Zɛnɛse 25:21 - Yálá laawoo hɛɓɛ (dc)

²¹ Kɛlaa, Rebeka hvo kɛi lon gaa, yili ɓə gɛ, Isaakə ə nwoo tɛ Yai-Laa ɓa nɛ̨ą mąą mɛ̨nį ɓa, Yai-Laa ə nwoo mɛ̨n, Rebeka ə koo həɠə.

Yálá laawoo hɛɓɛ

²¹ Kɛlaa, Rebeka hvo kɛi lon gaa, yili ɓə gɛ, Isaakə ə nwoo tɛ Yai-Laa ɓa nɛ̨ą mąą mɛ̨nį ɓa, Yai-Laa ə nwoo mɛ̨n, Rebeka ə koo həɠə.

Bible

²¹ Nya ƃe Aise è Yâwɛɛ fɛ̀li ŋɔnɛnîi mɛni ma, kpɛ́ni fêi, è kɛ̀ a gbómaa. Yâwɛɛ è ǹyée sèe ŋɔɣâla-fɛli-wooi mu, ŋɔnɛnîi, Lubɛka é nâa koo sîɣe.

Zɛnɛse 25:21 Referans Kwoze

Ɛsdrasə 8:23

Ku nɛɛ mą ku hin nɔ, ku Yálá hvɛli mɛ̨nįi tii hu, yaan ə ku woo ŋąąpənə.

Lukə 1:13

Kɛlaa, malakai tii yɛ mą: «Zakari hvo ɲɔw, mąąhɔlɔɓo, Yálá aa ə wɔ hvɛli woo mɛ̨n aa bulu pənə. Yili ɓa, ə́ nɛ̨ą Elisabɛtə kaa pai lon ɉulɔnu hɔlɔɓoi, ə́ naa hee a Ɉaan.

Azaya 58:9

Ya Yai-Laa təli nąąlɔwai, a ə́ woo muhon, ya tómą bɔ pələ, gaa pai kɛ́ yɛ́: «ɲą́ą́ ga.» Ya wɛa mɛ̨nį kulɔ ə́ yəi bɛlɛ́n, da nu mąą ɲɔw mɛ̨nį, da woo ɲɔ̨n ɉaa mɛ̨nį nu ɓa.

Kɔlɔnikɔ Veerɛi 33:13

ə wɔlɔ mą. Yai-Laa ə niilaa bɔ, ə nwəli tɔɔ nwɔ nɛ̨ɛ̨mąą woo ɓa, ə pənə ə pa a Manase Ɉerusalɛmə daa, əgɛ, ə nwɔɔ tɔɔlaai kɛ. Manase ə gɔlɔn yɛ kɛ, Yai-Laa ɓə gaa a Yálá.

Kɔlɔnikɔ Maa-ŋuŋ 5:20

Gɔi tii mɛ̨i ɓə di wɔlɔ laa Yálá ɓa, ə kpɔnmąą tɛɛ di pɔ, di yee ə tɛɛ di yowoɠaa diɛ, hvó gaai di kilitɔɔi kɛ Yálá ɓa. Di Hagri hon a kɔ́, da di yee pɔwaa kəlee.

Samuɛlə dɔlɔɔ 1:27

Nokoloi ŋɛ̨i ɓə ŋą́ kɛi vɛli Yai-Laa ɓa, yaan, yii ŋą́ vɛli mą. Ə dɛɛ bɔ́.

Lukə 1:7

Kɛlaa, lon və kɛ diɛ. Mąąhɔlɔɓo, Elisabɛtə ə kɛ a kpomąnɛ̨ą, ə lɛɛ di nu hveelɛi di pɔlɔɔ kɛa kɛ.

Azaya 45:11

Yai-Laa, yaai Israɛlə pɛli, ə ɓo a Israɛlə nwɔ Mąąhəɠəmun, nwoo ka, yɛ diɛ: Kaa ɓə mɔ̨ɔ̨ pai tɔɔi, kaa gɛ́ kolóɠaa lɛ mą́ą́, nónii mąą mɛ̨nį ɓa? Kaa ɲą́ą́wooɓo ɉɛnŋąąi ŋą́ di pɛli a ɲéé, di mąą mɛ̨nį ɓa?

Hanwon 10:24

Mɛ̨nįi nwąnąlɔmun a ɲɔw mą, ya ɓə a ɉɔlɔɓo, Kɛlaa, hɛn kilimąą nuą da vɛli, ya ɓə Yálá a di kɔ́ la.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Zɛnɛse 11:30

Lon və kɛ Sarai ɓa, ə kɛ a kpomąnɛ̨ą.

Mąątɛ̨nɛ̨ 145:19

Nuąi da ɲɔw mą, a di liiɓa kɛ, a nwəli tɔɔ di tomą woo ɓa, yɛ di ɓalo.

Mąątɛ̨nɛ̨ 127:3

A tɛ̨ą, lon gaa mɛ̨nį, gaa a Yai-Laa yəi mɛ̨inɛ̨ɛ̨, nu hvɛla ɓaa, gwəi lonnii.

Mąątɛ̨nɛ̨ 65:2

Yálá, yɛ́i Siɔn daai, ə́ mąątɛ̨nɛ̨ woo a ə́ mąą hon, ɛlɛɛ, mɛ̨nįɠaai ku naakwɛlanmo yɛ́i, kwa di kɛ.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Samuɛlə dɔlɔɔ 1:2

Ɛlkana nɛ̨ąni di kɛ hveelɛ, dɔ̨nɔ̨ laa ɓaa kɛ Anə, veelɛnąą laa ɓaa kɛ Penina. Penina lonnii di kɛ laa, kɛlaa Anə nwɛi, lon və kɛ mą.

Zɛnɛse 16:2

Sarai ə mo ɉilɛ ɓa, yɛ mą: «Ə́ ɲɛ̨i kaa mą, Yai-Laa hvo hvaa li mą və́ kɛ a lon gaa mun, yili ɓa, gbəli hu kiɛ, nuwɔ nɛ̨ɛ̨nui ŋɛ̨i, a lon ɉɔlɔɓo, a kɛ a nón. Ɉəɠə, ə́ gɛ a ə́ nɛ̨ą.» Abramə ə hva nɛ̨ą nwɔ kiliŋąhiɛ tii ɓa.

Samuɛlə dɔlɔɔ 1:17

Eli yɛ mą: «Lí a ə́ liilaa yɛ, yii ə́ vɛli Israɛlə nwɔ Yálá ɓa, ə dɛɛ ə́ pɔ.»

Zɛnɛse 30:22

Nąąlɔwai, Yálá ə giliŋąhiɛ Rasɛlə ɓa, ə gwəi nwun.