Zɛnɛse 27:43 - Yálá laawoo hɛɓɛ (dc)

⁴³ Yili ɓa, nón, ə́ wəli tɔɔ nwóó ɓa. 'Ə́ muhəɠə, 'li ə́ ə́ mąąkilɛ níɛ Laban pɔɔli Haran.

Yálá laawoo hɛɓɛ

⁴³ Yili ɓa, nón, ə́ wəli tɔɔ nwóó ɓa. 'Ə́ muhəɠə, 'li ə́ ə́ mąąkilɛ níɛ Laban pɔɔli Haran.

Bible

⁴³ Mɛni ma m̀ɛnii ŋa pâi môi yâi m̀ɛni. Pú í lí ńzâaƃɔlɔ Laƃaŋ pɔ́ naa Araŋ.

Zɛnɛse 27:43 Referans Kwoze

Zɛnɛse 27:8

Nón, nwooi ŋɛ̨i gáá pai moi yɛ́, gɛ kpɔlɔ yɛ pələi gáá pai moi la yɛ́.

Zɛnɛse 11:31

Tela ə non Abramə həɠə da Haran lon Lɔtə yai kɛ a mąnįn, ə bɛlɛ non nɛ̨ą Sarai ɓa, yai kɛ a Abramə nɛ̨ą, da diɛni di həɠə Urə daai Kalde nuą pɔ lɔi, diɛ li Kanaan lɔi hu, di li ɓɛi ŋɛ̨i da kɛ mą Haran, di hee laa.

Zɛnɛse 27:13

Ɉakɔbə nee yɛ mą: «Nón, akɛ a ə́ nɛ̨ŋɛ̨n nąą, a lɛɛ mą́ą́. Mɛ̨nį kəlee ə mą kɛ, yii ŋɛ̨i ŋį́ mo yɛ, 'li ə́ gɛ tii.»

Gɛlaɠaa 5:29

Kɛlaa, Piɛrə da mɛlan di di woo ŋąapənə, diɛ mą: «Mąąnɛ̨ɛ̨ nu ə Yálá woo hon ə tɛɛ nu woo ɓa.

Ɉeremi 35:14

Nɔɔ tɔ́n Rekavə lon Yonadavə ə dɔɔ nonnii diɛ, di ɉon, di hvo ta mąą kala li, di hvo ta lɔɔ kpələ li, aa lɛɛ ɉu háákələi aa həli; daa lɛɛ di kalaɓɔlɔ woo ɲą. Kɛlaa nwɛ́i, ŋą́ pələ ɓo káá, vįi hvo ta kpɛɛ li; kɛlaa, ka hva mɛ̨n. Ŋą́ túwɔ́ pələ ɓoi kaa, ka hva mɛ̨n.

Hanwon 30:17

Ɲɛ̨ikɔw yii a yɛlɛ kulɔ nąn ɉu, yɛ gaa lee kaa a tɛɠɛ ɓo ɉulaa, goą-goąɠaa da nwolo, kuwɔ́ɠaa di gbələ.

Zɛnɛse 28:7

Ɉakɔbə ə nee da nąn di woo hon, ə həɠə yɛ li Aramə.

Zɛnɛse 24:29

Rebeka mąąhulɔnu ə kɛ laa, diɛ kɛ naa ɓa: Laban. Laban tii ə muhəɠə yɛ li ɉulɔnui tii laakwiɛn ɉii ɲálɔwa la.

Zɛnɛse 28:10

Ɉakɔbə ə həɠə Beɛrə-Seva, ə li Haran.

Zɛnɛse 27:42

Di Esau wooi tii kəlee hukulɔ Rebeka ɓa. Rebeka yaan ə Ɉakɔbə təli, ə nwoo hukulɔ mą, yɛ mą: «Ə́ liɛ Esau kaa bɔ ə nwąną kulɔ yɛ́, ə ə́ paa.»

Zɛnɛse 28:5

Yili pulu, Isaakə ə Ɉakɔbə tɔɔ bələi, yɛ li Aramə galá Laban pɔɔli, Aramə mun Betuɛlə lon, yai a Ɉakɔbə da Esau di lee Rebeka mąąhulɔnu.

Zɛnɛse 35:1

Yələ ta Yálá yɛ Ɉakɔbə ɓa: «Ə́ muhəɠə, ə́ li Betɛlə ə́ hee laa, ə́ haláá kulɔi pɛli laa Yálá ɓa, yai gbɔwɔ lɛ yɛ́, ɓɛlɔwai ə́ kɛi pu la ə́ liɛ Esau ɓa.»

Zɛnɛse 25:20

Isaakə kaa kwɛlan ə kɛ pow nąąn, ɓɛlɔwai ə Laban mąąhala Rebeka həɠə la a nɛ̨ą, yai kɛ a Betuɛlə lon nɛ̨ɛ̨nu. Betuɛlə ə kɛ a Aramə mun.