Zɛnɛse 20:2 - Yálá laawoo hɛɓɛ (dc)

² Abrahamə ə kɛ Sara mąą mɛ̨nį ɓa: «Mą́ą́hala ka tii.» Kɛlaa Gerarə tɔɔmun Abimelɛkə ə Sara həɠə.

Yálá laawoo hɛɓɛ

² Abrahamə ə kɛ Sara mąą mɛ̨nį ɓa: «Mą́ą́hala ka tii.» Kɛlaa Gerarə tɔɔmun Abimelɛkə ə Sara həɠə.

Bible

² Tãi è kɛ̀ la naai, è mò a gɛɛ ŋɔnɛnîi Seera káa a zâaƃɔlɔ. Nya ƃe Gera kaloŋ, Abimelɛ, è núu tɛ̀ɛ Seera kanai.

Zɛnɛse 20:2 Referans Kwoze

Zɛnɛse 12:15

Nɔi tii hu tɔɔmun yee mu nuą di nɛ̨ɛ̨nui ti lɛlɛ mɛ̨nį bələ ɓo tɔɔmun ma. Di Abramə nɛ̨ą hon, di paa la dɔɔ kwəlii.

Zɛnɛse 26:7

Nɔi tii hu nuą, di Isaakə mąąnikɛ nɛ̨ą mąą mɛ̨nį hu, diɛ mą: «Ə́ wɔ gbɛɛ ɓəi?» Ə di woo ŋąąpənə yɛ diɛ: «Mą́ą́hala li.» Mąąhɔlɔɓo, ə kɛi ɲɔw kɛi diɛ: «Nɛ̨́ą li.» Ə gɛ, nɔi tii hu nuą di hvo pa kɛ baa, mąąhɔlɔɓo, Rebeka lɛlɛɛi kɛ.

Kolosə 3:9

'Ká hvo kɛa lɛɛ kɛ ka keeni diɛ, mąąhɔlɔɓo, gɔlɔ pɔlɔ-pɔlɔi kɛ káá, káá gulɔ káá, da ɉu yííɓo pələ;

Ifisiɛŋ 4:25

Káá kulɔ kɛa lɛɛ yee kɔnma; 'ká tɛ̨ą ɓo kɛa ká kee ɓa, gbala ə tɔɔ, gu kaa a gu keeni tɔɔ-tɔɔnŋaa.

Ikilisiati 7:20

Yaan, nui lɔpee ta hvo ɓɛ lɔi mɛ̨i ɉaŋąą, yɛ mɛ̨nį lɛlɛɛ kɛ, yii hva pɛli lan ɉi.

Hanwon 24:16

Mąąhɔlɔɓo, tələnmomun a pɛli mą tooi gee mɛ̨i mɛ̨ihveelɛ, yɛ muhəɠə, Kɛlaa, nwąnąlɔ nuą da di laanɔ̨nwɔ̨ ɓo mɛ̨nį ɲɔ̨n ɉu.

Kɔlɔnikɔ Veerɛi 32:31

Yili ɓə gɛ, ɓɛlɔwai di Babilonə kalanɉonŋąą tɔɔ la diɛ pa di woo pilii mą, ɛlɛɛ, gbalo mɛ̨nįi kɛ nɔi, di mąąni kɛ kɛ ɉu, Yálá ə Ezekiasə lɛɛ laa, əgɛ, ə ɉukɔɔn yɛ pɛli gwəi mɛ̨nį kəlee kɔ́lɔn ɉii.

Kɔlɔnikɔ Veerɛi 19:2

Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Zɛnɛse 26:16

Abimelɛkə yɛ Isaakə ɓa: «Həɠə ɓɛ, ə́ li, mąąhɔlɔɓo, ə́ yee aa walawala, aa tɛɛ kuɔ.»

Zɛnɛse 26:1

Pulu kɛnɛ̨ ta ə too laa nɔi, kɛlaa, yii ŋɛ̨i wɔlɔ kɛ a Abrahamə nwɔ lɔwai, yili hvəi. Isaakə ə həɠə yɛ li Gerarə daai Filisti nuą di wɔ tɔɔmun Abimelɛkə pɔ.

Zɛnɛse 20:12

Gwa mo kpɔ hɔlɔ a tɛ̨ą, mą́ą́ hala ka tii, mąąhɔlɔɓo, kwa yaa ku nąn gaa tɔ̨nɔ̨, ku lee hvo tɔ̨nɔ̨, mɛ̨nį gɛ gɛ́ ɉəɠə a nɛ̨́ą yaa li.

Kɔlɔnikɔ Veerɛi 20:37

Maresa mun Dodawahu lon Eliezɛrə ə Yálá kwəi mɛ̨nį ɓo Ɉosafatə ɓa, yɛ mą: «Yii kɛa ka Akaziasə kaa too ka kee pɔ, Yai-Laa aa ə́ kɛ mɛ̨nįɠaa hukala.» Ə kɛ lɔ tii, gələnŋąą tii di taɠa di kee ɓa, di hvo kpɛli həli Tarsisə.

Zɛnɛse 21:22

Gwɛlan dɔ̨nɔ̨ tii hu, Abimelɛkə, da nwɔ kɔ́kuláá nwun nąmu Pikɔlə, di pa Abrahamə pɔ. Abimelɛkə yɛ Abrahamə ɓa: «Gílí kaa ɉu, gɛ́ diɛ: Mɛ̨nįɠaai ya ə́ yee too ɉu, Yálá kaa ə́ pɔ gəlee hu.

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Hanwon 6:29

Bələ lɔ ɓə gaa la, nu hva pɛli hvilɛn ɉii ə́ ɓɛlan nɛ̨ą pulu, a kɛ nąą pɔɔ hvo lɛɛli yɛ́.