Zɛnɛse 23:11 - Yálá laawoo hɛɓɛ (dc)

¹¹ «Nwɔ́ɔ́ mɛ̨nį nąmu Abrahamə, ə́ wəli tɔɔ mą́ą́, vá pɛli gwɛni wolo da díi lɔwɔ́tɔɔi yɛ́, gááyɔwɔɠaai ŋɛ̨i a Hɛtə huwuhu nuą di ɲɛ̨i ɓa. Gáá gwɛni wolo da díi di tɛɛi ə́ pɔ a mɛ̨inɛ̨ɛ̨. Ya pɛli mą ə́ ə́ nɛ̨́ą powa loo laa.»

Yálá laawoo hɛɓɛ

¹¹ «Nwɔ́ɔ́ mɛ̨nį nąmu Abrahamə, ə́ wəli tɔɔ mą́ą́, vá pɛli gwɛni wolo da díi lɔwɔ́tɔɔi yɛ́, gááyɔwɔɠaai ŋɛ̨i a Hɛtə huwuhu nuą di ɲɛ̨i ɓa. Gáá gwɛni wolo da díi di tɛɛi ə́ pɔ a mɛ̨inɛ̨ɛ̨. Ya pɛli mą ə́ ə́ nɛ̨́ą powa loo laa.»

Bible

¹¹ “Ŋánuu-namui, ŋ́oo mɛ́ni. Ŋa ǹɔii tɛ́ɛ ípɔ, ŋa gɔni-woloi tɛ́ɛ ípɔ gáa mai. Ŋa dítɛɛ ípɔ ŋánûai kélee ŋɛ́i. Ísaai lóo naa.”

Zɛnɛse 23:11 Referans Kwoze

Lukə 19:24

Yili pulu, nuą tii kɛ laa tɔɔmun yɛ diɛ: ‹Ka nwali tɔ̨nɔ̨ tii kulɔ ɲəi, ka dɛɛ nui nwaa bow kaa ɲəi, bɔ!›

Azaya 32:8

Kɛlaa, kaalon nwɛi, kaalon giliŋąhiɛ ɓə gaa mą, ɲɛ̨i pɔ̨nɔ̨ mɛ̨nįɠaa lɔ ɓə a ɲee lɔ ɉu.

Rutə 4:11

Galanɉonŋaa da nuąi kpɔ kɛ laa, gəlee diɛ mą: «Kwaa kɛ a gɛla. Di lúwɔ́ too Boozə ɓa diɛ mą: Nɛ̨ɛ̨nui ŋɛ̨i háákələi pai lɔi ə́ yəi bɛlɛ́n, Yai-Laa ə lúwɔ́ too mą; gɛ́ pələ ə kɛ yɛ Ɉakɔbə nɛ̨ąni hveelɛi: Rasɛlə da Lea. Diɛ ɓə Israɛlə nu huwu hɔlɔɓo. Yai-Laa ə ə́ yee laholoon Ɛfrata lonnii lɔwai, ə ə́ laa tɛ Bɛtleɛmə.

Rutə 4:9

Nąąlɔwai Boozə ə mo galanɉonŋaa da nɔi nuą kəlee diɛ, yɛ diɛ: «Kaa kɛ háákələi a nwɛ́i gɛla. Ɉɛnŋaa ŋɛ̨i kɛ a Elimelɛkə nwɔɔ, yɛ ɓo a Kiliɔn nwɔɔ da Malɔn, ŋą́ą́ gəlee nwun mąąɓo Naomi yəi.

Rutə 4:4

Yili ɓə gɛ, ŋą́ ə́ kili pu ɉu, ŋą́ mo yɛ́, gɛ́ yɛ́: Ɉɛnŋaa ŋɛ̨i mąą mɛ̨nį, ə́ tɔɔi kɛ ɉu, nuą ŋɛ̨i ɓɛ da daa kalanɉonŋaa kəlee di ɲɛ̨i ɓa. Akɛ ə́ kaa ə́ tɔɔi kɛi nwun mąąɓo mɛ̨nįi ŋɛ̨i hu, gɛ tii. Akɛ hvá pɛli mą, yɛ bələi gaa la, yɛ́i ŋɛ̨i ya həɠə laa ɲą́ą́ ɓə laa; ə́ ə́ woo hukulɔ mą́ą́.» Ɉulɔnui tii yɛ mą: «Gáá pai nɔi yai.»

Rutə 4:1

Nąąlɔwai, Boozə ə li ə hee ɉįi la, ɓɛi da kɛ mɛ̨nį ɓo kɛi laa, ə lɛɛ laa heeni, nui ŋɛ̨i ə mąą mɛ̨nį ɓo Rutə ɓa, yɛ kɛ mą: «Yaa ɓə mąąnɛ̨ɛ̨ ə ə́ mąą mɛ̨nį ɲɛ̨i kulɔ,» yili yɛ pa tɛɛi. Boozə ə dəli, yɛ mą: «Mɛ̨i yɛ́ ɓə! 'Lɛɠɛ ɓɛ, ə́ heei kaa laa.» Yili ə pa, ə hee.

Dutɛrɔnome 19:15

Mąą hvo nɛ̨ɛ̨li nu tɔ̨nɔ̨ nwɔ kɛla hvaa hvo nɛ̨ŋɛ̨n gɛmun, a wala kɛ tii, nu paamun giti tee, hvo kɛli nu hveelɛ ɉaaɓa, nwɔ kɛla hvaa ɓə da pɛli mɛ̨nįi tii hutɔɔi la.

Dutɛrɔnome 17:6

Kəla hveelɛ ɉaaɓa woo hukulɔ woo mɛ̨i ɓə, mąąnɛ̨ɛ̨ nui haa kaa mą, da baa la. Di hva baa a nu tɔ̨nɔ̨ woo.

Lonon mo 35:30

«Nu paa mɛ̨nį lɔpee hu, di hva pɛli nu paamun baai, hvo kɛ li nu tamąą da gbɛa mąą kɛla hvaa ɓo. Mąą hvo nɛ̨ɛ̨li di hvo nu paa nu tɔ̨nɔ̨ woo ɓa.

Zɛnɛse 23:18

gəlee di lɛɛ a Abrahamə nwɔɔ. Hɛtə huwuhu nuą kpɔ kɛ di heɛ ə kɛ ɉįi la, di kɛ a gɛla.

Zɛnɛse 23:6

«Kuɔ mɛ̨nį nąmu, ə́ wəli tɔɔ ku woo ɓa! Ə́ kaa ku lɔwai ɓɛ yɛ Yálá lon yii lúwɔ́ kaa mą; gwɛni woloɠaai ŋɛ̨i gaa ku yəi, kuɔ kuɔ nuą loo ɉu, yii ya gaa a nɛlɛɛ, yili həɠə, ə́ ə́ nɛ̨ą loo ɉu. Kwɛni wolo lɔpee ya ə́ yee lɛ mą, nąmu hva pɛli lənəi mą, hvo gulɔ ə́ yəi.»

Zɛnɛse 23:12

Abrahamə ə pənə nwɔ̨nɔ̨ ə pɛlɛ nɔi tii hu nuą kɔ́wɔ mu a nįnɛ̨.