Zɛnɛse 2:1 - Yálá laawoo hɛɓɛ (dc)

¹ Bələ ɓə Yálá ə yələkɔlɔn da lɔi di pɛli la, da ɉu hɛnŋaa kəlee.

Yálá laawoo hɛɓɛ

¹ Bələ ɓə Yálá ə yələkɔlɔn da lɔi di pɛli la, da ɉu hɛnŋaa kəlee.

Bible

¹ Ŋ̀elei da ǹɔii dí nâa kpɛ̀ɛ a kpɛtɛ́ɛ da zu-sãai kélee.

Zɛnɛse 2:1 Referans Kwoze

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Lɛɛ gbɔwɔ ɓa 31:17

Yili ɓə pai kɛi kwa Israɛlə lonnii ku lɔwai a kili lɛɛ ɉu hɛn, diɛ kɛ Yai-Laa ə yələkɔlɔn da lɔi di pɛli a hvóló mɛ̨ida, mɛ̨ihveelɛ yələ ə vįitɔɔ, ə vina kulɔ.»

Lɛɛ gbɔwɔ ɓa 20:11

Mąąhɔlɔɓo, Yai-Laa ə yələkɔlɔn, lɔi, gboloyá, da ɉu hɛnŋąą kəlee pɛli hvóló mɛ̨ida yee mu, kɛlaa, ə vįitɔɔ a voló mɛ̨ihveelɛ yələ. Yili ɓə gɛ, Yai-Laa ə lúwɔ́ too vįitɔɔ yələi ti ɓa, ə gɛ a hvóló mąąhəɠɛɛ.

Zɛnɛse 1:1

Yálá ə gbɛa tɔlɔɔ yələkɔlɔn da lɔi di pɛli.

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Tɔɔɓɛlaa veelɛ 19:15

Ə nwoo tɛ Yai-Laa ɓa, yɛ mą: «Yai-Laa, Israɛlə nwɔ Yálá, yɛ́i ə́ kaa heeni mąąkpɛ malakaɠaa nwun mɛ̨i, yɛ́ ɓə a lɔi kəlee nwɔ Yálá tɔ̨nɔ̨, yɛ́ ɓə yələkɔlɔn da lɔi di pɛli.

Azaya 45:12

Ɲą́ą́ ɓə lɔi pɛli, ɛlɛɛ, nu kan lɔi mɛ̨i, ɲą́ą́ ɓə bɛli; ɲą́ą́ ɓə yələkɔlɔn volóon a ɲéé, ɛlɛɛ, gɛ́ yələ kwəi hɛnŋąą ŋąąwooɓo.

Mąątɛ̨nɛ̨ 146:6

Ya ɓə Yələ kɔ́lɔn da lɔi di pɛli, gboloyá, da di hu hɛnŋąą kəlee, ə ɓo lɔ yələ kəlee, a tɛ̨ą mąąkɔ̨nwɔ̨ mun.

Zakari 12:1

Mɛ̨nįi Yai-Laa ə mo Israɛlə ɓa, 'mo a lolo. Yai-Laa woo ka; yai yələ kɔ́lɔn bɛli, ə lɔi laa, ə kili tɛɛ nu pɔ; yɛ:

Mąątɛ̨nɛ̨ 33:9

A mɛ̨nį ɓo lɔ, bɔ mɛ̨nį ə kɛ, ə kɛ lɔ diɛ: «'Ka kɛ», gəlee daa mą kɛ.

Nehemi 9:6

Yálá! Yɛ́ ɓə ə́ kaa a Yai-Laa yɛ́ tɔ̨nɔ̨! Yɛ́ ɓə yələkɔlɔn bɛli da yələkɔlɔn mɛ̨i yələkɔlɔn, da di wɔ kɔlaɠaɠaa kəlee. Lɔi da di ɉu hɛnŋąą kəlee; gboloyá da ɉu hɛnŋąą kəlee, yɛ́ ɓə ya yɛnɛ̨ɛ̨ kpɛɛ hvo mą tɛɛ gəlee pɔ, ə lɛɛ, yələkɔlɔn ɉu, kɔlaɠai gaa laa, da pɛlɛ ə́ kɔ́wɔ mu.

Kɔlɔnikɔ Veerɛi 2:12

Gáá kani yɛlɛmun da tɛɛ yɛ́ yiihu, a mɛ̨nį kɔ́lɔnmun, naa ɓaa a Hiramə-Abi.

Hebreu 4:3

Guɔi gwaa laa na laa hɔlɔɓo, gu kaa pai lɔi vįitɔɔi tii hu, yai ə kɛ mą: Mąąhɔlɔɓo, ŋą́ gwɛ́la nwɔ́ lííholi hu, gɛ́ diɛ: Gu ɲɛ̨i kaa laa, akɛ di kaa pai lɔi ŋą́ hviitɔɔi hu! Ə nwoo ti ɓo, bələi mąn aa kpɛɛ la kɛ a gɛ kólo kəlee, a yɛnɛ̨ɛ̨ kɔ́wɔ tɔɔ yələ,

Gɛlaɠaa 4:24

Ɓɛlɔwai di mɛ̨nįi ti mɛ̨n na, di kəlee di bɛlɛ gee ɓa, di Yálá hvɛli diɛ mą: «Hɛn gəlee pɛli mun Yálá! Yɛ́ ɓə yələkɔlɔn da lɔi di pɛli, ə mą kɛ, gboloyá, da ɉu hɛnŋąa kəlee.

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Ɉeremi 10:12

Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Azaya 65:17

Yii hu kɛa, gáá pai yələ kɔ́lɔn ninɛ̨ pɛlii, ɛlɛɛ da lɔi ninɛ̨. A kɛ tii, mɛ̨nįɠaai daa tɛɛ, di kili hva kɛa too nu ta ɲą, di hva mu kpɛli kɛa pa nu kili pɔ.

Azaya 48:13

Teą li, ɲą́ą́ ɓə lɔi pɛli, má mįi yee ɓə yələkɔlɔn naa, ŋį́ di təli, di kəlee daa mą pa a gee.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.

Zɛnɛse 2:4

Pələ ɓə Yálá ə yələkɔlɔn da lɔi di pɛli la. Ɲələi Yai-Laa ə yələkɔlɔn da lɔi di pɛli la tɔlɔɔ,

Zɛnɛse 1:10

Yálá ə kɛɛ kpalan naa hee a lɔi, ə ɲá lee kɛnɛ̨i tii laai hee a gboloyá; Yálá ə gaa, yɛ yili lɛlɛɛi.

Dutɛrɔnome 17:3

mąą nu yɛ haliɠaa mąąwiɛ, yɛ pɛlɛ di lííla, yɛ pɛlɛ hvóló da ŋąnin, da yələ kwəi hɛnŋąą lííla; ɲą́ą́ hvəi dí la.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Azaya 55:9

Bələi lɔ yələkɔlɔn mąą kwɛaa la lɔi ɓa, bələ lɔ ɓə nwɔ́ pələɠaai mąą kwɛaa la ka yii pələɠaai diɛ, ɛlɛɛ, gwə́i kiliɠaa mąą kwɛaa lɔ tii ka kwəi kiliɠaa diɛ.

Zôo 12:9

Mąąhɔlɔɓo, ɉɛnŋąąi ti, nɛlɛ ɓə hvo gɔlɔn, yɛ kɛ Yai-Laa ɓə mɛ̨nįɠaai ti kəlee kɛ.

Gɛlaɠaa 7:42

Yili ɓə gɛ Yálá ə di lɛɛ laa, diɛ kɛa kwɛli hvilɛn yələi hɛnŋąa diɛ, yɛ bələi bɛ̨ɛ̨ la Yálá kwəi mɛ̨nį hukulɔ nuą di wɔ hɛɓɛ́i hu, diɛ kɛ mą: «‹Israɛlə nu huwu! Gwɛlan bow nąąn ka gɛ nɔi pun ɉu, ɲą́ą́ ɓə mɔ̨ɔ̨ ká kɛli gɔ́, a ka wɔ haláá hɛn, da kɔ́ɓo hɛn?

Lukə 2:13

Ɲąąɓa kpɔlɔ tii, malaka kpulu kɛnɛ̨ ə yɛɛ diɛ Yálá mąąwiɛ diɛ kɛ mą:

Azaya 34:4

Yələi pələ kɔlaɠa kəlee kaa pai lɔi lɔ hɔɛ, diɛ yələkɔlɔn gbinįn yɛ da kɛi haɠa kpinįn; ɉu kɔlaɠa kəlee yɛ pu, yɛ bələi towələ wulu laa a pu la; yɛ bələi ɓolaa wulu laa a pu la.

Mąątɛ̨nɛ̨ 104:2

Ə́ kwaną həɠə kaa a kɛɛpono, yá yələkɔlɔn ɉu lɛan, yɛ həɠə múmu.