Zɛnɛse 21:23 - Yálá laawoo hɛɓɛ (dc)

²³ Yii hu kɛa, ə́ kwɛla a Yálá, yɛ diɛ: ‹Hvo pai mówoi, ɲą́ą́ kwa nónii, ə mą kɛ kwa ɉúwuhu nuą kəlee.› Pələi ŋɛ̨i ŋį́ gɛ la a yɛ́ a nɛlɛɛ, gɛ́ tii a ɲą́ą́ kwa nɔi ŋɛ̨i ə́ kaa ɉu, ɉu nuą kəlee.»

Yálá laawoo hɛɓɛ

²³ Yii hu kɛa, ə́ kwɛla a Yálá, yɛ diɛ: ‹Hvo pai mówoi, ɲą́ą́ kwa nónii, ə mą kɛ kwa ɉúwuhu nuą kəlee.› Pələi ŋɛ̨i ŋį́ gɛ la a yɛ́ a nɛlɛɛ, gɛ́ tii a ɲą́ą́ kwa nɔi ŋɛ̨i ə́ kaa ɉu, ɉu nuą kəlee.»

Bible

²³ Mɛni ma, ífoo ńyêei ƃɛ́ a Ɣâla a gɛɛ ífe pâi wôya kɛ̂i a ńyãa da ńônii kpaa máŋ ŋásuui da, kɛ́lɛ berei ŋa tûa la a yá a ǹɛ́lɛɛi, ƃa pâi tûai a ńyãa a ǹɛ́lɛɛ da ǹɔii íkaa zu a ŋɔ̃yai.”

Zɛnɛse 21:23 Referans Kwoze

Zasua 2:12

A kɛ tii kɛa, ka ka kwɛla a Yai-Laa laa, kaa diɛ; bələi ŋɛ̨i ŋį́ ka hon na a nɛlɛɛ, ka káá lɔ pai ɲą́ą́ kwa ɲə́i bɛlɛ́n nuą ku hon ɉii tii a nɛlɛɛ. Ka kɔ́lɔn ɉɛn da tɛɛ bɔ́,

Zɛnɛse 20:14

Nąąlɔwai, Abimelɛkə ə ɓɛlaaɠaa, ɓoluɠaa da nįŋɛ̨ɠaa, ə mą kɛ luwɔ hinąą da nɛ̨ą həɠə, ə di tɛɛ Abrahamə pɔ, ə bɛlɛ Abrahamə nɛ̨ą Sara ma.

Hebreu 6:16

Nu kanŋaa da di kwɛla a hɛn gɛnɛ̨ dɛɛ diɛ, əgɛ, di hɛa mɛ̨nį kulɔ di wɔ mɛ̨nį ta hu, da mɛ̨nįi tii ŋą tɛ̨ą lɛ a di kwɛla woo.

Korɛntə veelɛ 1:23

Yálá ɓaa a nwɛ́i gɛla, akɛ gáá lɛɛ kɛi, ə báá; mɛ̨nįi gɛ və́ búlú pənə la, və́ paa la Korɛntə daai, nwun mąą: Ka lɛɛ ka ɓɛlɛ mɛ̨i.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Samuɛlə dɔlɔɔ 30:15

Davidə yɛ mą: «Yá pɛli tɔɔi dɔ́wɔ gu həli nu kpului tii ɓa?» Ɉulɔnui tii yɛ mą: «Yá ə́ kwɛla a Yálá, yɛ́ diɛ hva báá, ɛlɛɛ hva dɛɛ nwɔ́ luwɔ nąmu pɔ a nįnɛ̨ ŋą́ tɔɔ ə́ tɔwɔ.»

Samuɛlə dɔlɔɔ 20:42

Ɉonatan yɛ Davidə ɓa: «Li a ə́ liilaa yɛ́, yii lɔ gu nu hveelɛi gu gu kwɛla gu kee ɓa a Yai-Laa laa. Yai-Laa ə kɛ gwa yɛ́ gu lɔwai, ə́ huwu da ɉúwu di lɔwai, və́ ɲɛ̨n dee li!»

Samuɛlə dɔlɔɔ 20:17

Ɉonatan ə gwɛla nwɔ̨nɔ̨ Davidə ɓa mąąhɔlɔɓo, nwɛli ə kɛ mą gwəi tɔ̨nɔ̨ mɛ̨i.

Samuɛlə dɔlɔɔ 20:13

Kɛlaa, akɛ kiliŋąhiɛ ɲɔ̨nwɔ̨ɔ̨ a kɛ ną́n ma, yɛ kɛ ə mɛ̨nį ɲąąnwąnąą laa Davidə ɓa; ŋą́ wala gílaa pɔ̨nɔ̨, Yai-Laa ə mɛ̨nį ɲąą nwąnąą laa Ɉonatan ɓa; ŋą́ ə́ kilaa pɔ̨nɔ̨, nąąlɔwai ə́ li liilaa hu. Gɛ́ Yai-Laa ə kɛ ə́ pɔ yɛ pələi ə kɛ la ną́n bɔ.

Dutɛrɔnome 6:13

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Zɛnɛse 31:53

Gɛ́ Abrahamə da Nahɔrə di wɔ Yálá ə kɛ a gu lɔwai mɛ̨nį hutɔɔ mun.» Nąąlɔwai, Ɉakɔbə ə gwɛla a Yálái ŋɛ̨i nąn Isaakə a ɲɔw mą, naa.

Zɛnɛse 31:44

Yili ɓa, gu mįnɛ̨ həɠə, ə kɛ a gu nu hveelɛi gu lɔwai kɛla.»

Zɛnɛse 26:28

Diɛ mą: «Kwaa gaa, kuɔ: Yai-Laa kaa ə́ pɔ. Mɛ̨nį gɛi, ku kaa la bɔ mįnɛ̨ ə kɛ gwa kaa ni gu lɔwai, yaa li.

Zɛnɛse 24:3

'Ə́ kwɛla a Yai-Laa laa, yai a yələkɔlɔn da lɔi di pɛli Yálá, yɛ́ mą́ą́: Hvó pai Kanaan lɔi hu nɛ̨ɛ̨nu ta həɠəi, hvó dɛɛ nón bɔ a nɛ̨ą.

Zɛnɛse 21:24

Abrahamə yɛ mą: «Gáá pai gwɛlan yɛ pələi ə́ mo la.»

Zɛnɛse 47:31

Ɉakɔbə ə tinɛ̨n yɛ non ma: «Ə́ kwɛla!» Ɉosɛfə ə gwɛla. Ə kɛ lɔ tii, Israɛlə ə lɛɛ ɲəi gbin ŋą ə kwɛli hvilɛn Yálá ɓa.

Zɛnɛse 39:3

Potifarə ə gaa yɛ, Yai-Laa kaa Ɉosɛfə pɔ, mɛ̨nįi a ɲee too ɉu, ɉu a nɛ̨ɛ̨,