Zɛnɛse 26:28 - Yálá laawoo hɛɓɛ (dc)

²⁸ Diɛ mą: «Kwaa gaa, kuɔ: Yai-Laa kaa ə́ pɔ. Mɛ̨nį gɛi, ku kaa la bɔ mįnɛ̨ ə kɛ gwa kaa ni gu lɔwai, yaa li.

Yálá laawoo hɛɓɛ

²⁸ Diɛ mą: «Kwaa gaa, kuɔ: Yai-Laa kaa ə́ pɔ. Mɛ̨nį gɛi, ku kaa la bɔ mįnɛ̨ ə kɛ gwa kaa ni gu lɔwai, yaa li.

Bible

²⁸ Dîyɛɛ mai, “Kwa nâa gáa a gɛɛ Ɣâla káa íkɔlɛ. Mɛni ma kwa ŋ̀wɛ̂lii a gɛɛ kpanaŋ-woo é kɛ́ kwa kâa-ni kúloai, kú kúkono tée kúkîe-ni yêei,

Zɛnɛse 26:28 Referans Kwoze

Azaya 61:9

Ka huwu kaa pai kɔ́lɔn ɉii hįį takpɛliɠaa lɔwai, ka lonnii diɛ kɔ́lɔn huwu kəlee lɔwai; Nuąi kpɔ pai di ɲɛ̨i tɔɔi diɛ, da di kɔ́lɔn, a nuąi Yai-Laa ə lúwɔ too diɛ.

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Zasua 3:7

Yai-Laa yɛ Ɉosue ɓa: «Ə həɠə háákələi ɓa, gáá pai ə́ kɛnɛ̨i Israɛlə nuą kəlee ɲɛ̨i ɓa; əgɛ, di gɔlɔn diɛ, gáá ə́ pɔ, yɛ bələi ŋį́ kɛ la Moisə pɔ.

Zɛnɛse 39:5

Ə həɠə kɛa nąąlɔwai ɓa, Ɉosɛfə mąą mɛ̨nį ɓa, Yai-Laa ə Potifarə yəi bɛlɛ́n da ɲəi ɲɛa hɛnŋąą kəlee ŋąą nɛ̨ɛ̨.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Hebreu 6:16

Nu kanŋaa da di kwɛla a hɛn gɛnɛ̨ dɛɛ diɛ, əgɛ, di hɛa mɛ̨nį kulɔ di wɔ mɛ̨nį ta hu, da mɛ̨nįi tii ŋą tɛ̨ą lɛ a di kwɛla woo.

Korɛntə dɔlɔɔ 14:25

Mɛ̨nįi nooɔ di kwəi pələ, a kulɔ pono ŋą, a pɛlɛ, ə kwɛli hvilɛn Yálá ɓa, ɛlɛɛ, yɛ noloɓo, yɛ kɛ Yálá kaa kpɔ ká lɔwai a neelee.

Azaya 61:6

Ka wɛi, di kaa pai ka laa heei a, «Yai-Laa nwɔ haláá laa həli nuą,» diɛ kɛ kaa. «Ku wɔ Yálái nwɔ kóló kɛ nuą?.» Ka káá pai hįį takpɛliɠaa di wɔ hɛngɔwɠaa mįi, ɛlɛɛ, kaa ka kpɔwɔ mąą tɛnɛ̨, a di mąąwiɛ ka káá pai gulɔi di yəi.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Kɔlɔnikɔ Veerɛi 1:1

Davidə lon Salomɔn ə hee kpɔ tin-tin nwɔ tɔɔlaai hu, nwɔ Yálái a Yai-Laa ə tɔɔ bulu, ə naa tɛ kpɔ ləɠə-ləɠə.

Zɛnɛse 24:41

Akɛ yá li nwɔ́ nuą pɔ, da wala nɛ̨ɛ̨nu tɛɛ ə́ pɔ, hvó paa la, gwɛla a həɠə yɛ́; yá wala li, ə́ kwɛla woo tii kaa mą.›

Zɛnɛse 24:3

'Ə́ kwɛla a Yai-Laa laa, yai a yələkɔlɔn da lɔi di pɛli Yálá, yɛ́ mą́ą́: Hvó pai Kanaan lɔi hu nɛ̨ɛ̨nu ta həɠəi, hvó dɛɛ nón bɔ a nɛ̨ą.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Zɛnɛse 31:44

Yili ɓa, gu mįnɛ̨ həɠə, ə kɛ a gu nu hveelɛi gu lɔwai kɛla.»

Zɛnɛse 39:3

Potifarə ə gaa yɛ, Yai-Laa kaa Ɉosɛfə pɔ, mɛ̨nįi a ɲee too ɉu, ɉu a nɛ̨ɛ̨,

Samuɛlə dɔlɔɔ 11:1

Nahasə, Amɔn mun ə kɔ́ pɛlɛ Yavɛsə taa ɓa Galaadə lɔi hu. Di daa mąątínɛ̨n a gɔ́ laɠa, Yavɛsə nuą kəlee diɛ Nahasə ɓa: «Gu too nɛ̨ɛ̨laa hu, ku lɛɛ ə́ yee mu.»

Samuɛlə dɔlɔɔ 18:28

Saulə ə gbaɠala kaa, gili ə pu ɉu yɛ Yai-Laa kaa Davidə pulu, ə lɛɛ, nwɛli ə kɛ Mikalə ɓa, yai kɛ a Saulə non nɛ̨ɛ̨nu.

Kɔlɔnikɔ Veerɛi 15:9

Asa ə Ɉuda nuą da Bɛnɉamɛn nuą kəlee ɲąąkpɔn, da nuą tii pu Ɛfraimə lɔi hu, Manase lɔi da Simeɔn lɔi hu, diɛ di mąąkilɛ. Gbala ə tɔɔ, gaai nuą di mo, diɛ kɛ Yai-Laa nwɔ Yálái tɔɔi bulu, Israɛlə nuą di pa bɔ a di kpulu kɛnɛ̨.