Zɛnɛse 20:9 - Yálá laawoo hɛɓɛ (dc)

⁹ Abimelɛkə ə Abrahamə təli, ə mąąnikɛ, yɛ mą: «Túwɔ́ ləi ɓə ŋɛ̨i ə́ mo a kuɔi? Lə mɛ̨nį ɓə ŋį́ gɛ a yɛ́ a ɲɔ̨nwɔ̨ɔ̨, yaai ə́ kɛ bɔ, ə́ ɲą́ą́ kwa nwɔ́ lɔi hu nuą kəlee, ku kɛ a mɛ̨nį ɲɔ̨n gɛnɛ̨ kɛ nuą? Pələi tii ə́ gɛ la a ɲą́ą́, nu hva túwɔ́ tii.

Yálá laawoo hɛɓɛ

⁹ Abimelɛkə ə Abrahamə təli, ə mąąnikɛ, yɛ mą: «Túwɔ́ ləi ɓə ŋɛ̨i ə́ mo a kuɔi? Lə mɛ̨nį ɓə ŋį́ gɛ a yɛ́ a ɲɔ̨nwɔ̨ɔ̨, yaai ə́ kɛ bɔ, ə́ ɲą́ą́ kwa nwɔ́ lɔi hu nuą kəlee, ku kɛ a mɛ̨nį ɲɔ̨n gɛnɛ̨ kɛ nuą? Pələi tii ə́ gɛ la a ɲą́ą́, nu hva túwɔ́ tii.

Bible

⁹ Nya ƃe Abimelɛ è Eberaɣɛ̃ɛ tòli é mó ma ǹyɛɛi, “Lé ƃé í gɛ̀ ŋí a kûai? Lé mɛni nyɔ́mɔɔ ƃé ŋá gɛ̀ a yá, ǹyaa ƃa pá a zɔnyɔ̂ŋ sii ŋí kwa ŋánûai kûai? Ƃa mɛnii kɛ́ a ńyãa nyii vêi pɔ̂ri kɛ̂i.”

Zɛnɛse 20:9 Referans Kwoze

Zɛnɛse 12:18

Tɔɔmun ə Abramə təli, ə mąąnikɛ, yɛ mą: «Lə mɛ̨nį ɓə ɲɛ̨i ə́ gɛ a ɲą́ą́i? Lə mɛ̨nį ɓa hvo kɛ gílaa pɔ̨nɔ̨ li yɛ́ kɛ mą́ą́ ə́ nɛ̨ą ɓaa Sarai?

Zɛnɛse 39:9

Ɲəi bɛlɛ́n ɓɛ, ɲą́ą́ ɓə mɛ̨nį kəlee kaa ná, hvo tɔ́n dɔɔ li mą́ą́ mɛ̨nį ta hu, hvo kɛli lɔ yɛ́ ɓə vá lɛɠɛ yɛ́, mąąhɔlɔɓo, nɛ̨ą ɓaa a yɛ́. Ŋą́ həɠə pələ kɛ ləi, gɛ́ li mɛ̨nį ɲɔ̨n gɛi, gɛ́ nɛ̨ŋɛ̨n ɉəɠə Yálá ɓa?»

Zɛnɛse 26:10

Abimelɛkə ə pənə yɛ mą: «Lə ɓə ŋɛ̨i ə́ gɛ a kuɔi? Nąą wolo ə lɛɛ kpɔlɔ tiikpə, nu ta yɛ kɛ ə hvilɛn ə́ nɛ̨ą pulu. Yili a kɛ tii kɛa kɛ, yá ku kɛ a hɔn mąą nuą Yálá ɲɛ̨i ɓa.»

Hebreu 13:4

Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

Taitɔ 1:11

'Hvo kɛli, ə́ di laa kpulu. Da kɛ pɛlɛ́ tamąą mu kɛi wulu-wulwu, diɛ nuą mąąkwɛli, əgɛ, di hvulu hɛn ɉɔlɔɓo, yili yaan mąą hvo nɛ̨ɛ̨li.

Lomaŋ 2:11

Mąąhɔlɔɓo, Yálá pɔɔli, huyɛɠɛɓo mɛ̨nį hvo laa.

Hanwon 28:10

Nui a nu haŋąą lan, yɛ vilɛn pələ ɲɔ̨nwɔ̨ɔ̨ mɛ̨i, nɔwai tii ə dee, ɉunwɛ̨i ɲąmą a pu ɉu, Kɛlaa, nuąi di túwɔ́ pələ haŋąą, da nwun na nɛ̨ɛ̨ hɔlɔɓo a di kwɛlin.

Samia Veerɛi 13:12

Maahala yɛ mą: «Kpaa níɛ! Hvo too mɛ̨i. Mąąhɔlɔɓo, di hva dúwɔ huwui tii ɓo Israɛlə lɔi hu. Hvo naa kala mɛ̨nįi ŋɛ̨i kɛ.

Samia Veerɛi 12:5

Davidə lii ə kələn gbɔ gwəi kɛnɛ̨ yɛ hvilɛn na ɉulɔnui tii ɓa. Ə nɛɛ mą yɛ Natan ɓa: «Yii kpɔ Yai-Laa kaa a vulú, ɉulɔnui mɛ̨nįi tii kɛ, aa haa kwɛli gbɔwɔ ɓa.

Zasua 7:25

Ɉosue ə mo laa yɛ Akan ɓa: «Lə mɛ̨nį ɓa ə́ gbaloi ŋɛ̨i ɓɛla kuɔ? Yai-Laa kaa kpalo ɓɛlai yɛ́ háákəlei.» Israɛlə nuą kəlee di di hɔɔ a kwɛni, di haa, di di kələn; di kwɛni hįį tɔɔ di mɛ̨i.

Levetekɔ 20:10

«Nui a laa a mɛlan nɛ̨ą, da nu hveelɛi tii paa.

Lɛɛ gbɔwɔ ɓa 32:35

Yai-Laa ə nuą kɛlɛ, mąąhɔlɔɓo, di nįŋɛ̨ lon bɛli, Aarɔn ɓə bɛli di yəi.

Lɛɛ gbɔwɔ ɓa 32:21

Moisə yɛ Aarɔn ɓa: «Lə ɓə nuą ŋɛ̨i di gɛ a yɛ́, yaai ə́ di yee lɔ nɛ̨ŋɛ̨n gɛnɛ̨i ŋɛ̨i hu?»

Zɛnɛse 38:24

Ɲąnįn ɉaaɓa tɛɛ pulu, nu ta ə pa, yɛ Ɉuda ɓa: «Ə́ lon nɛ̨ą Tamarə aa gbɔwɔ kɛ a wɛli kɛ mun, aa lɛɛ ɉu aa koo həɠə.» Ɉuda yɛ diɛ: «Ka ɉon ka li la, ka nɛɛ a vulú, ka gələn.»

Zɛnɛse 34:7

Ɉakɔbə lonnii di həɠə nɔwɔi di pa, mɛ̨nį tii kɛ, di mo diɛ. Yili ə nwąną diɛ, ə di liikələn di kwəi, mąąhɔlɔɓo, Sisɛmə aa ɓɛlɛkpɛɛmąą, túwɔ́ ɓo a Israɛlə, a laa ŋɛ̨i ə mo a Ɉakɔbə lon Dina. Yili mąą hvo nɛ̨ɛ̨li kɛ Israɛlə nuą lɔwai.

Zɛnɛse 20:8

Yələwala pɔ, Abimelɛkə ə muhəɠə, ə nwɔ nwun nąmįną kpɛa kpɛai təli, ə mɛ̨nį tii hukulɔ diɛ. Nuą kəlee di ɲɔw.

Zɛnɛse 20:10

Gbɛɛ ɓə kɛ yɛ́ gɛ tii?»

Zɛnɛse 29:25

Yələɓoɔ, Ɉakɔbə ə Lea kaa, gwəi ə pili mą; yɛ Laban ba: «Lə ɓə ŋɛ̨i ə́ gɛ a ɲą́ą́i? Rasɛlə ɓə ŋį́ mąą kóló ɓo, ya ɓə ə́ mówo, ə́ Lea həɠə ə́ dɛɛ bɔ́?»