Zɛnɛse 24:3 - Yálá laawoo hɛɓɛ (dc)

³ 'Ə́ kwɛla a Yai-Laa laa, yai a yələkɔlɔn da lɔi di pɛli Yálá, yɛ́ mą́ą́: Hvó pai Kanaan lɔi hu nɛ̨ɛ̨nu ta həɠəi, hvó dɛɛ nón bɔ a nɛ̨ą.

Yálá laawoo hɛɓɛ

³ 'Ə́ kwɛla a Yai-Laa laa, yai a yələkɔlɔn da lɔi di pɛli Yálá, yɛ́ mą́ą́: Hvó pai Kanaan lɔi hu nɛ̨ɛ̨nu ta həɠəi, hvó dɛɛ nón bɔ a nɛ̨ą.

Bible

³ Ŋa pâi íkɛ̂i í ífoo a Yâwɛɛ, nyii gáa a ŋ̀élei da ǹɔii kpɛtɛ Ɣâlai ŋɛ́i-tuɛ, a gɛɛ ífe pâi ńoŋ ŋɔnɛnîi kulâi Keena nɛyãai sáma, nyii-ŋai ŋ́gaa dísamai.

Zɛnɛse 24:3 Referans Kwoze

Korɛntə dɔlɔɔ 7:39

Hilɛtai nɛ̨a yiliɛ hilɛ ɓa ŋą yɛnɛ̨ɛ̨ kəlee yee mu. Akɛ ɉilɛ a haa, mąą aa hvoloon, a pɛli hee hulɔnui nwɛli kaa mą bɔ, kɛlaa, ə kɛ a Kristalon da.

Nehemi 13:25

Ŋą́ haŋą diɛ, ŋį́ di nɛ̨ŋɛ̨n naa, ŋį́ daɠaa kɛlɛ di lɔwai, ŋį́ di nwun nəɠa kulɔ. Yili pulu, ŋį́ mo diɛ, di di kwɛla a Yálá laa, gɛ́ diɛ: «Ka hvo ka lon nɛ̨ąą tɛɛ da lɔpee pɔ a nɛ̨ą, ka hvo di lon nɛ̨ɛ̨nu ta həɠə a ka lon nɛ̨ą, ə mą kɛ a kaa kpinįi ka wɔɔ.

Zɛnɛse 28:8

Esau ə gbaɠala kaa, yɛ Kanaan nɛ̨ąą wɛli hvo di nąn Isaakə ɓa.

Ɉeremi 10:11

Mɛ̨nįi mąąnɛ̨ɛ̨ ka mo diɛ, ya ka, ka kɛ diɛ: Ɲáláɠaa di hvo yələkɔlɔn da lɔi di pɛli, mąąnɛ̨ɛ̨ di həɠə lɔi mɛ̨i; di kulɔ yələkɔlɔn mu.

Tɔɔɓɛlaa veelɛ 19:15

Ə nwoo tɛ Yai-Laa ɓa, yɛ mą: «Yai-Laa, Israɛlə nwɔ Yálá, yɛ́i ə́ kaa heeni mąąkpɛ malakaɠaa nwun mɛ̨i, yɛ́ ɓə a lɔi kəlee nwɔ Yálá tɔ̨nɔ̨, yɛ́ ɓə yələkɔlɔn da lɔi di pɛli.

Lɛɛ gbɔwɔ ɓa 34:16

Akɛ ka di lonnii nɛ̨ąą həɠə kaa dɛɛ ka lonnii pɔ a di nɛ̨ąni, nɛ̨ąą tii da kɛi túwɔ́ pələ ɲɔ̨n gulɔi da di wɔ haliɠaai, di kaa pai dúwɔ́ pələ ɲɔ̨n tii lɔi ka lonnii yee pɔ, da diɛni diɛ gɛ, da di wɔ haliɠaai.

Nehemi 9:6

Yálá! Yɛ́ ɓə ə́ kaa a Yai-Laa yɛ́ tɔ̨nɔ̨! Yɛ́ ɓə yələkɔlɔn bɛli da yələkɔlɔn mɛ̨i yələkɔlɔn, da di wɔ kɔlaɠaɠaa kəlee. Lɔi da di ɉu hɛnŋąą kəlee; gboloyá da ɉu hɛnŋąą kəlee, yɛ́ ɓə ya yɛnɛ̨ɛ̨ kpɛɛ hvo mą tɛɛ gəlee pɔ, ə lɛɛ, yələkɔlɔn ɉu, kɔlaɠai gaa laa, da pɛlɛ ə́ kɔ́wɔ mu.

Kɔlɔnikɔ Veerɛi 2:12

Gáá kani yɛlɛmun da tɛɛ yɛ́ yiihu, a mɛ̨nį kɔ́lɔnmun, naa ɓaa a Hiramə-Abi.

Zasua 2:12

A kɛ tii kɛa, ka ka kwɛla a Yai-Laa laa, kaa diɛ; bələi ŋɛ̨i ŋį́ ka hon na a nɛlɛɛ, ka káá lɔ pai ɲą́ą́ kwa ɲə́i bɛlɛ́n nuą ku hon ɉii tii a nɛlɛɛ. Ka kɔ́lɔn ɉɛn da tɛɛ bɔ́,

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Dutɛrɔnome 6:13

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Lonon mo 5:21

Ɉaláá laa həli mun a mo mą, ə gwɛla. Yili pulu, ɉaláá laa həli mun yɛ mą: Yai-Laa ə ə́ kɛ ə́ kaayɔwɔɠaa lɔwai a nui da mɛ̨nį kɔ́ɔn mą nɛ̨ŋɛ̨n naa mɛ̨nį hu, kwɛla mɛ̨nį hu, ə ə́ kwəi haa, ə ə́ koo tɛ ə́ ɲą.

Lɛɛ gbɔwɔ ɓa 23:13

«‹Mɛ̨niɠaa kpɔ ŋą́ mo kaa, ka gəlee hon a nɛlɛɛ, ka hvo kwɛli hvilɛn haliɠaa diɛ, nu ta hvo kpɛli di laa mɛ̨n ka la.

Lɛɛ gbɔwɔ ɓa 20:7

«'Hvó Yai-Laa ə wɔ Yálá laa ɓo kpɛli-kpɛli. Mąąhɔlɔɓo, nui a naa ɓo kpɛli-kpɛli, Yai-Laa a mąą nui hutɔɔ.

Zɛnɛse 50:25

Ka ka kwɛla, kaa diɛ: «Yálá a pa ɲɛ̨i lɛlɛɛ heei kaa, ka káá gɔ́wɠaa həɠəi ka li la.» Ɉosɛfə niɛni diɛ mą: «Kwa gɛ yɛ bələi tii ə́ mo la.»

Zɛnɛse 27:46

Rebeka yɛ Isaakə ɓa: «Nón nɛ̨ąni hveelɛi ŋɛ̨i a Hɛtə nɛ̨ąą, daa yɛnɛ̨ɛ̨ hee ɉú. Ɉakɔbə yaa kpɛli a ɓɛ nɛ̨ɛ̨nu həɠə, nwɔ́ yɛnɛ̨ɛ̨ nwun və kɛa mą.»

Zɛnɛse 21:23

Yii hu kɛa, ə́ kwɛla a Yálá, yɛ diɛ: ‹Hvo pai mówoi, ɲą́ą́ kwa nónii, ə mą kɛ kwa ɉúwuhu nuą kəlee.› Pələi ŋɛ̨i ŋį́ gɛ la a yɛ́ a nɛlɛɛ, gɛ́ tii a ɲą́ą́ kwa nɔi ŋɛ̨i ə́ kaa ɉu, ɉu nuą kəlee.»

Zɛnɛse 14:19

Ə lúwɔ́ too Abramə ɓa, yɛ mą: «Huwalawala Kəlee Nąmu Yálá, yai yələkɔlɔn da lɔi di pɛli, ə lúwɔ́ too yɛ́.

Zɛnɛse 6:4

Nąąlɔwai tii hu, nu kwɛa-kwɛa di kɛ lɔi mɛ̨i. Nuąi tii di hɔlɔɓo Yálá lonnii da lɔi mɛ̨i nɛ̨ąą di wɔ hilɛtaa yii hu. Nuąi tii ɓə wɔlɔ kɛ di laa tɛɛ lɔi mɛ̨i.

Zɛnɛse 6:2

Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni.

Hebreu 6:16

Nu kanŋaa da di kwɛla a hɛn gɛnɛ̨ dɛɛ diɛ, əgɛ, di hɛa mɛ̨nį kulɔ di wɔ mɛ̨nį ta hu, da mɛ̨nįi tii ŋą tɛ̨ą lɛ a di kwɛla woo.

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Ɉeremi 12:16

Akɛ da tɔɔ a di nwąnąąi, diɛ di túwɔ́ a nɛlɛɛ yɛ nwɔ́ nuą, diɛ di mąą kwɛli a di woo kwɛlɛɛ a náá, yɛ́ bələi lɔ di nwɔ́ nuą mąą kwɛli la a di woo kwɛlɛɛ Baalə ɓa, diɛ kɛ mą: «A tɛ̨ą Yai-Laa kaa a vulú» da gɛ tii, da di heei hɔlɔɓo nwɔ́ nuą lɔwai.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Azaya 65:16

Nui lɔpee pai kɛi bɔ lúwɔ ə kɛ mą, yɛ̨nɛ̨ɛ̨ ɓɛ, da lúwɔ kɛ mą: «Tɛ̨ą-Yálá laa hu.» Nui lɔpee pai kɛi bɔ ə gwɛla ɓɛ yɛnɛ̨ɛ̨, gaa pai gwɛlai a «Tɛ̨ą-Yálá laa.» Mąąhɔlɔɓo, di kaa pai lɛ̨ąi mɔ̨nɔ̨ tɔlɔɔɠaai diɛ, di hva kɛa kɛ ɲɛ̨́i mu.

Azaya 48:1

'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Mąątɛ̨nɛ̨ 115:15

Yai-Laa ə lúwɔ́ kɛ kaa, Yai yələ kɔ́lɔn da lɔi di pɛli.

Samuɛlə dɔlɔɔ 20:17

Ɉonatan ə gwɛla nwɔ̨nɔ̨ Davidə ɓa mąąhɔlɔɓo, nwɛli ə kɛ mą gwəi tɔ̨nɔ̨ mɛ̨i.

Levetekɔ 19:12

Ka hvo ka kwɛla a Náá lɛɛ mɛ̨nį hu, yili a kɛ nəi a ə́ wɔ Yálá laa kala mɛ̨nį. Ɲą́ą́ ɓə gáá a Yai-Laa.

Lɛɛ gbɔwɔ ɓa 22:11

Kɛlaa, akɛ di nwuɔ̨ gwɛlɛ, a daatɛlɛɛ bɔɔi tɛɛ nąmu pɔ.

Zɛnɛse 14:22

Abramə ə nwoo ŋąąpənə yɛ mą: «Ŋą́ą́ ɲee tɛ Huwalawala Kəlee Nąmu Yálá ɓa, yai yələkɔlɔn da lɔi di pɛli,

Zɛnɛse 24:7

Yai-Laa yələkɔlɔn ɉu Yálá, ə gúlɔ ną́n ɲəi bɛlɛ́n, da gáá lɔi hu, mąą Yálái tii ɓə gwɛla, yɛ mą́ą́: ‹Gáá nɔi ŋɛ̨i tɛɛi ə́ pɔ, yɛ́, ka ə́ huwu.› Ɲálái tii kaa pai nwɔ malaka ta tɔɔi ə́ tɔwɔ, əgɛ, ə́ nɛ̨ɛ̨nu ta hɔlɔɓo ku pɔ lɔi, ə́ paa la nón bɔ a nɛ̨ą.

Zɛnɛse 28:1

Isaakə ə Ɉakɔbə təli, ə lúwɔ́ too mą, da yaa di yələ wala too, yɛ mą: «Və́ kɛ li yɛ́ Kanaan nɔi ɓɛ nɛ̨ɛ̨nu ta həɠə a ə́ nɛ̨ą.

Zɛnɛse 47:31

Ɉakɔbə ə tinɛ̨n yɛ non ma: «Ə́ kwɛla!» Ɉosɛfə ə gwɛla. Ə kɛ lɔ tii, Israɛlə ə lɛɛ ɲəi gbin ŋą ə kwɛli hvilɛn Yálá ɓa.

Nwun mąąɓo 14:3

Samsɔn kaa nuą diɛ mą: «A kɛ tii, hvo kɛ nɛ̨ɛ̨non da kaa li ə́ huwu lɔwai ɓɛ, yii yá pɛli ɉəɠəi a ə́ nɛ̨ą? Hvo kɛ li lɔ Filisti nɛ̨ɛ̨nu, a diɛi di huwu kaa a kɛ́nɛ̨ kpolɔwaɠaai?» Kɛlaa, Samsɔn yɛ nąn ma: «Nɛ̨ɛ̨nui tii ɓə gáá bɔ ŋą́ ɉəɠə a nɛ̨́ą, ka li ka mąą mɛ̨nį ɓo.»

Mąątɛ̨nɛ̨ 136:26

'Ka yələ kɔ́lɔn ɉu Yálá laa tɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Zɛnɛse 34:9

Ka gu mįnɛ̨ həɠə, ka guɔ nɛ̨ą həɠə gu kee ɓa.

Zɛnɛse 38:2

Ɉuda ə lɛɛ Adulamə, ə Sua Kanaan mun non ɉəɠə a nɛ̨ą, da yaa di lɔ pɛlɛ́n.

Samuɛlə dɔlɔɔ 30:15

Davidə yɛ mą: «Yá pɛli tɔɔi dɔ́wɔ gu həli nu kpului tii ɓa?» Ɉulɔnui tii yɛ mą: «Yá ə́ kwɛla a Yálá, yɛ́ diɛ hva báá, ɛlɛɛ hva dɛɛ nwɔ́ luwɔ nąmu pɔ a nįnɛ̨ ŋą́ tɔɔ ə́ tɔwɔ.»

Ɛsdrasə 5:11

Nwoo ŋąąpənəi di dɛɛ ku pɔ ya: ‹Kuɔ ɓə ku kaa a yələkɔlɔn da lɔi, di pɛli Yálá nwɔ koló kɛ nuą, bɛlɛ́i ŋɛ̨i wɔlɔ kɛ ɓɛ, ya ɓə ku kaa pənəi ku dɔɔ. Tɔɔmun gɛnɛ̨ ta ə wɔlɔ kɛ a Israɛlə nuą di wɔ tɔɔmun, ya ɓə bɛlɛi tii tɔɔ ə nąą kulɔ.

Ɉeremi 29:6

Ka nɛ̨ą həɠə, ka lonŋaa kaa diɛ. Ka ka lon ɉinąą di nɛ̨ąni mɛ̨nį ɲɛ̨i kulɔ, ka ka lon nɛ̨ąą tɛɛ hilɛtaai. Diɛ kpɛli di lonŋaa kaa. Ka ka ɓuwuɓo laa, ka huwu hvo pu.