Zɛnɛse 25:8 - Yálá laawoo hɛɓɛ (dc)

⁸ Abrahamə ə pɔlɔ kpɔ kɛnɛ̨, ə ɲąąnɛ̨ɛ̨ kulɔ, yɛ tɛɠa laa nąnni kwɛlɛ.

Yálá laawoo hɛɓɛ

⁸ Abrahamə ə pɔlɔ kpɔ kɛnɛ̨, ə ɲąąnɛ̨ɛ̨ kulɔ, yɛ tɛɠa laa nąnni kwɛlɛ.

Bible

⁸ Eberaɣɛ̃ɛ kɛ́ɛ a pɔlɔ kpɔ́ a ŋánaa pere lɛ́lɛɛ sui, è sàa dí ǹoo ŋɔnûai da wɔ́lɔ saai díkɔlɛ.

Zɛnɛse 25:8 Referans Kwoze

Zɛnɛse 49:33

Ɉakɔbə ə kpɛɛ lɔ a niɛwooɠaai tii kɛɛ nonnii diɛ, ə tinɛ̨n, ə laa ə kɛ lɔ kɛa a niɛ nąnni pɔ.

Kɔlɔnikɔ Maa-ŋuŋ 29:28

Ə nwɔ yɛnɛ̨ɛ̨ kɛ liilaa hu, mąąwiɛ laa hu da hɛn nąmu laa, ə pɔlɔ kpɔ a lɛlɛɛ, ə laa nąnni kwɛlɛ. Ɛlɛɛ non Salomɔn ə kɛ a tɔɔmun, a mąąhvalin.

Zɛnɛse 15:15

Yii ɓaa ə́ wɛi, ə́ kaa pai pɔlɔi a nɛlɛɛ, liilaa hu, ə́ haa, di ə́ loo.

Zôo 42:17

Ɉobə ə pɔlɔ kpɔ yɛɠɛ-yɛɠɛ, yɛ tɛɠa laa nąnni kwɛlɛ.

Zɛnɛse 25:17

Ismaɛlə kaa kwɛlan ə kɛ a kwɛlan nwundɔ̨nɔ̨ kwɛlan bow haaɓa kɔ́w mɛ̨ihveelɛ, ə laa nąnni kwɛlɛ.

Gɛlaɠaa 13:36

«Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Hanwon 20:29

Hilɛlɛa mąą hon ɉɛn mąą kpakololaa, hulɔgoloɠaa di wɛi ɓaa, di nwun ɓɔwa.

Zôo 5:26

Ə kaa pai lii ə́ kámą hu, ə́ huwalawalaa ni, yɛ bələi da mɔ̨nun boloon dɔɔ la a di wɔ lɔwai.

Nwun mąąɓo 8:32

Yoasə lon Zedeɔn ə pɔlɔ lɛlɛɛ ɓo, yɛ pa laai nąnni kwɛlɛ; laai ə mo nąnni kwɛlɛ, di noo nąn Yoasə kámą hu Ofra daai, yai a Aviɛzɛrə nu huwu nwɔɔ.

Zɛnɛse 25:7

Abrahamə kaa kwɛlan ə kɛ a kwɛlan nwundɔ̨nɔ̨ kwɛlan bow mɛ̨ihveelɛ kɔ́w lɔɔli.

Gɛlaɠaa 5:10

Ɲąąɓa, nɛ̨ɛ̨nui ti ə too Piɛrə kɔ́wɔ mu, ə haa. Ɓɛlɔwai ɉilɛlɛai di paa la, di gaa aa haa; di ɉəɠə dəli la, di noo ɉilɛ kwɛlɛ.

Zɛnɛse 49:29

Ɉakɔbə ə niɛwooi ŋɛ̨i kɛ nonnii diɛ, yɛ diɛ: «Ŋą́ pa pɔlɔi, ka náá ną́nni kwɛlɛ, Hɛtə mun Ɛfrɔn yəi ɲɛa, kwɛni wolo ta kaa laa ɉu, ɓɛi wɔlɔ di ną́nni loo laa.

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.

Gɛlaɠaa 5:5

Nwooɠaa ti mɛ̨n Ananiasə ə mo, ə too, ə haa. Nuą kpɔ mɛ̨nįi ti mɛ̨n, ɲɔw kɛnɛ̨ ə too di hu.

Ɉeremi 6:11

Gáá hvɛɛi a Yai-Laa nwɔ liiholi, Ə lɛɛ vá kɛa pɛli ɉu hon ɉii. Daɠa nɛapɛlɛɛ mɛ̨i gwəliɠaa pɔ, ə mą kɛ muhəɠə nįnɛ̨ɠaa mɛ̨i, da daai nuą kəlee, ɉinąą mąn nɛɛa mąn; ə kɛ a hulogolo, ə kɛ a nu nwunu.

Nwun mąąɓo 2:10

Nuąi tii kəlee haa pulu; nuąi pa nąą pulu, yiliɠaa di hvo kɛ Yai-Laa kɔ́lɔn, ə mą kɛ mɛ̨nį kpɛa kpɛai ə gɛ Israɛlə lonnii diɛ.

Lonon mo 27:13

Ə́ kaa lɔ ə́ ɲɛ̨i tɔɔi mą, kɛlaa, yɛ́ kpɛli, ə́ kaa pai laŋąn ɉii ə́ kalani diɛ, yɛ bələi ə́ liɛ Aarɔn ə laŋąn na diɛ.

Lonon mo 20:24

«Aarɔn kaa pai kulɔi ka pɔ, yɛ laŋąn nąnni diɛ. Hva pɛli lɔi nɔi ŋą dɛɛ Israɛlə lonnii pɔ ɉu. Mąąhɔlɔɓo, ka kulɔ nwóó mu Meriba yá nwun gulɔi.

Zɛnɛse 35:18

Ɓɛlɔwai Rasɛlə ə kɛi pa haai la, ə nokoloi tii laa hee a: Bɛn-Oni, mukulaa ɓaa: «Nwɔ́ mɔ̨nɔ̨ hu lon.» Kɛlaa, nokolo nąn ə naa hee, a: «Bɛnɉamɛn, mukulaa ɓaa: Ɲéé lɛlɛɛ hu lon.»

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Dutɛrɔnome 32:50

Yili pulu ɲee tii ə́ kaa lii tɛi nwuɔ̨, nąą ɓə ə́ kaa haai laa, ə́ laŋąn ə́ kalaɓɔlɔni diɛ; yɛ bələi ə́ liɛ Aarɔn ə haa la Horə yee tonna, ə laŋąn galaɓɔlɔni diɛ.

Zɛnɛse 50:13

Di di nąn ɉəɠə, di li la Kanaan lɔi hu, di noo Makpela ɲɛa, gwɛni wolo hu Mamre nwɛla kwɛlɛ. Gɛɛnąą tii ɓə wɔlɔ Abrahamə ə ɲa Hɛtə mun Ɛfrɔn yəi, nąą ə kɛ a nwɔɔ.

Kɔlɔnikɔ Maa-ŋuŋ 23:1

Davidə pɔlɔɔ kɛa kɛ, gaa kwɛlan gɛnɛ̨, ɓɛlɔwai ə non Salomɔn hee la a heeɓomun Israɛlə nwun na.

Kɔlɔnikɔ Veerɛi 24:15

Yehoyada ə pɔlɔ kpɔ a mɔlɔɔ; gaa kwɛlan ə kɛ a kwɛlan nwundɔ̨nɔ̨ kwɛlan bow haaɓa, nwun ə laa tumɔ̨ ɓa.