Zɛnɛse 20:17 - Yálá laawoo hɛɓɛ (dc)

¹⁷ Abrahamə ə Yálá hvɛli Abimelɛkə mąą mɛ̨nį ɓa, Yálá ə kɔ́lɔi pɔ̨nɔ̨ tɛɛ Abimelɛkə pɔ, da nɛ̨ą ə mą kɛ da nwɔ luwɔ nɛaɠaai, gəlee kwəi ə nwun, diɛ lon gaa kɛa.

Yálá laawoo hɛɓɛ

¹⁷ Abrahamə ə Yálá hvɛli Abimelɛkə mąą mɛ̨nį ɓa, Yálá ə kɔ́lɔi pɔ̨nɔ̨ tɛɛ Abimelɛkə pɔ, da nɛ̨ą ə mą kɛ da nwɔ luwɔ nɛaɠaai, gəlee kwəi ə nwun, diɛ lon gaa kɛa.

Bible

¹⁷ Nya ƃe Eberaɣɛ̃ɛ è Ɣâla fɛ̀li. Ɣâla é Abimelɛ ƃálo é ŋɔnɛnîi ƃálo máŋ da ǹúɛ nɛyâai a gɛɛ dí nîa-pɛlɛɛ maa sɔlɔ ƃó.

Zɛnɛse 20:17 Referans Kwoze

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Tɛsalonikə dɔlɔɔ 5:25

Ną́n nonnii, 'ká Yálá hvɛli kuɔ kpɛlimąn kuɔ.

Maafîu 21:22

Akɛ ka laa Yálá la, yii lɔpee ka vɛli mą a dɛɛ ka pɔ.»

Maafîu 7:7

«Ka vɛli, da dɛɛ ka pɔ. Ka gwɛli, ka ɉɔlɔɓo. Ka gbon gɛlɛ, da naaɓo ka tɔwɔ.

Azaya 45:11

Yai-Laa, yaai Israɛlə pɛli, ə ɓo a Israɛlə nwɔ Mąąhəɠəmun, nwoo ka, yɛ diɛ: Kaa ɓə mɔ̨ɔ̨ pai tɔɔi, kaa gɛ́ kolóɠaa lɛ mą́ą́, nónii mąą mɛ̨nį ɓa? Kaa ɲą́ą́wooɓo ɉɛnŋąąi ŋą́ di pɛli a ɲéé, di mąą mɛ̨nį ɓa?

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Ɛsdrasə 6:10

Ə gɛ, diɛ yələkɔlɔn ɉu Yálá liilaa haláá kulɔ, ɛlɛɛ, diɛ Yálá hvɛli tɔɔmun da nonnii di yii hvóló mąą mɛ̨nį ɓa.

Zɛnɛse 29:31

Yii kɛa Yai-Laa ə gaa yɛ Ɉakɔbə aa Rasɛlə wɛli la kɛ aa dɛɛ Lea ɓa, ə Lea kwəi nwun, ə Rasɛlə kɛ a kpomąnɛ̨ą.

Zɛnɛse 20:7

Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»

Gɛlaɠaa 3:24

Yili pulu, ə gɔwɔ tɔɔ Samuɛlə ɓa, yɛ li la Yálá kwəi mɛ̨nį hukulɔ nuą yiiɠaa ti diɛ, di kəlee, volói ŋɛ̨i ɓə di kɛi mąą mɛ̨nį ɓo.

Hanwon 15:29

Yai-Laa a mąą kwɛa nwąnąlɔ nuą diɛ, Kɛlaa, a nwəli tɔɔ tələnmo nuą di wɔ hvɛli ɓo woo ɓa.

Lonon mo 12:13

Moisə ə nɛɛ mą ə wɔlɔ Yai-Laa ɓa, yɛ mą: «Ee kə Yálá, gáá nɛ̨ɛ̨mąą hvəi Yɛ́, kɔ́lɔi pɔ̨nɔ̨ tɛɛ bɔ.»

Lonon mo 21:7

Nuą di pa Moisə pɔ diɛ mą: «Kwaa nɛ̨ŋɛ̨n ɉəɠə Yai-Laa ɓa, a ka yaa ka laa pələ́ ɲɔ̨nwɔ̨ɔ̨i ku moi. Ku mąą nɛ̨ɛ̨mąą hvə Yai-Laa ɓa, ə gaalə huwui ŋɛ̨i mąą kwɛa kuɔ.» Moisə ə nuą mąą nɛ̨ɛ̨mą hvə Yai-Laa ɓa.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Zɛnɛse 12:17

Kɛlaa, Abramə nɛ̨ą Sarai mąą mɛ̨nį, Yai-Laa ə mɛ̨nį nwąnąą laa tɔɔmun ɲəi bɛlɛ́n nuą diɛ.