Bib sou entènèt

Zɛnɛse 26:3 - Yálá laawoo hɛɓɛ (dc)

³ Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Gade chapit la Kopi

Yálá laawoo hɛɓɛ

³ Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Gade chapit la Kopi

Bible

³ Kɛ́ nɔ́ a ŋɔ̃ya ǹɔii ŋí su. Ŋa pâi kɛ̂i íkɔlɛ, ŋá lûwa láa yâ. Kpɛ́ni fêi, ŋa pâi ǹɔii-ŋai ŋí kélee tɛɛ̂i ípɔ ka ísuui. Ŋa pâi gbanaŋ-wooi ŋàa-see kɛ̂i nyii ŋá gɛ̀ ínâŋ Eberaɣɛ̃ɛ yêei.

Gade chapit la Kopi

tounen moute ⬆

Zɛnɛse 26:3
42 Referans Kwoze

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Mąątɛ̨nɛ̨ 105:9

Mįnɛ̨i da Abrahamə di ɉəɠə, Ə mɛ̨ilɔ a gwɛlai ə mo Isaakə ɓa.

Zɛnɛse 20:1

Abrahamə ə həɠə Negɛvə lɔi hu, ə li ə hee Kadɛsə taa da Surə taa di lɔwai. Yili pulu nwɔ̨nɔ̨, ə li Gerarə daai.

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Zɛnɛse 13:17

Li, ə́ hiɛ nɔi nąą kəlee, ə tɛ la, ə́ yɛɛ la, mąąhɔlɔɓo, yɛ́ ɓə gáá pai nɔi tii tɛɛi ə́ pɔ.»

Zɛnɛse 13:15

Nɔi tii ə kaa mɛ̨i kaai yɛ li, ŋą́ą́ nąą kəlee tɛɛ ə́ pɔ, ka ə́ huwuhu nuą.

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Hebreu 11:9

Laa na laa háálai, ə pa, ə hee nwɛ̨ą lɔi hu, ɓɛi di nąą laakwɛlanmo mą; di kɛ lɔ həɠə-kələɠaa mu, yaa da Isaakə, ɛlɛɛ Ɉakɔbə, a diɛi tii kɛ a mɛ̨nį laakwɛlanmoɔ ŋą kwɛlin ɉəɠə nuą.

Filipə 4:9

Mɛ̨nįɠaai kpɔ ká kalan na, ká ɉɔlɔɓo ɲə́i, ká mɛ̨n ná, ká gáá, gɛ́ gɛ, ká gəlee pɔ mɛ̨nį kɛ; Liilaa Yálá ə kɛ ká pɔ.

Azaya 43:5

Hvo ɲɔw, gáá ə́ pɔ, gáá pai ə́ lonnii kulɔi hvóló kulɔi pələ, gɛ́ pənə gɛ́ pa a diɛ, gɛ́ di həɠə hvóló tooi pələ, gɛ́ di ɲąąkpɔn.

Azaya 43:2

Yá kɛi tɛɛ yaɠaa hu, gáá ə́ pɔ, yá kɛi yaɠaa teen, hvá lɛɛ da hu, ə́ mą hiɛ nwɔ̨n ɉɛ̨ąi, hva ə́ kələn, nwɔ̨n nən və kɛa pai ə́ tiɠi kɛi, yɛ həli ə́ hu pələ kəlee;

Mąątɛ̨nɛ̨ 32:8

Gáá ə́ mąąkwɛlii, gɛ́ ə́ tɛɛ pələ lɛ yɛ́, gɛ́ ə́ liɛwoo ɓo, gɛ́ ɲɛ̨́i kɛ yɛ́.

Zɛnɛse 39:21

Bələi mąn Ɉosɛfə ə kɛ la laa gaho pɛlɛ́ mu, Yai-Laa ə kɛ lɔ bɔ, ə ɲɛ̨i lɛlɛɛ hee mą, Ɉosɛfə wɛli ə too gaho pɛlɛ́ mɛ̨i kaamun ma.

Zɛnɛse 39:2

Yai-Laa ə kɛ Ɉosɛfə pɔ, yili ɓə gɛ, mɛ̨nįi lɔpee ə kɛi ɲee too ɉu, gəlee hu ə kɛi nɛ̨ɛ̨. Ɉosɛfə ə kɛ lɔ Potifarə yəi bɛlɛ́n.

Zɛnɛse 26:14

Ɓɛlaa kpulu kɛnɛ̨ ə kɛ ɲəi, da ɓolu kpulu, ə mą kɛ da nįŋɛ̨ kpulu kɛnɛ̨, bɛlɛɛ luwɔɠaa diɛ. Filisti nuą di kɛi kɛa tolo kulɔ a Isaakə.

Zɛnɛse 26:12

Mąą kwɛlan tii hu, Isaakə ə tíi kɛ nɔi tii hu, ɉi hɛnŋąą di lɛlɛ kpɔ kɛnɛ̨, yii ə ɉi, ə ɉeei nwun dɔ̨nɔ̨ hɔlɔɓo. Mąąhɔlɔɓo, Yai-Laa ə lúwɔ́ too mą.

Hebreu 6:17

Bələ lɔ ɓə Yálá ə gɛ la, əgɛ, ə nɛ ŋą mɛ̨nį laakwɛlanmoɔ hu mɛ̨nįi hɔlɔɓo nuą diɛ, yɛ, hva ɉəɠə mą, ə gwɛla.

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Mąątɛ̨nɛ̨ 39:12

Yá nu hutɔɔ a gɛ nɛ̨ŋɛ̨n naa pɔɔ, hɛn nwɛli kaa mą, yá nɛɛ a vowolo! A tɛ̨ą, nu kan nwɔ yɛnɛ̨ɛ̨ kaa ə́ ɲɛ̨i ɓa a hvąŋą!

Zɛnɛse 25:11

Abrahamə haa pulu, Yálá ə lúwɔ́ too Isaakə ɓa. Isaakə ə hee Lahai-Roi ɲálɔwa kwɛlɛ.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 31:3

Nąąlɔwai, Yai-Laa ə mo Ɉakɔbə ɓa yɛ mą: «Pənə ə́ li ə́ kaa nuą pɔ, ka pɔ lɔi, gáá pai kɛi ə́ pɔ.»

Zɛnɛse 35:12

Nɔi ŋɛ̨i ŋį́ dɛɛ Abrahamə pɔ, ŋį́ dɛɛ Isaakə pɔ, gáá dɛɛ ə́ pɔ. A tinąą kɛ a ə́ huwu nwɔɔ.»

Zɛnɛse 48:21

Israɛlə yɛ Ɉosɛfə ɓa: «Náá hiɛ ka ną́nni kwɛlɛ, kɛlaa, Yálá kaa ka pɔ. Gaa pai pənəi ə li a kaa ka nąnni pɔ lɔi.

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Lɛɛ gbɔwɔ ɓa 6:4

Yili pulu, kwa diɛni ku mįnɛ̨ həɠə, Kanaan lɔi ŋɛ̨i di kɛ ɉu yɛ nwɛ̨ąa, gɛ́ diɛ gáá dɛɛi ka pɔ.

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 34:4

Nąąlɔwai, Yai-Laa yɛ mą: «Ə́ ɲɛ̨i hee. Nɔi ŋį́ gwɛ́la, ŋį́ naakwɛlanmo Abrahamə, Isaakə da Ɉakɔbə ni diɛ, gɛ́ kɛ diɛ: ‹Gáá dɛɛi di huwuhu nuą pɔ!› Mąą lɔi ka. Ɲį́ nąą lɛ ŋɛ̨i yɛ́, ə́ gaa a ə́ kpɔɔ ɲɛ̨i kwəleen, kɛlaa, hvó pai lii laa.»

Kɔlɔnikɔ Maa-ŋuŋ 16:16

Mįnɛ̨i da Abrahamə di ɉəɠə, yaai ə mɛ̨i lɔ Isaakə ɓa;

Zɛnɛse 17:19

Yálá yɛ Abrahamə ɓa: «Ɲą́ą́ ɓə kɛ yɛ́: Ə́ nɛ̨ą Sara kaa pai lon ɉulɔnu ɉɔlɔɓoi, ə́ naa hee a Isaakə. Isaakə tii ɓə nwɔ́ mįnɛ̨i laa kaa pai hon ɉii ɉuwuhu nuą diɛ a yələ kəlee mɛ̨nį.

Lɛɛ gbɔwɔ ɓa 2:24

Yálá ə di wɔlɔ woo mɛ̨n, ə pənə ə nwɔ mįnɛ̨i hu nwun. Yai wɔlɔ da Abrahamə, Isaakə da Ɉakɔbə ni di ɉəɠə.

Lɛɛ gbɔwɔ ɓa 3:12

Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Mąątɛ̨nɛ̨ 105:8

A gili lɛɛ nwɔ mįnɛ̨i hu, a yələ kəlee, a nwooi ə gwɛlɛ a yələ kəlee mɛ̨nį.

Swiv nou:

Lyen patwone

Piblisite

Piblisite