛɛi, “Ífe Keena nɛyâai da kùla a nɛnî.

Zɛnɛse 28:1 Referans Kwoze

Zɛnɛse 24:3

'Ə́ kwɛla a Yai-Laa laa, yai a yələkɔlɔn da lɔi di pɛli Yálá, yɛ́ mą́ą́: Hvó pai Kanaan lɔi hu nɛ̨ɛ̨nu ta həɠəi, hvó dɛɛ nón bɔ a nɛ̨ą.

Zɛnɛse 27:46

Rebeka yɛ Isaakə ɓa: «Nón nɛ̨ąni hveelɛi ŋɛ̨i a Hɛtə nɛ̨ąą, daa yɛnɛ̨ɛ̨ hee ɉú. Ɉakɔbə yaa kpɛli a ɓɛ nɛ̨ɛ̨nu həɠə, nwɔ́ yɛnɛ̨ɛ̨ nwun və kɛa mą.»

Zɛnɛse 24:37

Nwɔ́ mɛ̨nį nąmu, ə kɛ mą́ą́: ‹Ə́ kwɛla, yɛ́ diɛ, Kanaan lɔi ŋɛ̨i gáá heeni ɉu, hvó pai ɓɛ nɛ̨ɛ̨nu ta həɠəi, hvó dɛɛ nón bɔ a nɛ̨ą.›

Zɛnɛse 6:2

Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni.

Zasua 22:7

Moisə ə wɔlɔ lɔi tɛɛ Manase huwu bələ tɔ̨nɔ̨ pɔ, Basan lɔi hu. Ɉosue ə lɔi tɛɛ Manase huwu bələ tɔ̨nɔ̨i tii lɛɛ bɔ, di nąn nonnii lɔwai Ɉurdɛn yá pulu voló tooi pələ. Diɛ kpɛli mąn, ɓɛlɔwai Ɉosue ə di tɔɔ la bələi, ə lúwɔ́ too diɛ.

Dutɛrɔnome 33:1

Lúwɔ́ yii Yálá nwɔ nu Moisə ə doo Israɛlə lonnii diɛ hvo tɛɠa kɛ pai haai, ya ka:

Zɛnɛse 49:28

Nuąi tii ɓə kɛ a Israɛlə nu huwu pow kɔ́w hveelɛi. Ɓɛlɔwai di nąn ə kɛi lúwɔ́ too la diɛ, nwooɠaai tii ɓə ə mo diɛ. Di nąn ə lúwɔ́ too diɛ a gulaa gee mu.

Zɛnɛse 48:15

Ə Lúwɔ́ too Ɉosɛfə ɓa, yɛ mą: «Yálái ŋɛ̨i ną́nni Abrahamə da Isaakə di di wɔ yɛnɛ̨ɛ̨ kɛ nííɓa hu, a Yálái kɛi mɛ̨́i kaa a yələ kəlee,

Zɛnɛse 34:16

Ka gɛ tii, ka hvaa mą, kwa pɛli gu nɛ̨ą hee gu keeni ɓa. Gwa kaani gwa kɛ kɛa a heeyɔwɔɠaa, gu kɛ a nu huwu tɔ̨nɔ̨.

Zɛnɛse 34:9

Ka gu mįnɛ̨ həɠə, ka guɔ nɛ̨ą həɠə gu kee ɓa.

Zɛnɛse 27:4

Ə́ ɲili kpɔ yɛ bələi gáá la bɔ, ə́ paa la, ŋį́ mį́i, ŋą lúwɔ́ too yɛ́, gɛɛ və́ pa kɛ haai.»

Zɛnɛse 24:4

'Ə́ kwɛla, yɛ́ diɛ: Ə́ kaa pai lii ku pɔ lɔi, ə́ ku yəi bɛlɛ́n nɛ̨ɛ̨nu ta həɠə, ə́ dɛɛ nón Isaakə pɔ a nɛ̨ą.»

Zɛnɛse 28:6

Esau ə bələ mɛ̨n, yɛ Isaakə aa lúwɔ́ too Ɉakɔbə ɓa, aa dɛɛ Aramə yɛ li nɛ̨ą həɠəi laa. Esau ə mɛ̨n nwɔ̨nɔ̨, diɛ mą: «Ɓɛlɔwai Isaakə da Ɉakɔbə di kɛi di hvɛli la, Isaakə ə tɔ́n dɔɔ Ɉakɔbə ɓa, yɛ mą: ‹'Hvo Kanaan nɛ̨ɛ̨nu ta həɠə a ə́ nɛ̨ą.›»

Zɛnɛse 38:2

Ɉuda ə lɛɛ Adulamə, ə Sua Kanaan mun non ɉəɠə a nɛ̨ą, da yaa di lɔ pɛlɛ́n.

Ɉeremi 29:6

Ka nɛ̨ą həɠə, ka lonŋaa kaa diɛ. Ka ka lon ɉinąą di nɛ̨ąni mɛ̨nį ɲɛ̨i kulɔ, ka ka lon nɛ̨ąą tɛɛ hilɛtaai. Diɛ kpɛli di lonŋaa kaa. Ka ka ɓuwuɓo laa, ka huwu hvo pu.