Zɛnɛse 21:33 - Yálá laawoo hɛɓɛ (dc)

³³ Abrahamə ə wulu ta hin Beɛrə-Seva, diɛ kɛ naa ɓaa: tamarisə. Ə Yálá hvɛli gɛɛnąąi tii, ə Yálá laa hee a: Yai-Laa.

Yálá laawoo hɛɓɛ

³³ Abrahamə ə wulu ta hin Beɛrə-Seva, diɛ kɛ naa ɓaa: tamarisə. Ə Yálá hvɛli gɛɛnąąi tii, ə Yálá laa hee a: Yai-Laa.

Bible

³³ Eberaɣɛ̃ɛ è tamari wuru sì Bɛɛsiba, gɛ́ Yâwɛɛ fɛ̀li naa.

Zɛnɛse 21:33 Referans Kwoze

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Azaya 40:28

Gbaɠala hvo mɔ̨ɔ̨ yɛ́, ɛlɛɛ, hvo ta mɛ̨n ni diɛ kɛ diɛ: Yai-Laa ɓə yələ kəlee Yálá? Ya ɓə lɔi piliɛ gee mɛ̨i pɛli, vii hva kpɛɛ, vaŋą ta hva kulɔ mą; nu hva pɛli nwɔ kili kɛ ɲəi laa kɔ́lɔn ɉii.

Mąątɛ̨nɛ̨ 90:2

Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Lomaŋ 16:26

kɛlaa yiihu kɛa, mɛ̨nįi ti aa too ponoŋą, huwu takpɛliɠaa diɛ, Yálá kwəi mɛ̨nį hukulɔ nuą di wɔ hɛɓɛ́ pɛ̨ɛ̨ hu, yɛ bələi kpɔlɔ Yálá ə mo la, di laa na di lɛɛ nwoopulu.

Zɛnɛse 12:8

Ə həɠə laa ə li Betɛlə taa voló həɠəi pələ, ɓɛ pələi tii yeeɠaa tamąą la, ə haláá kulɔi pɛli ə Yálá hvɛli, yɛ kɛ Yálá laa baa: Yai-Laa. Gɛɛnąąi tii ɓə ə nwɔ taai pu laa, Betɛlə taa da Ai taa di lɔwai.

Zɛnɛse 4:26

Sɛtə yaa kpɛli ə lon ɉulɔnu hɔlɔɓo, ə naa hee a Enɔsə. Nąąlɔwai ɓə kɛa, nuą di gɔwɔ tɔɔ la, diɛ Yálá təli la a naa, a Yai-Laa.

Dutɛrɔnome 33:27

Yálái gaa a tɔwɔ-tɔwɔ Yálá, ya ɓə gaa a ə́ mąąkilɛi, ya ɓə ə́ yowoɠaa kpɛ ə́ tɔwɔ, yɛ kɛ yɛ́: di hu kala.

Lomaŋ 1:20

Ə həɠə yɛnɛ̨ɛ̨ pɛli yələ ɓa, ə həli la yiihu ɓa, Yálá kɛ pələɠaai nu hva pɛli gaai: nwɔ huwalawalalaai kpɛɛ hvo mą, nwɔ Yálá laa, gəlee kulaai pono ŋą gɛ kólóɠaa kəlee hu. Mɛ̨niɠaa di hu ɓə nuą da pɛli di Yálá kɔ́lɔn naa. Yili ɓa, mąąhvaalɛɛ hvo diɛ.

Amɔsə 8:14

Nuąi kɛi di kwɛla a Samari hali laa, Diɛi kɛi di kwɛla, diɛ kɛ mą: «Dan! Ə́ wɔ halii laa hu!», A wala kɛ tii, «Beɛrə-Seva pələi laa hu!» Nuą tii da too di hva kɛa di muhəɠə.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Nwun mąąɓo 3:7

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə ɲee lɔ ɉu, di di pulu tɔɔ Yai-Laa ɓa, yai a di wɔ Yálá, diɛ kwɛli hvilɛn Baaləɠaa da Aseraɠaa diɛ.

Dutɛrɔnome 16:21

Ɉaláá taɓalii ka káá pai dɔɔi Yai-Laa ka wɔ Yálá ɓa, ka hvo wulu ta tɔɔ gwɛlɛ, kaa gɔ́.

Zɛnɛse 26:33

Isaakə ə ɲálɔwai tii laa hee a: «Sivea.» Yili ɓə gɛ, háá ɓa háá, da kɛ daai tii laa ɓaa: Beɛrə-Seva, mukulaa ɓaa: «mįnɛ̨ həɠə yálɔwa.»

Zɛnɛse 26:25

Isaakə ə haláá kulɔi pɛli laa, ə Yai-Laa hvɛli a naa. Ə taa pu laa. Nwɔ luwɔɠaai di yálɔwa tee laa.

Zɛnɛse 26:23

Isaakə ə həɠə laa, yɛ li Beɛrə-Seva.

Hebreu 13:8

Jesus Kristə kaa lɔ a gɛ pələ yələ kəlee, wɛi, háákələi, ə lɛɛ ɉu, wɔlɔ-wɔlɔ ɓa.

Zɛnɛse 21:32

Di nu hveelɛi di di woo kwɛlɛ di kee ɓa Beɛrə-Seva. Yili pulu, Abimelɛkə da nwɔ kɔ́kuláá nwun nąmu Pikɔlə di pənə diɛ li Filisti lɔi hu.

Lɛɛ gbɔwɔ ɓa 15:18

Yai-Laa nwɔ tɔɔlaai, kpəla pələi hvo mą.

Dutɛrɔnome 32:40

Ŋą́ą́ ɲéé tɛ, gɛ́ gwɛ́la a yələkɔlɔn gɛ́ diɛ: ‹Akɛ kpɔ gáá a vúlu a yələ kəlee!›

Mąątɛ̨nɛ̨ 93:2

Ə həɠə gɔwɔ tɔɔ yələ ɓa, ə́ wɔ tɔɔkpəlin hvilɛn ŋąą kpɔ gbilin, wɔlɔ-wɔlɔ ɓa wɔlɔ-wɔlɔ ɓa, Yɛ́ lɔ ɓə laa.

Habakukə 1:12

Yai-Laa ə həɠə kpɔ yɛnɛ̨ɛ̨ pɛli yələ ɓa, ə həli la yiihu ɓa, kɛlaa yɛ́ lɔ ɓə a nwɔ́ Yálá? Nwɔ Yálá mąąhəɠɛɛ, yili ɓa ku hvo pai haai! Yai-Laa, yɛ́ ɓə a ku mą́ą́kpɛ kwɛni. Yɛ́ ɓə nuą tii həɠə ɉu, ə́ di kɛ a ku hutɔɔ hvaɠa, di ə́ nwąną kulɔ kuɔ.