Zɛnɛse 2:25 - Yálá laawoo hɛɓɛ (dc)

²⁵ Hulɔnu da nɛ̨ą di kɛ a di kpuwulu, kɛlaa, di hvo kɛ kpaan ni yili hu.

Yálá laawoo hɛɓɛ

²⁵ Hulɔnu da nɛ̨ą di kɛ a di kpuwulu, kɛlaa, di hvo kɛ kpaan ni yili hu.

Bible

²⁵ Nalôŋ da ŋɔnɛnîi dí kɛ̀ a díkaŋ, ǹyaŋ ŋumɛ fé kɛ́ ní díŋɛi.

Zɛnɛse 2:25 Referans Kwoze

Zɛnɛse 3:7

Di kəlee hveelɛi di di kpɔɔ kaa kɛa a di kpuwulu, di nɛɛ mą, di ɓɔ́laa wulu laa kulɔ mą, di gɛ a lɛnɛ̨, di ɲili diɛ.

Lomaŋ 10:11

Hvó gaai, Yálá lawoo hɛɓɛ́ yɛ diɛ: «Nui lɔpee a laa ná hva nwumɛ̨.»

Zooɛ 2:26

Ka káá pai kɔ̨nɔ̨n mį́i, kaa pilɛ ɉu, kaa Yai-Laa ka wɔ Yálái tɛ̨́nɛ̨́. Yaai mɛ̨nį kpɛa-kpɛa tii kɛ, nwumɛ̨ hva kɛa tɛ a nwɔ́ nuąi a yələ ta.

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.

Azaya 47:3

Nuą di ə́ kpuwulu kaai! Ə́ tənəi ŋɛ̨i ə́ kpáánŋąąi, yɛ́ noo, nuą di gaa, gáá pai nwą́ną́ kulɔi, nu ta hvo laa, yɛ kpɛ̨ąn ɉii dɔ́wɔ́.

Lukə 9:26

Akɛ nu a nwumɛ̨ náá ɓoi, ə nwumɛ̨ nwóó hon ɉii, ɓɛlɔwai Nu Lon kaa pai pai la nwɔ mąąwiɛ hu, da Nąn Yálá nwɔ mąąwiɛ hu, da Yálá nwɔ malakaɠaa, a nwumɛ̨ mąą nui laa ɓoi.

Izikiɛ 16:61

Ə́ kaa pai ə́ kiliŋąhiɛi ə́ túwɔ pələ ɓa, yɛ́ nwumɛ̨. Ɓɛlɔwai ə́ kaa pai ə́ liɛni nɛ̨ąą hɔlɔɓoi la, yɛ́ di pɛlɛ ə́ ləɠəni nɛ̨ąą diɛ, a ə́ lonnii; ɛlɛɛ yaan di wɔɔ hvo pai kɛi mįnɛ̨i gwa yɛ gu lɔwai ɉu.

Azaya 54:4

Hvo ɲɔw, mąąhɔlɔɓo, di hvo kɛa pai nwumɛ̨ tɛi a yɛ́, 'Hvo ə́ kpɔwɔ koloon, di hvo kɛa pai ə́ ɲɛ̨i mąą luwui, nwumɛ̨ mɛ̨nįɠaai laa yɛ́ a ə́ kpəla yələ, ə kaa pai lɛ̨ąi diɛ; yɛ́lɛ́i nuą di kɛi mo yɛ́ ə́ wɔ kalanin nąąlɔwai, yili kili hvo kɛa pai lɛɛi ə́ ŋą.

Mąątɛ̨nɛ̨ 25:3

Nui a gilitɔɔ yɛ́, nwumɛ̨ hva tɛ la, nu ɓowo nuą, yəi aa kpɛɛ, daa nwumɛ̨ kpɔ kɔlɔ-kɔlɔ.

Lɛɛ gbɔwɔ ɓa 32:25

Moisə ə gaa yɛ nuą daa di kwɛli tee, Aarɔn aa kɛ di lɛɛ laa, diɛ di yee lɔ kpɛli-kpɛli mɛ̨nįɠaa hu, di yowoɠaa ɲɛ̨i ɓa.

Markə 8:38

Akɛ nu a nwumɛ̨ náá ɓoi, ə nwumɛ̨ nwɛlɛɛ lɛlɛɛ ɓo mɛ̨nį ɓa, háákələi nuą ŋɛ̨i di hvo tələnmo li diɛ nɛ̨ŋɛ̨ gɛ, di ŋɛ̨i ɓa, Nu Lon yaa kpɛli a tinąą nwumɛ̨ mąą nu laa ɓoi, ɓɛlɔwai a paa la da Yálá nwɔ malakaɠaa Nąn nwɔ mąąwiɛ hu.»

Ɉeremi 6:15

Di wɔ túwɔ́ pələ ɲɔ̨n tii kaa pai di ɲɛ̨i paai. Ə mą kɛ tii, yiihu di hva kpɛli nwumɛ̨. Di kili hvo ɉu diɛ kɛ di ɓɛlɛ aa kpɛɛ diɛ; yili mąą mɛ̨nį ɓa, di kaa pai tooi yɛ nu kəlee; ɓɛlɔwai gáá pai múhəɠəi la di laa ɓa, di kaa pai tooi, ɲą́ą́ Yai-Laa nwóó li!

Azaya 44:9

Hali pɛli nuą kəlee kaa lɔ a nu kpɛli kpɛliɠaa, ɉaliɠaai tii a di lííɓa hɛn, di tɔlɔ lɔpee hvo diɛ, ɉɛn di kilitɔɔ mą, hva mɛ̨nį kpaɠala kaa, yili mąą mɛ̨nį ɓa, nwumɛ̨ kaa pai tɛi diɛ.

Mąątɛ̨nɛ̨ 31:17

'Ə́ ɲɛ̨i lɛlɛɛ hee ə́ wɔ tímun ma, 'málo, mąąhɔlɔɓo yá kulɔ ə́ woo ɓa.