Zɛnɛse 19:24 - Yálá laawoo hɛɓɛ (dc)

²⁴ Nąąlɔwai ɓə Yai-Laa ə nwɔ̨n dulɔ pu la Sodomə taa da Gomorə taa di mɛ̨i.

Yálá laawoo hɛɓɛ

²⁴ Nąąlɔwai ɓə Yai-Laa ə nwɔ̨n dulɔ pu la Sodomə taa da Gomorə taa di mɛ̨i.

Bible

²⁴ Nya ƃe Yâwɛɛ è Sodɔŋ da Gomora su kâra a kɔni-fãa da ŋɔŋ nyii-ŋai kùla ŋ̀élei sui.

Zɛnɛse 19:24 Referans Kwoze

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Azaya 13:19

Babilonə, lɔi ɲɛ̨ilon! Yai a Kalde nuą ɲɛ̨i pɔ̨nɔ̨ hɛn, gaa pai kɛi yɛ Sodomə da Gomorə, diɛi tii Yálá ə di hukala.

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Piɛrə veelɛ 2:6

Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Ɉeremi 50:40

Gɛ pələ kaa kɛi kpɔlɔɔ yɛ bələi ə kɛ la a Sodomə da Gomorə taaɠaa, da di kwɛlɛ taaɠaa. Nui lɔpee ta hva kɛa hee laa, nu kan da hva kpɛli kɛa vįitɔɔlaa Ɲą́ą́ Yai-Laa Nwóó li!

Sofoni 2:9

Yili ɓə gaa mą, Ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, nwóó li, yii kpɔ gáá a vúlú, Moabə lɔi kaa kɛi yɛ bələi Sodomə ə kɛ la, ɛlɛɛ, Amɔn lonnii di kɛ yɛ bələi Gomorə ə kɛ la. Nąą ə kɛ a ɲąąlən gbɔlɔ, da kpolo kulɔi, a lɔi pun a yələ kəlee mɛ̨nį. Nwɔ́ nu huwui kpəlii a lɛɛ, a di mąąkpoloon. Nwɔ́ nuąi kulɔ gɔ hu da kwɛlin ɲąąkwɛlɛ.

Woolaa 4:6

Nwɔ́ nu huwui hɔn aa ɲɔ̨n aa tɛɛ Sodomə nwɛi ɓa. Yai nwun ɲąą ə lɔ a nu ɲɛ̨i yalii mą tanɔ̨n, nu ta hvo pɛli gulɔi ɉu.

Ɉeremi 20:16

Mąą nu ə kɛ yɛ daaɠaai Yai-Laa aa di wolo, yaai hva pənə bulu, gaa pai woo mɛ̨n ɉii yələwala pɔ, diɛ kɛ mą: «Ka pa kilɛ!» Yɛ kɔ́ too woo mɛ̨n a hvoló tɔɔ nwun ma;

Zôo 18:15

Ya pɛli kɛa ə́ yii ɲəi bɛlɛ́n, nwɔɔ naa hvəli kɛa, di kaa pai ɲinɛnŋąą kpɛi ɲəi bɛlɛ́n,

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Ɉeremi 49:18

Bələi lɔ ə kɛ la a Sodomə taa da Gomorə taa, da di kwɛlɛ taaɠaa di pu yələ, nu ta hvo kɛa pai lɛɛi laa. Yɛnɛ̨ɛ̨ mun da hva kɛa daa tɔɔlaa. «Ɲą́ą́ Yai-Laa nwóó li!

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Mąątɛ̨nɛ̨ 11:6

'Ə nwɔ̨n ɲɛhɛ-yɛhɛ pu a tulɔ nwąnąlɔmun mɛ̨i. Nwɔ̨n, hvąŋą, da ɉigilin, yili ɓə di kpələ gbąmą hu, diɛ gbələ.

Lukə 10:12

Gáá moi kaa, Yálá nwɔ kitii teei lɔwai, Sodomə taa nwɔ gahoi a hviɛlaɓo ə tɛɛ daa tii hu nuą di wɛi ɓa.»

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.

Zɛnɛse 13:10

Lɔtə ə ɲɛ̨i laa, nɔi kɛ Ɉurdɛn yá koo ɓa, ə gaa, nąą pələ nwɔ kalai ɲąąnɛ̨ɛ̨. Ə həɠə Soarə daai yɛ li Sodomə daai da Gomorə daai pələ, nąą pələ ə kɛ yɛ Yálá-taa lon ma. Kɛlaa, Nąąlɔwai, Yai-Laa hvo ni kɛ Sodomə taa da Gomorə taa di kala li. Gɛɛnąąi tii, nɔi lɛlɛ pələ ə kɛ yɛ Eziptə ɲá lee kɛnɛ̨ ŋɛ̨i da kɛ mą: Nilə, gwɛlɛ lɔi.

Zɛnɛse 13:12

Abramə ə lɛɛ Kanaan lɔi hu. Lɔtə ə li ə nwɔ taai pu Sodomə taa kwɛlɛ, Ɉurdɛn ya kwɛlɛ.

Zɛnɛse 18:17

Yai-Laa ə mo gbɔwɔ ɓa yɛ mą: «Mɛ̨ni gáá lii gɛi vá pɛli nooi Abrahamə ɓa.

Zɛnɛse 19:23

Hvoló tɛɛ nwun ma ɓə Lɔtə ə həli la Soarə daai.

Lɛɛ gbɔwɔ ɓa 9:23

Moisə ə nwɔ tunwɔ̨n tɛ ɲələi, Yai-Laa ə yələgbąnąą ɓɛla da hanwon, ɲələgbąnąą ti ə gbɛa too, yili pulu, Yai-Laa ə hanwon bu nɔi mɛ̨i nąą kəlee.

Zôo 1:16

Ə lɛɛ lɔ nwoo hukulɔi, da kpɛli ə pa, yɛ diɛ: «Yələ gbąnąą aa too mɛlaaɠaa diɛ, aa di paa, da di mɛ̨i kaa nuą kəlee, aa di kəlee di kələn; ɲą́ą́ dɔ̨nɔ̨ lɔ ɓə kulɔ ɉu, gɛ́ pa nwɛlɛɛ ɓoi.»

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Dutɛrɔnome 28:24

Yai-Laa hvo pai tulɔ pui ka wɔ lɔi ɓa, kɛlaa luwu da muluun gbala ɓə pai kɛi kulɔi yələi, diɛ yɛɛ ka mɛ̨i, əlɛɛ ɉu ka kpɛɛ lɔi mɛ̨i.

Dutɛrɔnome 29:22

‹Nwɔ̨n aa nɔi ŋɛ̨i kəlee kələn a kpolo, nu ta hva kɛa hihɛn da hin naa, wulu hvo laa, kala tiliin da hva ɓɔn naa, nąą aa kɛ lɔ yɛ: Sodomə taa, da Gomorə taa; yɛ Adma taa da Sevoimə taa, diɛi Yai-Laa ə di kulɔ di pihɛi, níiholi pələ ɓa, da niikələn bələ ɓa gwəi.›

Ɉeremi 23:14

Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»