Zɛnɛse 19:17 - Yálá laawoo hɛɓɛ (dc)

¹⁷ Yii kɛa di kulɔ daai, malaka hveelɛ tii dɔ̨nɔ̨ yɛ Lɔtə ɓa: «Pu ə́ li, ə gɛ, ə́ ə́ nwun mąąɓo, yá kɛi li, hvə ə́ pulu kaa hvo nwɔ̨nɔ̨ tɔɔ bələi, li ɲee tii ɓa, ə́ ə́ nwun mąą kilɛ laa, hvo pa lɛɛ ɉu.»

Yálá laawoo hɛɓɛ

¹⁷ Yii kɛa di kulɔ daai, malaka hveelɛ tii dɔ̨nɔ̨ yɛ Lɔtə ɓa: «Pu ə́ li, ə gɛ, ə́ ə́ nwun mąąɓo, yá kɛi li, hvə ə́ pulu kaa hvo nwɔ̨nɔ̨ tɔɔ bələi, li ɲee tii ɓa, ə́ ə́ nwun mąą kilɛ laa, hvo pa lɛɛ ɉu.»

Bible

¹⁷ Tãi dí díkùla la daai mai, dí mò dîa dîyɛɛi, “Ka pú ká káfulu-laai maa kɔ̃ɔ. Káfe kápôlu kàa, kpaa máŋ ká kpéra kwaa da kélee ma ǹyéei koo mu. Ka pú ká tɛ́ ǹyéei su, káfa lâa saa la.”

Zɛnɛse 19:17 Referans Kwoze

Lukə 9:62

Jesus yɛ mą: «Akɛ nu ta a kɛɛ hiɛɛ kɔ́wɔ tɔɔ lɔ, yɛ bulu kaa, a kɛ tii, mąą nu hva pɛli tiɓo kɛi Yálá-taa tɔɔlaai hu.»

Zɛnɛse 19:26

Lɔtə nɛ̨ą ə tinɛ̨n, ə ɲɛ̨i hee bulu pələ, ə mąą pənə a kpolo-kwɛni.

Zɛnɛse 19:22

Li a gilɛ ɉa-ɉa, ə́ ə́ mąą kilɛ laa, mąąhɔlɔɓo, ya wala ni həli daai tii hu, və́ pai pɛlii mɛ̨nį ta kɛi.» Mɛ̨nįi gɛ diɛ kɛ daa lon tii laa ɓaa Soarə yaa li.

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Ɉeremi 48:6

'Ka pu! Nu kəlee ə gbɔwɔ mąąkɔ̨nwɔ̨! Ka kɛ yɛ bələi Aroɛrə kaa la nɔi pun ɉu.

Tɔɔɓɛlaa dɔlɔɔ 19:3

Bələ mɛ̨n Eli ə mo, ə pu, ə bɔmun nɛɛ laa, yɛ li mąąkilɛi Beɛrə-Seva, yai kɛ a Ɉuda taa ta.

Zɛnɛse 13:10

Lɔtə ə ɲɛ̨i laa, nɔi kɛ Ɉurdɛn yá koo ɓa, ə gaa, nąą pələ nwɔ kalai ɲąąnɛ̨ɛ̨. Ə həɠə Soarə daai yɛ li Sodomə daai da Gomorə daai pələ, nąą pələ ə kɛ yɛ Yálá-taa lon ma. Kɛlaa, Nąąlɔwai, Yai-Laa hvo ni kɛ Sodomə taa da Gomorə taa di kala li. Gɛɛnąąi tii, nɔi lɛlɛ pələ ə kɛ yɛ Eziptə ɲá lee kɛnɛ̨ ŋɛ̨i da kɛ mą: Nilə, gwɛlɛ lɔi.

Mąątɛ̨nɛ̨ 121:1

Hiɛ mąąhəɠɛɛ kulɔ wələ. Ŋą́ nwún muhəɠə, ŋį́ ɲɛ̨́i hee ɲeeɠaa diɛ, mįnɛ̨ ɓə nwɔ́ kpɔnmąą a pɛli həɠəi laa?

Samuɛlə dɔlɔɔ 19:11

Saulə ə nuą tɔɔ Davidə yəi bɛlɛ́n, ə gɛ, di naa maahɛŋi di baa yələwala pɔ. Davidə nɛ̨ą Mikalə ə ɉilɛ wəli lon doo ɉu, yɛ mą: «Ya wala ə́ nwun mąąkilɛ gbinįi ŋɛ̨i hu, da tínąą ə́ paa.»

Zɛnɛse 18:22

Nwɛ̨ąąi tii veelɛ di tɛɛ diɛ li Sodomə daai pələ, di Yai-Laa da Abrahamə di lɛɛ laa tɔɔni.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Zɛnɛse 14:10

Ləɠi-pɔlɔ kulɔ lɔwa kpɛa kpɛa tamąą di kɛ Sidimə nɛ̨ŋɛ̨ lɔi hu. Sodomə da Gomorə tɔɔɓɛlaa di pu, di daɠaa paa, yiiɠaai lɛɛ də li, di di mąąkilɛ ɲeeɠaa ɓa.

Zɛnɛse 19:18

Lɔtə ə nwoo ŋąąpənə, yɛ mą: «Ną́mu, nąą kwɛai, vá pɛli mą.

Zɛnɛse 19:30

Lɔtə ə kɛi ɲɔw heei Soarə daai, yili ɓə gɛ, ə li, ə hee, yee ta ɓa da nonnii nɛ̨ąą hveelɛi, di kɛ laa kwɛni wolo ta hu.

Lonon mo 16:26

Moisə ə mo nuą diɛ, yɛ diɛ: «Ka ka mąą kwɛa nu ɲɔ̨nwɔ̨ɔ̨ɠaai ŋɛ̨i di wɔ pɛlɛ́ɠaai diɛ. Ka hvə tunwɔ̨n di yəi hɛn da ɓa, ka hvo nee pa haa di wɔ nɛ̨ŋɛ̨nŋąąi mąą mɛ̨nį ɓa.»

Tɔɔɓɛlaa dɔlɔɔ 1:12

Yii hu, gáá liɛwoo ta kɛi yɛ́, ə gɛ, ə́ ə́ nwun mąąkɔ̨nwɔ̨, ə mą kɛ ə́ lon Salomɔn.

Lukə 12:23

Hvó gaai, nu nɔ̨w hviɛlaɓoɔi kɔ̨nɔ̨n ma. Nu kɔ́lɔ hviɛlaɓoɔi həɠə ɓa.