Zɛnɛse 24:21 - Yálá laawoo hɛɓɛ (dc)

²¹ Ɉulɔnui tii heɛi lɔ kɛ yɛ nąą kaa, yɛ gbɔwɔ mąąnikɛ gwəi pələ, yɛ kɛ mą: «Akɛtii, Yai-Laa aa nwɔ́ hiɛi ŋɛ̨i, nɛ̨ɛ̨ ɓəi; a wala kɛtii gaa ləi?»

Yálá laawoo hɛɓɛ

²¹ Ɉulɔnui tii heɛi lɔ kɛ yɛ nąą kaa, yɛ gbɔwɔ mąąnikɛ gwəi pələ, yɛ kɛ mą: «Akɛtii, Yai-Laa aa nwɔ́ hiɛi ŋɛ̨i, nɛ̨ɛ̨ ɓəi; a wala kɛtii gaa ləi?»

Bible

²¹ Nalôŋ è kɛ̀ m̀aa kpɛɛ̂i, gɛ́ mò goi-pere à kɛ̀ Yâwɛɛ a ŋɔsiai nɛ̃ɛ, kpaa máŋ ŋɔsiai fé nɛ̃ɛ ní.

Zɛnɛse 24:21 Referans Kwoze

Mąątɛ̨nɛ̨ 107:43

Gbɛɛ ɓə yɛi kɛ a mɛ̨nį kɔ́lɔn mun? Ə mɛ̨nįɠaai ti kəlee mąąkpɛɛ, ə Yai-Laa nwɔ mɛ̨inɛ̨ɛ̨ mąą mɛ̨nį kpaɠala kaa.

Zɛnɛse 24:12

Ə hee, ə Yálá hvɛli yɛ mą: «Yai-Laa, nwɔ́ mɛ̨ni nąmu Abrahamə nwɔ Yálá, hvaa mą, mɛ̨nįi ŋį́ paala Ə́ ɲąąlɔ. Nɛ̨ɛ̨laai ka nwɔ́ mɛ̨nį nąmu Abrahamə ka lɔwai, ɉu mɛ̨inɛ̨ɛ̨ ta kɛ mą́ą́.

Lukə 2:51

Jesus ə di woo hon, ə muhəɠə, ə lɛɛ di pɔ da diɛni də li di pɔ taai Nazarɛtə. Kɛlaa, Mari nwɛ́i ə gili lɛɛ mɛ̨nįɠaa tii kəlee hu.

Lukə 2:19

Kɛlaa, Mari nwɛi, ə yiliɠaa kəlee lɛɛ gwəi yɛ giliŋąhiɛ mą.

Mąątɛ̨nɛ̨ 107:15

'Di Yai-Laa laa tɛ kani, nwɔ wɛlikɛmąąlaa mąą mɛ̨nį ɓa, da gbalo mɛ̨nįɠaai ə gɛ nu kanŋaa diɛ, mąą mɛ̨nį ɓa.

Mąątɛ̨nɛ̨ 107:8

'Di Yai-Laa hɛɠɛɛɓo kani, nwɔ wɛlikɛmąąlaa mąą mɛ̨nį ɓa; da mɛ̨nį ɲɛ̨ikɛnɛ̨ɠaai ə gɛ nu kanŋaa diɛi;

Mąątɛ̨nɛ̨ 107:1

'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei və mą.

Zɛnɛse 24:56

Abrahamə nwɔ luwɔi ə pənə yɛ diɛ: «Ka hvo gɛ tii a ɲą́ą́, Yai-Laa aa gbɛa hvaa mą, aa nwɔ́ hiɛi nɛ̨ɛ̨, ka nɛɛ laa, ku pənə kwəli nwɔ́ mɛ̨nį nąmu pɔ.»

Zɛnɛse 24:20

Rebeka ə ya tiɛ̨ daatɛlɛɛɠaa kpələi, ɲɔ̨nwɔ̨mɛ̨ɛ̨ɠaai tii di di kpələ la yɛ bələi di kɛ la bɔ.

Zɛnɛse 24:27

yɛ mą: «Nwɔ́ mɛ̨nį nąmu Abrahamə nwɔ Yálá, yai gaa a Yai-Laa, gɛ́ ə́ hɛɠɛ ə́ mąmą, yáá ə́ wɔ mɛ̨inɛ̨ɛ̨ leelee kulɔ pɔ̨nɔ̨ŋą nwɔ́ mɛ̨nį nąmu ɓa, ɉiɛi ŋɛ̨i hu, Yai-Laa, yáá də́nən dɔɔ nwɔ́ mɛ̨nį nąmu pulu nuą diɛ.»