Zɛnɛse 23:16 - Yálá laawoo hɛɓɛ (dc)

¹⁶ Abrahamə ə hvaa Ɛfrɔn woo ɓa, ə nwalii ŋɛ̨i ə vaa ɓo mą, ə nono, ə dɛɛ Ɛfrɔn pɔ, gaayɔwɔɠaa ɲɛ̨i ɓa a nɔi tii ɉɔ̨nwɔ̨.

Yálá laawoo hɛɓɛ

¹⁶ Abrahamə ə hvaa Ɛfrɔn woo ɓa, ə nwalii ŋɛ̨i ə vaa ɓo mą, ə nono, ə dɛɛ Ɛfrɔn pɔ, gaayɔwɔɠaa ɲɛ̨i ɓa a nɔi tii ɉɔ̨nwɔ̨.

Bible

¹⁶ Eberaɣɛ̃ɛ è fàa Ɛfɔŋ wóo ma. Ganei è ǹáa ƃò ǹɔii kpuai mɛni mai è gɔ̀ɔŋ Ita-ŋai ŋɛ́i bɔni tɔɔ-ƃelai dísɛŋ-kao kɔ̂ɔŋ-sɛŋ su, é dɛ́ɛ Ɛfɔŋ pɔ́.

Zɛnɛse 23:16 Referans Kwoze

Zakari 11:12

Yili ɓə gɛ, gɛ́ diɛ: «A nɛ̨ɛ̨ kaa, ka vɛ́la kulɔ; ka wala kɛ bɔ, ka nɛɛlaa.» Kɛlaa, di vɛ́la kulɔ a wali kwələ pow haaɓa.

Ɉeremi 32:9

Ŋą́ tíi tii yá kɛa gálá lon Hanameɛlə yəi, a díi tii kɛ Anatotə. Ŋą́ nwali lono, ŋą́ dɛɛ bɔ, Ə kɛ a ɲąnin dɔ̨nɔ̨ hvɛla a wali kwələ pow kɔ́w mɛ̨ihveelɛ.

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Filipə 4:8

Yili ɓa, ną́n nonnii, mɛ̨nįi lɔpee a tɛ̨ą, a kaa-lon-naa, ɉaŋąą, bɛliɛ ɉu, nu yɛ pɛli nwɛli la kɛi, diɛ mąąwiɛ, yii kpɔ mɛlɛ kaa mą, yii kpɔ mąątɛ̨nɛ̨ kaa mą, 'ká yili kəlee kɛ, a ká nwɔɔ mąątíi.

Lomaŋ 13:8

Nu ta nwɔ kwələ hvo kɛ kaa, hvo kɛli lɔ nwɛlikɛmąą kwələi ka lɔwai. Mąąhɔlɔɓo, yá ə́ ɓɛlan gaalon nwɛlilakɛ, akɛ, yáá dɔ́n woo pɔ mɛ̨nį kpɛ kpɔ tɛ̨ɛ̨tɛ̨ɛ̨?.

Maafîu 7:12

«Mɛ̨nįi ə́ kaa bɔ nuą di gɛ yɛ́, mąąnɛ̨ɛ̨ ə́ yili ɲɔ̨nwɔ̨mą gɛ diɛ. Yili ɓə gaa Yálá laawoo hu, yii Moisə ə bɛ̨ɛ̨ da Yálá kwəi mɛ̨nį hukulɔ nuą.»

Izikiɛ 45:12

Siklə ə kɛ a gera pow hveelɛ, siklə pow hveelɛ pɛlɛɛ siklə pow hveelɛ kɔ́w lɔɔli ɓa, ə pɛlɛ siklə pow kɔ́w lɔɔli ɓa, di kɛ a mine tɔ̨nɔ̨.

Zôo 28:15

Di hva pɛli mąąhvalin ɉii a hɛni kpuwulu, hva pɛli yai a wali.

Lɛɛ gbɔwɔ ɓa 30:13

Wali lɔɔli, yɛ bələi gaa la Yálá hee pɛlɛ́ mu, a wali leelee, ya ɓə nui lɔpee di kaa pai nonon ɉii a gulɔ, a wali kɔ́w lɔɔli a nįįhɔ̨nwɔ̨, a Yai-Laa nwɔɔ.

Zɛnɛse 43:21

Ku kɛ pənəi kuɔ li, ɓɛi ŋɛ̨i ku yii laa, ku ku wɔ ɓíiɠaai laa ɓo, nwaliɠaai ŋɛ̨i ku paa la ku gaa ku tiɛ̨ mɛ̨i ɲąą pɛliɛ. Kwaa pənə kwaa pa a nwaliɠaa kpɔ, gaa ɓɛ.

Zɛnɛse 23:15

«Nwɔ́ɔ́ mɛ̨nį nąmu, ə́ wəli tɔɔ mą́ą́ a nɛlɛɛ, nɔi yii da ɲa a wali kwələ nwun-nąąn, ɲą́ą́ gwa yɛ́ gu lɔwai, yili hvo a wali kɛnɛ̨. Li, ə́ ə́ nɛ̨ą powa loo laa.»

Gɛlaɠaa 7:16

Di di powa həɠə di paa diɛ Sisɛmə daai di di loo gámąi ti Abrahamə ə ɲá a wali, Ɛmɔrə lonnii yəi, Ɛmɔrə Sisɛmə nąn.

Zɛnɛse 49:29

Ɉakɔbə ə niɛwooi ŋɛ̨i kɛ nonnii diɛ, yɛ diɛ: «Ŋą́ pa pɔlɔi, ka náá ną́nni kwɛlɛ, Hɛtə mun Ɛfrɔn yəi ɲɛa, kwɛni wolo ta kaa laa ɉu, ɓɛi wɔlɔ di ną́nni loo laa.

Zɛnɛse 50:13

Di di nąn ɉəɠə, di li la Kanaan lɔi hu, di noo Makpela ɲɛa, gwɛni wolo hu Mamre nwɛla kwɛlɛ. Gɛɛnąą tii ɓə wɔlɔ Abrahamə ə ɲa Hɛtə mun Ɛfrɔn yəi, nąą ə kɛ a nwɔɔ.

Samia Veerɛi 14:26

Ə kɛi nwun nəɠa mɛ̨i tee kwɛlan ɉəli pələ tɛitɛi, mąąhɔlɔɓo, nwun nəɠa ə kɛi wiɛ. Da nwun nəɠa mɛ̨i tee kɛ, di kɛi nwun nəɠa kɔ́ɔn tɔɔmun nwɔ kiləi ɓa, nwiɛ yee yɛ kɛ a kilə hveelɛ da gbulɔ.

Ɉeremi 32:10

Ŋą́ díi tii yá hɛɓɛ́ pɛ̨ɛ̨ huwɔ kɔlɔ paa mɛ̨i, ŋą́ ɲéé pɔɔ too ɉu a gɔ́lɔn ɉii, nuą ŋɛ̨i ŋį́ di təli di ɲɛ̨i ɓa. Ŋą́ nwali lono a di ɲɛ̨i.

Samia Veerɛi 24:24

Kɛlaa, tɔɔmun yɛ Arauna ɓa: «Kpaa-oo! Yii gáá bɔ, ya ɓaa ŋą́ ɲá. Mąąhɔlɔɓo, və́ bɔ və́ haláá kulɔ Yai-Laa ɓa a hɛn ɉɔ̨nwɔ̨ hvo mą.» Davidə ə mɔ̨nun dan ɉii tii ya da nįŋɛ̨ɠaa a: wali kwələ pow lɔɔli.