Zɛnɛse 19:5 - Yálá laawoo hɛɓɛ (dc)

⁵ Diɛ Lɔtə təli, diɛ kɛ mą: «Lɔtə, nwɛ̨ąąi ŋɛ̨i pa ɓɛ ə́ pɔ ɲələwulii hu, di kaa mį? Di kulɔ ɓɛ pələ ɲɛnɛ̨ɛ̨, ku kaa bɔ ku ku liiɓa mɛ̨nį kɛ a diɛ.»

Yálá laawoo hɛɓɛ

⁵ Diɛ Lɔtə təli, diɛ kɛ mą: «Lɔtə, nwɛ̨ąąi ŋɛ̨i pa ɓɛ ə́ pɔ ɲələwulii hu, di kaa mį? Di kulɔ ɓɛ pələ ɲɛnɛ̨ɛ̨, ku kaa bɔ ku ku liiɓa mɛ̨nį kɛ a diɛ.»

Bible

⁵ Dí La tòli dîyɛɛ mai, “Ǹûai pà ípɔ a gbínii, dia kɔɔ? Pá a dîa kúpɔ a gɛɛ kú lɔ-pɔ̂rɔŋ kɛ́ a dia.”

Zɛnɛse 19:5 Referans Kwoze

Nwun mąąɓo 19:22

Ɓɛlɔwai di kɛi di laa mįi la, nu kpoloonŋaai kɛ laa daai, di bɛlɛ́ mąątínɛ̨n, diɛ gbon gɛlɛ, diɛ kɛ bɛlɛ́ nąmu hulɔgoloi ɓa: «Ɉulɔnui ŋɛ̨i ə́ naa ə́ yəi bɛlɛ́n, gulɔ ɲɛnɛ̨ɛ̨, ku kaa bɔ ku laa la.»

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Azaya 3:9

Di ɲɛ̨́i tɔɔ pələ ɓə a di mąą kɛla hvaa ɓo, di wɔ nɛ̨ŋɛ̨n tii tɔɔ di ɲɛ̨́i, yɛ bələi Sodomə ə gɛ la, di hva noo, di mąąwɛliɛi, diɛ mąąwɛli mɛ̨nį laa di kpɔwɔ ɓa.

Levetekɔ 18:22

«Hvó laa a ə́ ɓɛlan ɉulɔnu, yɛ bələi yá gɛ la a nɛ̨ɛ̨nu, yɛnɛ̨ɛ̨ mąą kalaa li.

Timote dɔlɔɔ 1:10

wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Korɛntə dɔlɔɔ 6:9

Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Izikiɛ 16:51

Ə mą kɛ Samari, hvo ə́ wɔ nɛ̨ŋɛ̨nŋaai ɓɛla ɓoɔ ɉeą́ bələ tɔ̨nɔ̨ kɛ. Ə́i wɔ túwɔ pələ ɲɔ̨n damą, ə dɛɛ nwɛi ɓa. Ɛlɛɛ, da ka nonnii ka kɔ́ɔn ka kee ɓa, di lɛlɛɛi di tɛɛ yɛ́. Mowo mɛ̨nįɠaai kpɔ ə́ gɛ gəlee ma mɛ̨nį ɓa.

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Izikiɛ 16:49

Ə́ ləɠə Sodomə nwɔ nɛ̨ŋɛ̨n ka: Ɓələn da bilaa kɛ hɛn gəlee hu, liihɛlɛn və kɛ mą da non nɛ̨ąą; di hvo kɛi mąąwɛli mun da yeehvowolomun di mąąkpɔn mąąɓo,

Ɉeremi 6:15

Di wɔ túwɔ́ pələ ɲɔ̨n tii kaa pai di ɲɛ̨i paai. Ə mą kɛ tii, yiihu di hva kpɛli nwumɛ̨. Di kili hvo ɉu diɛ kɛ di ɓɛlɛ aa kpɛɛ diɛ; yili mąą mɛ̨nį ɓa, di kaa pai tooi yɛ nu kəlee; ɓɛlɔwai gáá pai múhəɠəi la di laa ɓa, di kaa pai tooi, ɲą́ą́ Yai-Laa nwóó li!

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Levetekɔ 20:13

«Hulɔnu a laa a mɛlan ɉulɔnu, yɛ bələi a laa la a nɛ̨ɛ̨nu, yɛnɛ̨ɛ̨ həɠə mąą mɛ̨nį ka tii di nu hveelɛi daa gɛ, mąąnɛ̨ɛ̨ di di paa, di ɲąmą wulu a lɛɛ di kpɔwɔ nwuɔ̨.

Piɛrə veelɛ 2:2

Nu tamąą kaa pai hvilɛn ɉi di túwɔ́ pələ ɲɔ̨nŋąa ti pulu, diɛi ti di mąą mɛ̨nį ɓa, nu tamąą kaa pai kɛi həɠəi tɛ̨ą pulu.

Piɛrə veelɛ 2:7

Ə lɛɛ, Lɔtə ŋɛ̨i kɛ a tələnmomun, yii nuą ti di wɔ túwɔ́ pələ ə kɛi nii kələn gwəi, Yálá ə nwun mąąɓo.

Zɛnɛse 19:6

Lɔtə ə kulɔ ə tɔɔ bɛlɛ́ laaləi, ə bɛlɛ́ laa kpulu bulu pələ,

Dutɛrɔnome 23:17

A lɛɛ kɛa ka pɔɔli ka wɔ nuą lɔwai, ɓɛi tii ə nąą həɠə ɉu ka wɔ taaɠaa lɔwai, mąąhɔlɔɓo, nąą a nɛɛ mą. Ka hvə ka yee pənə ɉu.

Tɔɔɓɛlaa dɔlɔɔ 14:24

Haláá wɛlikɛ nuą di di muhəɠə lɔi hu, di túwɔ́ kpɔlɔɔ yɛ bələi nuąi Yai-Laa ə di hukala Israɛlə mąą mɛ̨nį ɓa, di kɛɛ kala la.

Tɔɔɓɛlaa dɔlɔɔ 22:46

Ɉosafatə kɛ mɛ̨nįɠaa, guláá laai ə gɛ, da pələi ə kɔ́ kɔ́ la, mɛ̨nįɠaa tii di hvo mɔ̨ɔ̨ pɛ̨ɛ̨ li Ɉuda tɔɔɓɛlaa kɛ mɛ̨nį hɛɓɛ́ hu?

Izikiɛ 16:50

di di lii muhəɠə mɛ̨nį kpɛa kpɛa pɔ, mɛ̨nįi mɛlɛ kpɛɛ gwə́i, diɛ gɛ. Yili mąą mɛ̨nį ɓə ŋą́ą́ di pili la, yili kaa ə́ ɲɛ̨i ɓa.