Bib sou entènèt

Zɛnɛse 27:29 - Yálá laawoo hɛɓɛ (dc)

²⁹ Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Gade chapit la Kopi

Yálá laawoo hɛɓɛ

²⁹ Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Gade chapit la Kopi

Bible

²⁹ Nûa dí tíi kɛ́ yɛ̂. Lɔii-ŋuŋ-ŋa dí pɛ́lɛ íkɔɔ mu. Kɛ́ a ílêɣe-ni da ílîa-ni mɛi-nuu. Ílee ǹônii dí pɛ́lɛ íkɔɔ mu. Náɣaŋ é kɛ́ diai dîa da ínàɣaŋ. Lûwa é kɛ́ diai kélee dîa da lûwa làa yâi.”

Gade chapit la Kopi

tounen moute ⬆

Zɛnɛse 27:29
40 Referans Kwoze

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Lomaŋ 9:12

yili hvo kulɔ li di túwɔ́ pələ hu, kɛlaa ə kulɔ nui dəliɓo kɛ na yai kɛ diɛ: «Nu pɔlɔ kaa pai kɛi nəɠə yee mu.»

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Mąątɛ̨nɛ̨ 72:8

Nwɔ tɔɔlaai a həɠə gboloyá ɓa, ə həli la dakpɛli ɓa; ə həɠə ɲá kɛnɛ̨ ɓa, ə həli lɔi kpɛlai.

Tɔɔɓɛlaa dɔlɔɔ 22:47

Ɉaláá wɛli kɛ nuą kpəliɠaai lɛɛ Ɉosafatə nąn Asa nwɔ yələ, ə gəlee kpɛ nɔi.

Lonon mo 23:8

Nui Yálá hvo nɛ̨ŋɛ̨n naa li, Ŋą́ pɛli nɛ̨ŋɛ̨n naa pələ kɛi ləi? Nui Yálá hvo ɲɛ̨i paa li, Ŋą́ pɛli ɲɛ̨i paa pələ kɛi ləi?

Zɛnɛse 37:7

Ə haa kɛ yɛ gwa kɛ yɛa ta, guɔ mɔ̨nun dee. Nwɔ́ mɔ̨nun gɔn ə haŋą ə tɔɔ, ka wɛiɠaai kəlee di pa di pɛlɛ nwɛ́i kɔ́wɔ mu.»

Zɛnɛse 27:37

Isaakə yɛ mą: «Ŋą́ą́ gbɛa gɛ a ə́ wɔ mɛ̨nį nąmu, ŋą́ą́ gaayɔwɔɠaa kəlee lɔ ɲee mu, mɔ̨nun da lɔɔ di kaa pai kɛi ɲəi kɛnɛ̨. Hɛn da hvo laa və́ gɛ yɛ́, nón.»

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

Maafîu 25:45

«Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Kɔlɔnikɔ Maa-ŋuŋ 5:2

Kɛlaa yaan, Ɉuda ɓə kɛa kɛ nąn nonnii lɔwai a nu kɛnɛ̨, ɉuwu hu ɓə Heeɓomun gɛnɛ̨ ə kulɔ laa. Kɛlaa, nu pɔlɔ laa nwɛi, ə kɛ Ɉosɛfə ɓa.

Zɛnɛse 25:33

Ɉakɔbə yɛ mą: «Ə́ kwɛla, yɛ́ diɛ yaa dɛɛ bɔ́.» Nąąlɔwai, Esau ə gwɛla, yɛ mą: «Ŋą́ą́ nu pɔlɔ laa tɛɛ ə́ pɔ́.»

Zɛnɛse 9:27

Gɛ́ Yálá ə Ɉafɛtə yee kɔ́nwɔ̨n ɉu ɓɛlɛ, Kɛlaa, ə kɛ Sɛmə kwɛlɛ, Kanaan ə kɛ a Ɉafɛtə nwɔ luwɔ.»

Zɛnɛse 27:30

Isaakə ə kpɛɛ lɔ a núwɔ́ toɔ Ɉakɔbə ɓa, Ɉakɔbə ə lɛɛ lɔ kulɔi, niɛ Esau yɛ həɠə noɉo lɔwɔi pələ, yɛ pa.

Zɛnɛse 27:40

Kulaalaa lɔ ɓə yá ə́ wɔ yɛnɛ̨ɛ̨ kɛ ɉu, yá kɛ a ə́ ləɠə nwɔ tímun, Kɛlaa yələ ta, ə́ kaa pai tɔi a ə́ nwąnąi ə́ kulɔ ɲee mu.»

Zɛnɛse 37:10

Ə li ə ɉįi tɔ̨nɔ̨i tii hukulɔ nąn ma, nąn ə haŋą mą, yɛ mą: «Hį́i ləi ɓə ŋɛ̨i ə́ gaai? Gaa ə́ kwəi, ku kaa pai pɛlɛi ə́ kɔ́wɔ mu a yələ ta, ɲą́ą́, ə́ lee, ɛlɛɛ ə́ liɛni?»

Lonon mo 24:18

Daa Edɔmə hon a kɔ́, Seirə aa lɛɛ ɲowoɠaa yee kɔ́nma. Israɛlə aa vaŋą həɠə.

Azaya 60:12

Tɔɔ lɔi, da hįį lɔpə, a wala gɛ, hvo tí yɛ́, da nɛɛ a gboloon, mąą lɔiɠaai hu a kala kpɔ tɛ̨ɛ̨tɛ̨ɛ̨?.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Swiv nou:

Lyen patwone

Piblisite

Piblisite