Zɛnɛse 18:23 - Yálá laawoo hɛɓɛ (dc)

²³ Abrahamə ə mąąlɛɠɛ mą, yɛ mą: «Yai-Laa! Akɛtii ə́ kaa lii tələnmo nuą da nwąnąlɔ nuą kəlee nwun na pilii a gee?

Yálá laawoo hɛɓɛ

²³ Abrahamə ə mąąlɛɠɛ mą, yɛ mą: «Yai-Laa! Akɛtii ə́ kaa lii tələnmo nuą da nwąnąlɔ nuą kəlee nwun na pilii a gee?

Bible

²³ Nya ƃe Eberaɣɛ̃ɛ è lɛ̀ɣɛ Yâwɛɛ kɔlɛ, ǹyɛɛ mai, “Ƃa pâi dɔ̃yâ-ƃelai su karâi da ŋwana-lɔ̂ɔ-ƃelai gîe ma?

Zɛnɛse 18:23 Referans Kwoze

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Samia Veerɛi 24:17

Malakai ŋɛ̨i gɛɛ kala nɔi, gaai Davidə ə mo, ə mo Yai-Laa ɓa, yɛ mą: «Ɲą́ą́ ɓə nɛ̨ŋɛ̨n ɉəɠə, ɲą́ą́ ɓə túwɔ́ pələ ɲɔ̨n gulɔ; kɛlaa, mąąwɛli nuą ŋɛ̨i, di wɔ nąą ɓaa lə? Ɲą́ą́ kwa nwɔ́ pɛlɛ́i mu nuą ɓə mąąnɛ̨ɛ̨ ə́ ə́ ɲɛ̨i ɲɔ̨nwɔ̨ɔ̨ hee kuɔ.»

Zɛnɛse 20:4

Abimelɛkə hvo ni kɛ laa li a nɛ̨ɛ̨nui tii, ə Yálá woo ŋąąpənə, yɛ mą: «Nwɔ́ mɛ̨nį Ną́mu, ɲą́ą́ kwa nwɔ́ lɔi hu nuą hɔn və kuɔ mɛ̨nį ŋɛ̨i hu, akɛtii ə́ kaa pai ku nwun na pilii yili mąą mɛ̨nį ɓa?

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Zôo 34:17

tələnmolaa ɲowo a mɔ̨ɔ̨ pɛli kɛ yɛnɛ̨ɛ̨ ɲąąwooɓoi? Tələnmomun ŋɛ̨i a Huwalawala Kəlee Nąmu, yɛ́ ɓə yá pɛli nɛi a hɔn mąą mun?

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Ɉeremi 30:21

Nɔi lon da ɓə a kɛ a nwɔ tɔɔmun, ɲąąwooɓomun a kulɔ di lɔwai. Gáá hvaai ma yɛ mąą lɛɠɛ mą́ą́. Gbɛɛ kpɔ ɓə nii a pɛli kpələi yɛ mąą lɛɠɛ mą́ą́? Yai-Laa woo li.

Mąątɛ̨nɛ̨ 73:28

Nwɛ́i nwɔ́ yɛnɛ̨ɛ̨ ɲąąnɛ̨ɛ̨ lɔ ɓaa: Ŋį́ kɛ Yálá kwɛlɛ. Ną́mu Yai-Laa kwɛlɛ ɓə ŋį́ gɛ a mą́ą́kilɛi, gɛ́ pɛli gɛ mɛ̨nįɠaa kəlee noloɓoi.

Zôo 8:3

Yálá a pɛli mą tɛ̨ą kpəlaan ɉii? Huwalawala Kəlee Nąmu a pɛli mɔ̨ɔ̨ tələnmolaa kpəlaan ɉii?

Zĩi 5:17

Eli ə kɛ lɔ a nu yɛ guɔ, ə Yálá hvɛli kpɔ a kilitɔɔmąą laa, yɛ tulɔ hvo pu, yaan, tulɔ hvo hvilɛn lɔi ɓa, kwɛlan ɉaaɓa ɲąnįn mɛ̨ida yee mu;

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Zɛnɛse 18:24

Akɛ gbəli hu, tələnmo nuą da kɛ Sodomə daai a nu pow lɔɔli, hvá mɔɔ pɛli daai tii mąąhvaalɛɛi nu pow lɔɔli tii mąą mɛ̨nį ɓa?

Lɛɛ gbɔwɔ ɓa 23:7

Ə́ mąą kwɛa lɛɛ kiti ɓa. Hvó tələnmomun baa da nu haŋąą. Mąąhɔlɔɓo, nui a ɉɔn gɛ, hvá kɛ mą: dələnmoɔi.