Zɛnɛse 27:28 - Yálá laawoo hɛɓɛ (dc)

²⁸ «Gɛ́ Yálá ə luwuluwu tulɔ pu yɛ́. Ə lɔi hɛn gɔw tɛɛ ə́ pɔ, ə́ mɔ̨nun ɉɔlɔɓo kɛnɛ̨, da lɔɔ nįnɛ̨.

Yálá laawoo hɛɓɛ

²⁸ «Gɛ́ Yálá ə luwuluwu tulɔ pu yɛ́. Ə lɔi hɛn gɔw tɛɛ ə́ pɔ, ə́ mɔ̨nun ɉɔlɔɓo kɛnɛ̨, da lɔɔ nįnɛ̨.

Bible

²⁸ Ɣâla é lúu kúla ŋ̀elei su é ǹɔii lɛ́lɛ, é mii-sɛŋ támaa tɛ́ɛ ípɔ da ŋwãai!

Zɛnɛse 27:28 Referans Kwoze

Dutɛrɔnome 33:28

Ə́ hvįįtɔɔ a ə́ wəli pulu laɠiɛ, Ɉakɔbə nwɔ yá nwun gulɔi kaa laai a dee; yɛ li ɓɛi mɔ̨nun da lɔɔ nįnɛ̨ di kaa laa nɔi; yələkɔlɔn yɛ tulɔ pu mą.

Dutɛrɔnome 33:13

Yɛ Ɉosɛfə nwɛi ɓa: «Yai-Laa aa lúwɔ́ tɔɔ di hee lɔi ɓa, a tulɔ yii a pu mą, da yáɠaai da kulɔ lɔi liiɓa.

Mąątɛ̨nɛ̨ 133:3

Gaa yɛ nɛ̨nɲái a yɛɛ a Hɛrmɔn yee, yɛ yɛɛ Siɔn yeeɠaa nwuɔ̨. Nąą ɓə Yai-Laa ə naa gwəi, yɛ lúwɔ́ kɛ laa; a yíinɛ̨ɛ̨i kpɛɛ hvo mą!

Samia Veerɛi 1:21

Gilboa yeeɠaa, ka hvo kɛa tulɔ hɔlɔɓo, ə mą kɛ luwuluwu; tíi hvo kɛa lɛlɛ ka mɛ̨i. Mąąhɔlɔɓo, naa ɓə gɔ́kulááɠaa di wɔ hə́mə ɓɛlɛ ə kpɛɛ laa mą. Saulə nwɔ hə́məi tii, yai mąą hvo kɛ tii li a wulɔ,

Dutɛrɔnome 32:2

Nwooɠaai gáá ka kalan ɉii la, ə hala lɔi mɛ̨i yɛ tulɔ ya, nwóó ə pɛlɛ yɛ náláán, yɛ weewaa tulɔ kala tiliinŋąą mɛ̨i, yɛ hvóló laa ɓoɔ tulɔ kala tiliinŋąą mɛ̨i.

Dutɛrɔnome 7:13

Gaa pai ka wɛli la kɛi yɛ lúwɔ́ too kaa, yɛ ka huwuhu ɓɛlɛ; gaa pai lúwɔ́ tooi ka kwəi lonnii diɛ. Ka kɛ kólóɠaa, ka wɔ lɔɔi, ka wɔ wulɔi, ka wɔ nįŋɛ̨ɠaa, ka wɔ ɓɛlaaɠaa da mooluɠaa, a lúwɔ́ too diɛ. Yili a kɛ tii nɔi tii ə naakwɛlanmo ka nąnni diɛ ɉu.

Zakari 8:12

Yili ɓa, gáá pai liilaa hį́n ɉi lɔi mɛ̨i, viɲə yɛ ɓa, híhɛn yɛ lɛlɛ nɔi hu, yələkɔ́lɔn yɛ tulɔ pu; Ŋą́ ɉɛnŋąąi tii kəlee tɛɛ, nɔi lonnii gbəliɠaai da lɛɛ, di pɔ a di wɔɔ.

Zooɛ 2:19

Yai-Laa ə nwɔ nu huwui nwɔ hvɛli woo mu hon Yɛ diɛ: «Yili ɓa, gáá pənəi ŋį́ mɔ̨nun dɛɛ ka pɔ, da lɔ, ɛlɛɛ da wulɔ nįnɛ̨. Ka káá pai pilɛi ɉu, və́ kɛa pai ka kɛi a nu huwu takpɛliɠaa di wɔ yɛlɛ kulɔ ɉu hɛn.

Azaya 45:8

Yələkɔ́lɔn, 'tələnmolaa pu, yɛ həɠə yələi pələ yɛ nąnąąn, ɛlɛɛ, tulɔ kpinįnŋąą 'di tələnmolaa kpoloon naa lɔi mɛ̨i, lɔi, ə naaɓo, nu ɓalo mɛ̨nį, da tələnmolaa diɛ ɓɔn nąą a gee. Ɲą́ą́i a Yai-Laa, ɲą́ą́ ɓə nui tii pɛli.

Mąątɛ̨nɛ̨ 104:15

Lɔɔ yɛ nu kan gwəinɛ̨ɛ̨, Yɛ́ di ɲɛ̨i wulɔ kulɔ, yɛ di ɲɛ̨i wulɔ kulɔ, dɛɛ wulɔ ɓa. Kɔ̨nɔ̨n yɛ hvąŋą tɛɛ nu kan bɔ.

Mąątɛ̨nɛ̨ 36:8

Yálá, ə́ wɔ wɛlikɛmąąlaa kɛnɛ̨ɛ̨ ɓə-e! Ee, mąąwiai, ɉɔ̨nwɔ̨ hvo mą. Nu kanŋaa da di mąąkilɛ ə́ hvaŋąn mu.

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Lonon mo 18:12

Wulɔ nįnɛ̨, da lɔɔ nįnɛ̨, da mɔ̨nun ə mą kɛ hɛn dɔlɔɔɠaai da Yai-Laa kɔ́ la, gáá di tɛɛi ə́ pɔ.

Hebreu 11:20

Laa na laa háálai ɓə nwɔ̨nɔ̨ gɛ, Isaakə ə lúwɔ́ tɔɔ Ɉakɔbə da Esau diɛ, di tinąą mąą mɛ̨nį ɓa.

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.

Mise 5:7

Nąąlɔwai, Ɉakɔbə nu kpəli woloi pai lɛɛi, gaa pai kɛi lɔiɠaa hu, nu huwu tamąą lɔwai, yɛ yala, lɔwɔ huwɔɠaa lɔwai, yɛ yala lon, ɓɛlaa kpulu lɔwai, dɛɛ pələ tɛitɛi, a ɓɔlɔ́n di mɛ̨i, yɛ di hon ɛlɛɛ nu hva hɔlɔɓo, yɛ di kulɔ ɲəi.

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Kɔlɔnikɔ Veerɛi 2:10

Tirə tɔɔmun Hiramə ə Salomɔn woo pulu pənə, yɛ mą: «Yai-Laa nwɔ nu huwui wɛli ɓə gaa mą, mɛ̨nįi gɛ, yɛ́ ə́ hee la a tɔɔmun, yaa li.

Tɔɔɓɛlaa dɔlɔɔ 5:11

Gili kɛnɛ̨ɛ̨i kɛ dɛɛ gilimąą nuąi diɛ, dɛɛ Ɛzra mun Etan ɓa, dɛɛ Heman ɓa, dɛɛ Kalkolə ɓa da Darda; diɛi kɛ a Maholə lonnii. Salomɔn laa ə tɛ gwɛlɛ lɔiɠaa kəlee hu.

Zasua 5:6

Kwɛlan bow nąąn mə di gɛ ɉiɛ hu; nuąi kulɔ Eziptə bɛlɛɛ gɔ́kulááɠaa diɛ, gəlee di haa. Mąąhɔlɔɓo di hvo di wəli tɔɔ Yai-Laa woo ɓa, yili ɓə gɛ, Ə gwɛla yɛ diɛ, nɔi Ə naakwɛlanmo di nąnni diɛ, yɛ gaa dɛɛi di pɔ, diɛi tii hvo kɛa pai həlii laa; a nɔi hɛn gəlee a lɛlɛ mą.

Zɛnɛse 49:20

Asɛrə nwɔ lɔi kaa pai kɛi a hihɛn nɛlɛ lɔi, ɉu hɛnŋąa ɓa mąąnɛ̨ɛ̨ a tɔɔmun gɔ̨nɔ̨n gɛ hɛnŋąą.

Zɛnɛse 45:18

di tɔɔ ka nąn dɔwɔ, da ɲəi bɛlɛ́n nuą kəlee, di pa. Eziptə lɔi ɓɛi hihɛn a lɛlɛ laa, nąą ɓə ŋą di hee laa.

Lomaŋ 11:17

Akɛ yɛ́i ŋɛ̨i a lɔwɔ wulu, di ə́ tee di ə́ kanąn hin-nwulu kpaɠa pala ɲą, yá kɛ kɛa kɔ̨nɔ̨n ɉɔlɔɓo ɉin-nwului tii háálai.

Lonon mo 13:20

Ka nɔi kɛ pələ kaa, akɛ hihɛn a lɛlɛ mą, a wala kɛ tii hva lɛlɛ mą. Akɛ lɔwɔ lɔi li, a wala kɛ tii gbali lɔi li. Ka tɔɔ a ka nwąnąi, ka nɔi tii hu hɛn má ta həɠə.» Ɓɛlɔwai di kɛi di tɔɔ la pələi, ə kɛ a viɲə dɔɔ dɔwɔɠaa ɓá kulɔi lɔwai.

Zɛnɛse 27:39

Nąn yɛ mą: «Hihɛn nɛlɛ lɔi pulu pələ kwɛa la ɓə, ə́ kaa pai kɛi laa, ɓɛi luwuluwu kpɛli hva pu laa.

Zɛnɛse 27:37

Isaakə yɛ mą: «Ŋą́ą́ gbɛa gɛ a ə́ wɔ mɛ̨nį nąmu, ŋą́ą́ gaayɔwɔɠaa kəlee lɔ ɲee mu, mɔ̨nun da lɔɔ di kaa pai kɛi ɲəi kɛnɛ̨. Hɛn da hvo laa və́ gɛ yɛ́, nón.»

Zɛnɛse 49:25

Ə́ nąn nwɔ Yálá, Ə tɔɔ ə́ pulu, Huwalawala Kəlee Nąmu Yálá Ə lúwɔ́ too yɛ́, lúwɔ́ ə həɠə yələi ə yɛɛ ə́ mɛ̨i, lúwɔ́ ə həɠə lɔi kponɉu ə həli yɛ́, ə́ huwuhu nɛ̨ąą kwəi ə nwun ə́ wɔ taatɛlɛɛɠaai di di kaa.

Hanwon 3:20

Nwɔ mɛ̨nį kɔ́lɔn ŋąą pɔ pələ ɓə, lɔi mɛ̨i yáɠaa da tɛ la yələi, tulɔ kpinįnŋąą diɛ tulɔ pu.

Hanwon 19:12

Tɔɔmun a níiholi, gaa yɛ Yala a kɛi kpəɠi, Kɛlaa, a ɲɛ̨i lɛlɛɛ hee yɛ́, gaa yɛ nɛnɲá.