Zɛnɛse 21:32 - Yálá laawoo hɛɓɛ (dc)

³² Di nu hveelɛi di di woo kwɛlɛ di kee ɓa Beɛrə-Seva. Yili pulu, Abimelɛkə da nwɔ kɔ́kuláá nwun nąmu Pikɔlə di pənə diɛ li Filisti lɔi hu.

Yálá laawoo hɛɓɛ

³² Di nu hveelɛi di di woo kwɛlɛ di kee ɓa Beɛrə-Seva. Yili pulu, Abimelɛkə da nwɔ kɔ́kuláá nwun nąmu Pikɔlə di pənə diɛ li Filisti lɔi hu.

Bible

³² Nya ƃe dí kono-tee kɛ̀ Bɛɛsiba. Abimelɛ da ŋɔkɔ-kuluƃa-ŋai mɛi-nuui Piko dí dímu sìɣe dí lí pôlu Felesia-ŋai dílɔii su.

Zɛnɛse 21:32 Referans Kwoze

Samuɛlə dɔlɔɔ 18:3

Ɉonatan da Davidə di mįnɛ̨ həɠə, mąąhɔlɔɓo, ə kɛi Davidə wɛli la kɛ yɛ gbinį.

Nwun mąąɓo 13:1

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə nuą di pənə nwɔ̨nɔ̨ di di yee lɔ ɉu, di gɛ. Yai-Laa ə di too Filisti nuą yee ŋą kwɛlan bow nąąn ɲee mu.

Lɛɛ gbɔwɔ ɓa 13:17

Ɓɛlɔwai Eziptə tɔɔmun ə ɓo la Israɛlə lonnii diɛ, diɛ li, Yálá hvo hvaa mą, di hvo tɛɛ Filisti lɔi hu pələ; bələi mąn bələ yili kpuai kɛ la. Mąąhɔlɔɓo, ə gaa yɛ, da tɛɛ laa pələ, kɔ́ kaa lii heei diɛ, di ɲɔw, di pənə di pulu diɛ li Eziptə lɔi hu.

Zɛnɛse 31:53

Gɛ́ Abrahamə da Nahɔrə di wɔ Yálá ə kɛ a gu lɔwai mɛ̨nį hutɔɔ mun.» Nąąlɔwai, Ɉakɔbə ə gwɛla a Yálái ŋɛ̨i nąn Isaakə a ɲɔw mą, naa.

Zɛnɛse 26:14

Ɓɛlaa kpulu kɛnɛ̨ ə kɛ ɲəi, da ɓolu kpulu, ə mą kɛ da nįŋɛ̨ kpulu kɛnɛ̨, bɛlɛɛ luwɔɠaa diɛ. Filisti nuą di kɛi kɛa tolo kulɔ a Isaakə.

Zɛnɛse 26:8

Yii kɛa di lɔwai tamąą kɛ nɔi tii hu, hvóló ta, Abimelɛkə Filisti nuą di wɔ tɔɔmun, ə ɲɛ̨i hee vinɛtɛlɛ la, ə Isaakə kaa da Rebeka diɛ pələ kɛ.

Zɛnɛse 21:27

Abrahamə ə nɛɛ mą ə ɓɛlaaɠaa da ɓoluɠaa, ɛlɛɛ da nįŋɛ̨ hilɛɠaa həɠə, ə dɛɛ Abimelɛkə pɔ, di nu hveelɛi di nɛ̨ɛ̨laa yee pu gee hu.

Zɛnɛse 14:13

Nu ta ə kɛi pu gɔi tii ɓa, ə pa ə nwoo hukulɔ Abramə ɓa, Abramə ŋɛ̨i a Hebreu, yai kɛ heeni Mamre nwɛla koo ɓa Amɔrə lɔi hu. Mamre ə kɛ a Ɛskɔlə da Anɛrə di kaayɔwɔ, nu haaɓai tii da Abramə ni di tɔɔi kɛ.

Zɛnɛse 21:31

Yili ɓə gɛ, di gɛɛnąąi tii laa hee a: Beɛrə-Seva, mąąhɔlɔɓo, nąą ɓə nu hveelɛi tii di di woo kwɛlɛ laa di kee ɓa.

Zɛnɛse 21:33

Abrahamə ə wulu ta hin Beɛrə-Seva, diɛ kɛ naa ɓaa: tamarisə. Ə Yálá hvɛli gɛɛnąąi tii, ə Yálá laa hee a: Yai-Laa.

Zɛnɛse 31:44

Yili ɓa, gu mįnɛ̨ həɠə, ə kɛ a gu nu hveelɛi gu lɔwai kɛla.»