Zɛnɛse 21:1 - Yálá laawoo hɛɓɛ (dc)

¹ Pələi tii Yai-Laa ə mo la Sara ɓa, ə nwoo tii pɔ mɛ̨ni kɛ.

Yálá laawoo hɛɓɛ

¹ Bələi tii Yai-Laa ə mo la Sara ɓa, ə nwoo tii pɔ mɛ̨ni kɛ.

Bible

¹ Yâwɛɛ è Seera nàa kàa yɛ̂ɛ berei è mò lai, é m̀ɛnii kɛ́ mì yɛ̂ɛ berei è góno tèe la ǹyêei.

Zɛnɛse 21:1 Referans Kwoze

Mąątɛ̨nɛ̨ 12:6

Ya ɓə Yai-Laa a kɛ diɛ: «Mąąwɛli nuą laanɔ̨nwɔ̨ ɓo pələ, da yeehvowolo nuą wɔlɔ pələ, múhəɠə hiɛ kpɔlɔ li. Nui di kɛi di lɛayá pili mą, gɛ́ ɉee liilaa hu.»

Zɛnɛse 18:10

Nwɛ̨ąąi tii tɔ̨nɔ̨ ə mo Abrahamə ɓa yɛ mą: «Gwɛlan tii pai, ɓɛlɔwai nwɔ̨nɔ̨, gáá pənəi ŋą́ pa ɓɛ, ə́ nɛ̨ą Sara gaa pai lon ɉulɔnu hɔlɔɓoi.» Sara ə kɛ tɔɔ ni bɛlɛ́ laaləi Abrahamə pulu, ə nwooɠaai tii mɛ̨n.

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Zɛnɛse 17:19

Yálá yɛ Abrahamə ɓa: «Ɲą́ą́ ɓə kɛ yɛ́: Ə́ nɛ̨ą Sara kaa pai lon ɉulɔnu ɉɔlɔɓoi, ə́ naa hee a Isaakə. Isaakə tii ɓə nwɔ́ mįnɛ̨i laa kaa pai hon ɉii ɉuwuhu nuą diɛ a yələ kəlee mɛ̨nį.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Galatə 4:23

Kɛlaa nuwɔ-nɛ̨ą lon ə hɔlɔɓo lɔ a kɔlɔ liiɓa, ɛlɛɛ, yá-nɛ̨ą lon nwɛi ə hɔlɔɓo a laakwɛlanmo laa pɔɔ.

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Samuɛlə dɔlɔɔ 2:21

Yai-Laa ə ɲɛ̨i lɛlɛɛ hee Anə ɓa, Anə ə lon ɉinąą haaɓa da lon nɛ̨ą hveelɛ kaa. Samuɛlə logolo nwɛi, ə kɛi kɛnɛ̨ Yai-Laa lííla.

Galatə 4:28

Káá kpɛlimąn, ną́n nonnii, ká káá a lonŋaai, di naakwɛlanmo, yɛ bələi Isaakə kaa la.

Rutə 1:6

Nąąlɔwai, Naomi da non nɛ̨ąni hveelɛi tii di həɠə Moabə lɔi hu diɛ li, mąąhɔlɔɓo, Naomi ə lɛɛ Moabə lɔi hu ə mɛ̨n diɛ mą: Yai-Laa aa ɲɛ̨i lɛlɛɛ hee nwɔ lɔi nuą diɛ, aa kɔ̨nɔ̨n dɛɛ di pɔ.

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Zɛnɛse 17:21

Kɛlaa, yii ɓaa nwɔ́ mįnɛ̨i nwɛi, gaa a Isaakə nwɔɔ, yaai Sara kaa pai ɉɔlɔɓoi gwɛlan tii pai.»

Zɛnɛse 17:16

Gáá pai lúwɔ́ tooi mą, ə lon ɉulɔnu hɔlɔɓo. Gáá lúwɔ́ too mą, gaa pai kɛi a híí tamąą di lee, tɔɔɓɛlaa kaa pai kulɔi ɉuwu hu.»

Lukə 1:68

«Mąąwiɛ kaa Ną́mu Yálá ɓa, yii gaa a Israɛlə nwɔ Yálá; Mąąhɔlɔɓo, aa ɲɛ̨i lɛlɛɛ hee nwɔ nu huwui ɓa, aa nwun mąąɓo.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Mąątɛ̨nɛ̨ 106:4

Ɓɛlɔwai yá kɛi pa ə́ wɔ nu huwui mąąwɛli kaai la, Yai-Laa, ə́ kili lɛɛ ɉú, ɓɛlɔwai Yá kɛi pa nwun mąąɓoi la, 'ə kili kɛ ɉú.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Lɛɛ gbɔwɔ ɓa 3:16

'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Lukə 19:44

Di kaa pai ə laɠan ɉii nɔi ɓa, yɛ́ ka ə́ kwəi lonnii, di hvo kpɛli pai kwɛni lɛɛi ɓɛ kwɛni mɛ̨i. Mąąhɔlɔɓo, hvó ə́ ɓalo yələ kɔ́lɔn ni.

Zɛnɛse 24:36

Nwɔ́ mɛ̨nį nąmu nɛ̨ą Sara, pələi mąn bɔlɔɔ la, da yaa di lon ɉɔlɔɓo. Di lon tii ɓə, ə di yəi hɛn gɔwɠaa kəlee tɛɛ bɔ.

Samuɛlə dɔlɔɔ 1:19

Mąą yələ laaɓoɔ, di di muhəɠə yələwala pinɛ̨ɛ̨, di pɛlɛ Yai-Laa lííla, yili pulu, di pənə dəli di pɔɔli Rama. Ɛlkana da nɛ̨ą Anə di lɔ pɛlɛ́n, Yai-Laa ə gili lɛɛ ɉu.

Tɔɔɓɛlaa veelɛ 4:17

Gɛɛ nąą lɔwai hvo ɉəli, nɛ̨ɛ̨nui tii ə kɔ́wɔ həɠə, ə naayɛɛ a lon ɉulɔnu; yɛ bələi lɔ tii Elise ə mo la mą.