Zɛnɛse 22:17 - Yálá laawoo hɛɓɛ (dc)

¹⁷ gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Yálá laawoo hɛɓɛ

¹⁷ gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Bible

¹⁷ ŋa pâi lûwa lâai yâ a zu kɛ́tɛ, ŋá ísuui táma yɛ̂ɛ bɛ̂mɛlɛŋ-kao-ŋai díkaa ŋ̀elei sui da Yúo ma ŋãyai. Ísuui a pâi ŋɔkpɔara-ƃelai yée mɛi ɣâlei.

Zɛnɛse 22:17 Referans Kwoze

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Ɉeremi 33:22

Bələi lɔ nu hva pɛli yələkɔlɔn ɉu kɔlaɠa lonoi la, bələi lɔ gboloyá kwɛlɛ ɲɛa kaa la, lono hvo mą, bələ lɔ ɓə gáá pai nwɔ́ tii mun Davidə huwu tamai la, da Lévi lonnii a nwɔ́ kóló kɛ nuą.»

Zɛnɛse 13:16

Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.

Zɛnɛse 26:4

Gáá pai ə́ huwuhu kɛnɛ̨i yɛ yələkɔlɔn ɉu pɛmɛ̨nɛ̨n gɔw. Gáá Nɔi ŋɛ̨i kəlee tɛɛi ə́ tɛɛi ə́ huwu pɔ, diɛi tii di haalai ɓə gáá pai lúwɔ́ tooi la hį́i kəlee ɓa.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Dutɛrɔnome 1:10

Yai-Laa ka wɔ Yálái aa ka ɓuwuɓo, ka tamąąi háákələi, yɛ yələkɔlɔn ɉu pɛmɛ̨lɛ̨n-gɔwɠaa.

Zɛnɛse 32:12

Nɛ̨ɛ̨i Yɛ́, nwún mąąɓo níɛ Esau yəi, mąąhɔlɔɓo, gáá ɲɔwi mą, hvo pa ku paa, ɲą́ą́, nɛ̨́ą da nɛapɛlɛɛ.

Korɛntə dɔlɔɔ 15:57

Káni kookwəi! 'Ká gu Yálá hɛɠɛɛɓo, yai aa yeetɛɛmąąlaa tɛɛ gu pɔ gu gu Ną́mu Jesus Kristə háálai.

Ɉeremi 32:22

Yili pulu, ə́ nɔi ŋɛ̨i tɛɛ di pɔ, yaai ə́ gbɛa naakwɛlanmo di nąnni diɛ. Nɔi hɛn gəlee a lɛlɛ ɉu.

Mise 1:9

A tɛ̨ą, gɛ́lɛ́i daa mo, ɉali hvo mą. Ɉimą aa Ɉuda kulɔ, yɛ həli kpɔ nwɔ́ nu huwui kəlee ɓa, yɛ həli kpɔ la Ɉerusalɛmə ɓa.

Tɔɔɓɛlaa dɔlɔɔ 9:26

Tɔɔmun Salomɔn ə kələnŋąą pɛli Esiɔn-Gɛvɛrə, Eilatə kwɛlɛ, gboloyá kponą kwɛlɛ Edɔmə lɔi hu.

Dutɛrɔnome 21:19

Mąąnɛ̨ɛ̨ nąn da nee di ɉon də li la daa kalanɉonŋąą pɔ, daa mɛ̨nį ɓo kɛi, ɉį́i la.

Zɛnɛse 28:3

«Gɛ́ Huwalawala Kəlee Nąmu Yálá ə lúwɔ́ too yɛ́, Ə ə́ kwəi nwun, ə́ lon damąą kaa, Ə ə́ kɛ a hį́i tamąą di nąn.

Zɛnɛse 17:6

Gáá pai ə́ huwuhu ɓɛlɛi kpɔ kɛnɛ̨, hį́i tamąą kaa pai hɔlɔɓoi ə́ huwuhu tɔɔɓɛlaa diɛ kulɔ ɉu.

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Lomaŋ 4:13

Yili ɓa, dɔn nwoo pɔ yíí ɓoɔ hvəə gɛ, Yálá yɛ yɛnɛ̨ɛ̨ kəlee laakwɛlanmo la Abrahamə ɓa da ɉuwu, a gwɛlin, kɛlaa, nwɔ laa na laa dələnmolaa hu ɓə.

Lomaŋ 9:27

Esai nwɛi, ə mo yɛ: «Israɛlə lonnii di mąn tamąą yɛ gboloyá hu ɲɛa kɔw, da wolo lɔ ɓə pai ɓaloi.»

Hebreu 6:14

yɛ mą: «A tɛ̨ą, gáá pai ə́ pilɛi lúwɔ́ hu, ŋą́ ə́ huwu hu ɓɛlɛ.»

Hebreu 11:12

Yili ɓə gɛ, nu tanɔ̨n gbən, yai haa ə kɛ bulu, ə lon gbulu tamąą kaa, di kpulu hu kɛnɛ̨ɛ̨ ə ɓo yɛ, yələkɔlɔn ɉu pɛmɛ̨lɛ̨n-gɔw da gboloyá kwɛlɛ ɲɛ̨ą kɔw.

Zɛnɛse 25:11

Abrahamə haa pulu, Yálá ə lúwɔ́ too Isaakə ɓa. Isaakə ə hee Lahai-Roi ɲálɔwa kwɛlɛ.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Zɛnɛse 28:4

Núwɔ́i Yálá ə doo Abrahamə ɓa, naa ə hon yɛ́ ka ə́ huwu kaa, nɔi ŋɛ̨i ə́ kaa ɉu, ə́ ɉɔlɔɓo ka ə́ huwu kəlee; Yálá ə kɛ.»

Dutɛrɔnome 10:22

Ɛlɛɛ, ya pa, ka nąnni di hvo kɛ tɛɛ li nu pow mɛ̨ihveelɛ hu, ɓɛlɔwai di kɛi li la Eziptə lɔi hu; ya ka ŋɛ̨i Yai-Laa aa ka kpulu hu kɛnɛ̨, yɛ yələkɔlɔn ɉu pɛmɛ̨lɛ̨n-gɔwɠaa.

Dutɛrɔnome 13:17

Hɛn kpɔ a kulɔ ɉu, ka gəlee ɲąą kpɔn gwəli hąąi, ka daa kələn da ɉɛnŋąą tii kəlee. Ka gulɔ tii a haláá Yai-Laa ka wɔ Yálái ɓa; nąą ə lɛɛ a taa kpoloon nąą hva kɛa pənə hvo tɔɔ.

Kɔlɔnikɔ Maa-ŋuŋ 27:23

Nuąi di kaa kwɛlan ə kɛ pow hveelɛ, da yiiɠaai kɛ di wɛi toɔ mu, Davidə hvó yiliɠaa lonon. Mąąhɔlɔɓo, Yai-Laa aa ta kɛ diɛi: Gaa pai Israɛlə nu huwu tamąi yɛ yələi pɛmɛ̨lɛ̨n-gɔwɠaa.

Kɔlɔnikɔ Veerɛi 1:9

Yii hui ŋɛ̨i Yai-Laa, mɛ̨nįi ta ə́ mo ną́n Davidə ɓa, bɔ mɛ̨nį kɛ kɛa. Hvó gaai, Yɛ́ ɓə yáá ɉéé a tɔɔmun nɔi kɛnɛ̨i ŋɛ̨i mɛ̨i, ɉu nuą tamąą yɛ muluun.

Zɛnɛse 32:13

Ną́n nwɔ Yálá! Kɛlɛ́i Yɛ́ ɓə kɛ mą́ą́: ‹Gáá pai ɲɛ̨́i lɛlɛɛ heei yɛ́; ŋį́ ə́ huwu tamą yɛ gboloyá kwɛlɛ ɲɛ̨ąkɔw, yai nu hva pɛli nonon ɉii.›»

Lɛɛ gbɔwɔ ɓa 32:13

Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Dutɛrɔnome 1:11

Gɛ́ Yai-Laa ka nąnni di wɔ Yálái ə ka tamą nwɔ̨nɔ̨ gee mɛ̨i waa tamąą, ə lúwɔ́ too kaa yɛ bələi ə naakwɛlanmo la.

Dutɛrɔnome 13:18

Mąą hvo nɛ̨ɛ̨li ka hvo ka yee tunwɔ̨n ɉɛnŋąąi kpɔ di di kalaɠalai da ɓa. Ka wala tunwɔ̨n da ɓa, Yai-Laa kaa pai nwɔ liiholi kɛnɛ̨i kpɛlai bələi. Yɛ nwɔ wɛlikɛmąąlaa tɛɛ ka pɔ, yɛ ka mąąwɛli kaa, yɛ ka ɓuwuɓo yɛ bələi ə naakwɛlanmo la ka nąnni diɛ.

Samia Veerɛi 17:11

Yili ɓa, niɛwooi gaa ná, ya ka: Israɛlə nuą kəlee di di ɲąąkpɔn ə́ kwɛlɛ, ə həɠə Dan ə həli Beɛrə-Seva, di tamą yɛ gboloyá kwɛlɛ ɲeakɔw, ə lɛɛ, ə́ hvilɛn di ɲɛ̨i tɔwɔ, kaa li gɔ́ ɓa.

Tɔɔɓɛlaa dɔlɔɔ 4:20

Ɉuda nuą Israɛlə nuą, di kpulu hu kɛnɛ̨ɛ̨ kɛ yɛ gboloyá kwɛlɛ ɲɛ̨ą kɔ́w. Di kɔ̨nɔ̨n ə kɛ di yəi, da di kpələ lɔɔ, ɛlɛɛ, di ɓo di nɛ̨ɛ̨ hu.

Nehemi 9:23

Ə́ lɔiɠaa tɛɛ di pɔ, yɛ́ yələkɔlɔn ɉu pɛmɛ̨lɛ̨n gɔwɠaa, nɔi ə́ kɛ di nąnni diɛ də li di hee ɉu, də li di hee mąą lɔi hu.

Azaya 48:19

ə́ huwu ə li kɛ yɛ ɲɛa kɔ́w, ɉu lonnii di ɓo yɛ kwɛni wean, naa hvo li kpɛɛ ɲɛ̨́i mu a yələ lɔpee ta, di hvo li kɛ naa waa laa.

Osia 2:1

Israɛlə lonnii kaa pai tamąi yɛ gboloyá kwɛlɛ ɲɛ̨ą kɔ́w, di hva pɛli gɔwɔn ɉii, di hva pɛli nonon ɉii, ɛlɛɛ, ɓɛi di kɛi kɛ laa diɛ nwɔ́ nu huwu hvaa kaa, di kaa pai kɛi laa diɛ, Yálá húlúmąą lonnii.